[᭑᭗ 17B]
᭑᭗
ᬦ᭄ᬤᬃᬯ᭄ᬯᬵᬲᬫᬶ᭟ᬲᬂᬚᬬᬳᬢ᭄ᬫᬦ᭄ᬢᬶᬢ᭄ᬬᬗᬾᬳᬶᬤᬾᬯᬵ᭞ᬫᬶᬦᬓᬤᬶᬲᬂᬚᬬᬦ᭄ᬢᬶ᭞ᬫ᭄ᬯᬂᬲᬂᬚᬬᬢ᭄ᬲᬾᬦ᭞ᬯᬶᬚᬬᬵᬚᬬᬢ᭄ᬯᬮᬄ᭞ᬘᬶᬗᬓ᭄ᬢᬶᬢ᭄ᬬᬂᬳᬰᬶᬳᬰᬶᬄ᭞ᬳᬦᬦ᭄ᬤᬂᬮᬭᬵ᭞ᬤᬾᬦᬶᬂᬯᬢᭂ
ᬓ᭄ᬘᬘᬓᬧᬢᬶᬄ᭟ᬓᬧᬶᬲᭂᬋᬂᬢᬸᬫᬸᬢᬾᬓᬧᭂᬚᬳᬶᬓᬂ᭞ᬘᬘᬓᬲᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬵᬳᬶᬤᬾᬯᬵᬳᬸᬦᬶᬗᭃ᭞ᬫᬯᭀᬲᬂᬭᬶᬂᬫᬦᬄ᭞ᬤᬾᬦᬶᬂᬢᬶᬢ᭄ᬬᬂᬢᬸᬦᬓᬦ᭄ᬢᬶ᭞ᬓᬢᬸᬦᬦ᭄ᬫᬦᬄ᭞ᬲᬂᬪᬷ
ᬫ᭄ᬫᬵᬦᬸᬮᬶᬫᬢᬗᬶ᭟ᬓᬕ᭄ᬬᬢ᭄ᬫᬗᬺᬗᭃᬰᬩ᭄ᬥᬵᬫᬗᬯᬗᬯᬂ᭞ᬫᬸᬜᬶᬲᭂᬥᬶᬄᬳᬗᬰᬶᬳᬰᬶᬄ᭞ᬦᬫ᭄ᬩᬢ᭄ᬲᬂᬕᬦ᭄ᬤᬃᬯ᭄ᬯᬵ᭞ᬰᬺᬗᭂᬦ᭄ᬳᬲᭂᬫᬸᬓ᭄ᬭᭀᬥ᭞ᬢᭂᬓᬵᬓᬳᬦᬦ᭄ᬤ᭄ᬭᭀᬧᬤᬶ᭞ᬓᬶᬦᬾᬦ᭄ᬫᭂᬦᭂᬗᬵ᭞
ᬳᭂᬥᬤᬾᬯᬵᬮᬶᬦ᭄ᬢᬂᬲᭂᬥᬶᬄ᭟ᬕᭂᬮᬶᬲ᭄ᬤᬦᬾᬗᬺᬕᭂᬧ᭄ᬫᬗ᭄ᬮᬭᬂᬫᬦ᭄ᬢ᭄ᬭᬫᬬᭀᬕᬲᬫᬥᬶ᭞ᬫᬲᬮᬶᬦ᭄ᬲ᭄ᬯᬭᬸᬧ᭞ᬓᬤᬶᬭᬸᬧᬦᬶᬂᬭᬵᬓ᭄ᬱᬲ᭞ᬫᬮᬓ᭄ᬱᬡᬲᬦᬾᬫᬗ᭄ᬓᬶᬦ᭄᭞ᬫᬦᬫ᭄ᬩᬸᬢ᭄ᬯᬺᬓ᭄ᬱ᭞ᬳᬦᬸᬮᬶᬫᬗ᭄ᬓᬢ᭄ᬳ
[᭑᭘ 18A]
ᬕᭂᬮᬶᬲ᭄᭟ᬳᬚ᭄ᬭᬶᬄᬲᬓᬸᬮᬵᬯᬦ᭄ᬤᬯᬵᬲᬂᬘᬘᬓᬵ᭞ᬫᬦᭀᬦ᭄ᬲᬂᬕᬦᬃᬯ᭄ᬯᬧᬢᬶ᭞ᬫᬭᬸᬧᬭᬵᬓ᭄ᬱᬲᬵ᭞ᬳᬦᬢᬸᬫᭂᬥᬸᬦᬶᬂᬢᭀᬬᬵ᭞ᬳᬦᬗᬸᬗ᭄ᬲᬶᬳᬮᬲ᭄ᬕᬶᬭᬶ᭞ᬫᭂᬦᬾᬓ᭄ᬭᬶᬂᬢᬭ᭄ᬯ᭞ᬤᬾᬦᬶᬂᬚ᭄ᬭᬶᬄᬢ
ᬦ᭄ᬲᬶᬦᬶᬧᬶ᭟ᬥᬸᬄᬘᬳᬶᬳᭂᬦᬾᬢᬸᬯᬶᬲᬂᬕᬦᬃᬯ᭄ᬯᬭᬵᬚ᭞ᬫᬳᬵᬧ᭄ᬭᬪᬯᬢᬦ᭄ᬲᬶᬦᬶᬧᬶᬓ᭄ᬭᭀᬥᬫᬭᬶᬂᬓᬶᬢᬵ᭞ᬫᭂᬮᬄᬮᬾᬩᬂᬲᬸᬮᬦ᭄ᬤ᭄ᬭ᭞ᬮᬶᬦ᭄ᬢᬂᬓᬾᬯᭂᬄᬩᬸᬓᬚᬦᬶ᭞ᬓᬾᬢᭀᬫᬸᬜᬶᬦ᭄ᬜ᭞ᬲᬯ
ᬢᭂᬓ᭄ᬘᬘᬓᬧᬢᬶᬄ᭟ᬤ᭄ᬬᬄᬲᬸᬮᬦ᭄ᬤ᭄ᬭᬶᬦᬾᬚᬦᬶᬲᬫ᭄ᬧᬸᬦ᭄ᬓᬮᬾᬩᬂ᭞ᬩᬮᬵᬘᬘᬓᬦᬾᬚ᭄ᬭᬶᬄ᭞ᬓᬓᭂᬧᬸᬂᬢᬦ᭄ᬫᬃᬬ᭄ᬬᬵ᭞ᬤᬾᬦᬶᬂᬓᬬ᭄ᬯᬢᬦᬬ᭞ᬓᬤᬶᬳ᭄ᬬᬂᬇᬦ᭄ᬤ᭄ᬭᬯ᭄ᬬᬓ᭄ᬢᬶ᭞ᬫᭂᬚᬳᬶᬂᬤᬿᬢ᭄ᬬ᭞ᬤᬦᬯᬵᬧᬶ
ᬰᬘᬲᬫᬶ᭟ᬓᬾᬢᭀᬢᬶᬗ᭄ᬓᬄᬲᬂᬪᬶᬫ᭄ᬫᬵᬫᬺᬱ᭄ᬝᬵᬓᭂᬦ᭞ᬯᬢᭂᬓ᭄ᬲᬂᬘᬘᬓᬫᬦ᭄ᬢ᭄ᬭᬶ᭞ᬧᬥᬧᬚᬸᬮᬶᬫ᭄ᬧᬂ᭞ᬢᭂᬗᬳᬶᬂᬲ᭄ᬫᬰᬡᬵ᭞ᬲᬂᬯᬺᬓᭀᬥᬭᬦᬾᬫᬗ᭄ᬓᬶᬦ᭄᭞ᬭᬭᬶᬲ᭄ᬳᬸᬫᬭ᭞ᬓᬳᬦᬦ᭄ᬤ᭄ᬬᬄᬲᬸᬮᬦ᭄ᬤ᭄ᬭᬶ᭟ᬕᭂ
Kaca:Bali-lontar-paparikan-wiratha-parwa-300ppi.pdf/18
Kaca puniki sampun kauji-wacén
