[᭕᭕ 55B]
᭕᭕
ᬲᬂᬧ᭄ᬭᬪᬸᬭᬢᬸᬦᬶᬂᬚᬕᬢ᭄᭞ᬦᬗᬸᬦ᭄ᬬᬚ᭄ᬜᬭᬗ᭄ᬓᬸᬂᬍᬯᬶᬄ᭞ᬓᬤᬶᬬᬚ᭄ᬜᬲᬂᬳ᭄ᬬᬂᬕᭀᬫ᭞ᬬᬚ᭄ᬜᬳ᭄ᬬᬂᬩ᭄ᬭᬸᬡᬫᬮᬶᬄ᭞ᬫᬗ᭄ᬕᭂᬄᬲᬂᬫᬶᬦᬓᬤᬶ᭞ᬰ᭄ᬭᬶᬤ᭄ᬯᬾᬧᬬᬡᬲᬶᬦᬸᬳᬸᬦ᭄᭞ᬤᬤᬶᬳᬲᬶᬓᬶᬯᬾᬥ
᭞ᬢᬦ᭄ᬳᬦᬫᬥᬦᬶᬂᬫᬮᬶᬄ᭞ᬕᬸᬡᬦ᭄ᬧ᭄ᬭᬪᬸ᭞ᬓᬤᬶᬫᬳᬵᬭᬵᬚᬓᬺᬱ᭄ᬡᬵ᭚ᬯᬶᬓᬦᬾᬭᬶᬂᬲᬜ᭄ᬚᬢ᭞ᬓᬤᬶᬲᬂᬭᬫᬪᬤ᭄ᬭᬍᬯᬶᬄ᭞ᬓᬤᬶᬧ᭄ᬭᬪᬸᬩᬕᬶᬭᬢ᭄ᬣ᭞ᬲᬂᬧ᭄ᬭᬪᬸᬫᬜᬥ᭄ᬬᬲᬫᬶ᭞ᬗᬾᬮᬶ
ᬗᬂᬭᬯᬸᬄᬓᬯ᭄ᬓᬲᬶᬦ᭄᭞ᬤᬕᬶᬂᬭᬱᬦᬶᬂᬧ᭄ᬭᬚᬜ᭄ᬚᬶᬦᬶᬧᬸᬦ᭄᭞ᬳᬲᬶᬂᬚᬤ᭄ᬫᬦᬸᬳᭀᬦᬶᬦ᭄ᬜ᭞ᬓᬢᭂᬍᬩ᭄ᬗᬸᬯᬄᬳᬸᬦ᭄ᬤᬸᬓᬾ᭞ᬓᬘᬭᬶᬢᬵ᭞ᬲᬦᬾᬯ᭄ᬢᬸᬲᬓᬶᬂᬲ᭄ᬯᬢᭂᬓᬶᬂᬦᬕ᭚ᬓᭀᬘᬧ᭄ᬫᬓᬤᬶ
ᬦᬶᬂᬕ᭞ᬦᬾᬫᬢᬶᬢᬶᬂᬩᬭᬶᬂᬕ᭄ᬦᬶ᭞ᬲᬶᬓᬶᬳᬦᬓ᭄ᬳᬶᬢᬓ᭄ᬱᬓ᭞ᬳᬦᬓ᭄ᬐᬭᬯᬢᬶᬫᬮᬶᬄ᭞ᬳᬦᬓ᭄ᬤᬺᬢᬵᬭᬱ᭄ᬝᬧᬸᬳᬸᬦ᭄ᬫᬮᬶᬄ᭞ᬓᭀᬘᬧ᭄ᬦᬕᬧᬸᬦᬶᬓᬶ᭞ᬲᬫᬶᬧᬥᬍᬯᬶᬄᬓᬩᬓ᭄ᬢ᭄ᬬᬦ᭄
[᭕᭖ 56A]
ᬧᬜ᭄ᬚᬗᬾᬢᬦ᭄ᬓᬤᬶᬓᬤᬶ᭞ᬬᬾᬦ᭄ᬲᬯᬗᬦ᭄᭞ᬯᬾᬦ᭄ᬢᭂᬦ᭄ᬓᬮᬶᬄᬮᬓ᭄ᬱᬤᭂᬧ᭚ᬯᬾᬦ᭄ᬢᭂᬦ᭄ᬧᬜ᭄ᬚᬂᬮᬓ᭄ᬱᬤᭂᬧ᭞ᬬᬦᬾᬬᬤᭂᬧᬦᬶᬦ᭄᭞ᬯᬾᬦ᭄ᬢᭂᬦ᭄ᬫᬰᬶᬭᬄᬢᬢᬶᬕ᭞ᬮᬮᬶᬫᬧᬧᬶᬢᬸᬫ
ᬮᬶᬄ᭞ᬓᭀᬘᬧ᭄ᬰ᭄ᬭᬶᬜᬓ᭄ᬭᬯᬃᬢ᭄ᬢᬶ᭞ᬲᬯᬸᬲᬦ᭄ᬬᬚ᭄ᬜᬗ᭄ᬯᬗᬸᬦ᭄᭞ᬲᬸᬗ᭄ᬲᬸᬢ᭄ᬲᬸᬗ᭄ᬲᬸᬢᬶᬂᬫᬦᬄ᭞ᬭᬾᬄᬢᬓ᭄ᬱᬓᬯᬸᬭᬸᬂᬫᬢᬶ᭞ᬫᬢᬸᬃᬲᭂᬫ᭄ᬩᬄ᭞ᬭᬶᬂᬧᬤᬪᬕᬯᬦ᭄ᬩ᭄ᬬᬱ᭚ᬫᬧᬶᬦᬸᬦᬲ᭄
ᬧᬗ᭄ᬮᬶᬧᬸᬭᬦ᭄᭞ᬓᬲᬢ᭄ᬯᬂᬳᬶᬦ᭄ᬤᬶᬓᬾᬭᬶᬳᬶᬦ᭄᭞ᬓᬮᬸᬳᬸᬭᬦᬾᬲᬫᬶ᭞ᬳᬗ᭄ᬭᬲᬶᬦᬸᬳᬸᬦ᭄ ᬩ᭄ᬬᬱᬮᬭᬶᬲ᭄᭞ᬦᬸᬤᬸᬄᬰᬶᬱ᭄ᬬᬳᬲᬶᬓ᭄ᬬ᭞ᬯᬾᬲᬫ᭄ᬧᬬᬡᬯᬶᬓᬸ᭞ᬫᬶᬯᬄᬪᬕᬯᬦ᭄ᬰᬸᬓ᭄ᬭ᭞ᬧᬸ
ᬢ᭄ᬭᬦ᭄ᬭᬲᬶᬦᬸᬳᬸᬦ᭄ᬍᬯᬶᬄ᭞ᬓᬦ᭄ᬤᬶᬓᬬᬂ᭞ᬗ᭄ᬮᬶᬧᬸᬃᬧ᭄ᬭᬪᬸᬳᬲ᭄ᬢᬶᬦ᭚ᬗᬯᬶᬚᬶᬮᬂᬧᬜᬭᬶᬢ᭞ᬓᬢᬄᬓᬢᬄᬩᭂᬘᬶᬓ᭄ᬲᬫᬶ᭞ᬗᬭᬦ᭄ᬳᬲ᭄ᬢᬤᬰᬧᬃᬯ᭄ᬯ᭞ᬩ᭄ᬭᬲᬶᬦᬸᬳᬸᬦ᭄ᬩᬸᬤᬮ᭄ᬕᭂᬮᬶᬲ᭄᭞ᬫ
Kaca:Bali-lontar-paparikan-uwug-rusak-dwarawati-300ppi.pdf/56
Kaca puniki sampun kauji-wacén
