[᭑᭘ 18B]
᭑᭘
ᬮᬶᬲ᭄ᬫᬧᬶᬢᬸᬢᬸᬃᬫᬦᬶᬲ᭄ᬲᬤ᭄ᬥᬩᬦ᭄ᬩᬦ᭄᭞ᬇᬗ᭄ᬕᬶᬄᬭᬢᬸᬬᬚ᭄ᬜᬲᬾᬦᬶ᭞ᬲᬫ᭄ᬧᬸᬦ᭄ᬢᭂᬮᬲ᭄ᬧᭂᬚᬄ᭞ᬲᬯᬢᭂᬓᬶᬂᬘᬘᬓᬵ᭞ᬲᬦᬾᬫᬗ᭄ᬕᬯᬾᬦᬂᬧᬢᬶ᭞ᬫᬦ᭄ᬢᬸᬓ᭄ᬳᬶᬤᬾᬯ᭞ᬭᬶᬓᬳᬦᬦᬾᬗᬸᬦᬶ᭟
ᬢᬦ᭄ᬳᬸᬘᬧᭂᬦ᭄ᬓᬮᬶᬄᬲᬶᬤ᭄ᬥᬕᬯᬾᬦᬶᬭᬵ᭞ᬲᬂᬪᬷᬫ᭄ᬫᬵᬫ᭄ᬯᬂᬤ᭄ᬭᬸᬧᬤᬶ᭞ᬫᬗ᭄ᬓᬶᬦ᭄ᬘᬭᬶᬢᬬᬂ᭞ᬯᬢᭂᬓ᭄ᬳᬶᬲ᭄ᬢ᭄ᬭᬶᬘᬘᬓᬵ᭞ᬫᬭᬵᬓᬲᬾᬢ᭄ᬭᬦᬾᬫᬗ᭄ᬓᬶᬦ᭄᭞ᬧᬘᬂᬗᬲ᭄ᬓᬭ᭞ᬲᬯᬦᬾᬘᬘᬓᬫᬦ᭄ᬢ᭄ᬭᬶ᭟ᬲᬫᬶᬓᬜ᭄ᬘᬦ᭄ᬩ
ᬮᬸᬩᬮᬸᬧᬜ᭄ᬚ᭄ᬭᭀᬯᬦ᭄᭞ᬧᬚᬮᬦᬾᬲᬤ᭄ᬥᬕᬢᬶ᭞ᬓᬢᭀᬦ᭄ᬧᬚᬸᬮᬶᬫ᭄ᬧᬂ᭞ᬯᬗ᭄ᬓᬾᬭᬶᬂᬚᬮᬦ᭄ᬚᬮᬦ᭄᭞ᬩᭂᬗᭀᬂᬫᬦᬄᬦ᭄ᬬᬢᬦ᭄ᬲᬶᬦᬶᬧᬶ᭞ᬦᬸᬮᬶᬗᬸᬦᬶᬗᬂ᭞ᬭᬶᬂᬲᬸᬥᬾᬱ᭄ᬡᬵᬭᬵᬚᬧᬸᬢ᭄ᬭᬶ᭟ᬇ
ᬗ᭄ᬕᬶᬄᬭᬢᬸᬤᬾᬯᬦ᭄ᬢᬶᬢ᭄ᬬᬂᬭᬵᬚᬧᬸᬢ᭄ᬭ᭄ᬬ᭞ᬳᬓᬾᬄᬓᬳᬸᬮᬦᬾᬫᬗ᭄ᬓᬶᬦ᭄᭞ᬧᭂᬚᬄᬓᬳᬸᬮᬦᬾᬫᬗ᭄ᬓᬶᬦ᭄᭞ᬧᭂᬚᬄᬧᬚᬸᬮᬶᬫ᭄ᬧᬂ᭞ᬲᬓ᭄ᬯᬾᬳᬶᬂᬫᬺᬢᬾᬓᬵ᭞ᬲᬯᬦᬾᬘᬘᬓᬫᬦ᭄ᬢ᭄ᬭᬶ᭞ᬓᬤᬶᬧᬃᬯ᭄ᬯᬢᬵ᭞ᬩᬶᬦᬚ᭄ᬭᬵᬳ᭄ᬬᬂᬲᬸᬭᬧᬢᬶ᭟ᬲᬂᬲᬸ
[᭑᭙ 19A]
ᬮᬦ᭄ᬤ᭄ᬭ᭄ᬬᬫᬦ᭄ᬢᬸᬓᬶᬂᬧᬕ᭄ᬭᬳᬦᬶᬭ᭞ᬲᬡ᭄ᬥ᭄ᬬᬳᭀᬯᬗ᭄ᬕᬯᬾᬦᬾᬲᬫᬶ᭞ᬤᬾᬦᬶᬂᬕᭀᬩᬦᬶᬭ᭞ᬢᬦ᭄ᬲᬫᬵᬭᬶᬂᬫᬦᬸᬱᬵ᭞ᬲᬢ᭄ᬲᬢ᭄ᬯᬃᬡ᭄ᬦᬲᬂᬳ᭄ᬬᬂᬭᬢᬶᬄ᭞ᬳᭂᬜᬾᬦ᭄ᬳᬦᬓᬾ᭞ᬢ᭄ᬯᬭᬤᭂᬫᭂᬦ᭄ᬫᬦᬶᬗ᭄ᬳᬮᬶᬦ᭄᭟ᬓ
ᬮᬶᬄᬳᬶᬧᬸᬦ᭄ᬲᬳᬬᬵᬯᬢᭂᬓ᭄ᬕᬦᬃᬯ᭄ᬯᬵ᭞ᬤᬾᬦᬶᬂᬢᬦ᭄ᬓᬢᭀᬦ᭄ᬢᬸᬯᬶ᭞ᬳᬾᬯᭂᬄᬧᬭᬫᬦ᭄ᬢ᭄ᬭ᭄ᬬ᭞ᬩᭂᬘᬶᬓ᭄ᬳᬶᬤᬾᬯᬗᬦ᭄ᬤᬶᬓᬵ᭞ᬳᬯᬢ᭄ᬧᬓᭀᬦ᭄ᬲᬂᬪᬸᬧᬢᬶ᭞ᬓᬶᬦᭀᬦ᭄ᬕᬶᬗ᭄ᬲᬶᬭᬵ᭞ᬭᬶᬂᬚᬕᬢ᭄ᬯᬶᬭᬣᬾ
ᬓᬶ᭟ᬲᬂᬲᬸᬥᬾᬱ᭄ᬡᬵᬲ᭄ᬯᬾᬘ᭄ᬙᬵᬭᬶᬳᬢᬸᬃᬦᬶᬭ᭞ᬦᬸᬮᬶᬳᬶᬤᬗᬦ᭄ᬤᬶᬓᬵᬭᬶᬲ᭄᭞ᬳᬤᬶᬲᬂᬲᬸᬮᬦ᭄ᬤ᭄ᬭ᭄ᬬ᭞ᬓᭂᬫᬳᬤᬶᬫᬢᬶᬗ᭄ᬕᬮ᭄᭞ᬲᬓᬾᬂᬳᬚ᭄ᬜᬰ᭄ᬭᬷᬪᬸᬧᬢᬶ᭞ᬲᬧᬭᬦ᭄ᬢᬶᬩ᭞ᬲᬂᬲᬸᬮᬦ᭄ᬤ᭄ᬭᬶᬦᬾᬫᬗ᭄ᬓᬶᬦ᭄᭟ᬓ
ᬯᭂᬯᭂᬕᬦ᭄ᬫᬦᬳᬾᬓᬶᬦᭀᬦ᭄ᬫᬶᬗ᭄ᬕᬢᬵ᭞ᬫᬢᬸᬃᬲᭂᬥᬶᬄᬗᬰᬶᬳᬰᬶᬄ᭞ᬇᬗ᭄ᬕᬶᬄᬭᬵᬚᬧᬸᬢ᭄ᬭ᭄ᬬ᭞ᬳᬫ᭄ᬧᬸᬭᬳᬶᬓᬶᬢᬶᬢ᭄ᬬᬂ᭞ᬰ᭄ᬭᬤ᭄ᬥᬳᬶᬤᬾᬯᬦᬾᬫᬗ᭄ᬓᬶᬦ᭄᭞ᬫᬗᬸᬦᬶᬗᬬᬂ᭞ᬭᬶᬂᬳᬶᬤᬰ᭄ᬭᬶᬪᬸᬧᬢᬶ᭟
Kaca:Bali-lontar-paparikan-wiratha-parwa-300ppi.pdf/19
Kaca puniki sampun kauji-wacén
