[᭕᭔ 54B]
᭕᭔
ᬕ᭄ᬮᬶᬲ᭄᭞ᬓᬲᬳᬢᬂ᭞ᬳᬸᬜ᭄ᬘᬭᬸᬜ᭄ᬘᬭᬦᬶᬂᬫᬦ᭄ᬢ᭄ᬭ᭚ᬫᬦ᭄ᬢ᭄ᬭᬓᬳᬸᬤᬸᬄᬗ᭄ᬭᬸᬗᬸᬳᬂ᭞ᬳᬶᬢᬵᬓ᭄ᬱᬓᬕᬢᬶᬕᬢᬶ᭞ᬬᬤᬶᬦ᭄ᬗᬸᬗ᭄ᬲᬶᬇᬦ᭄ᬤ᭄ᬭᬮᭀᬓᬵ᭞ᬲᬂᬳ᭄ᬬᬂᬇᬦ᭄ᬤ᭄ᬭᬓᬾᬯᭂᬄᬕᬢᬶ᭞ᬓᬳᬸᬬᭂ
ᬕ᭄ᬭᬶᬂᬧᬮᬶᬗ᭄ᬕᬶᬄ᭞ᬭᬕᬵᬭᬱᬓᬤᬶᬦᬸᬦ᭄ᬤᬸᬦ᭄᭞ᬭᬾᬄᬳᬶᬤᬗᬫ᭄ᬩᭂᬮ᭄ᬦᬕ᭞ᬭᬶᬂᬳᬸᬫ᭄ᬧᬮᬶᬂᬓᬫ᭄ᬧᬸᬄᬫᬗ᭄ᬮᬶᬮᬶᬢ᭄᭞ᬲᬓᬶᬂᬢᬓᬸᬢ᭄᭞ᬲᬂᬳ᭄ᬬᬂᬇᬦ᭄ᬤ᭄ᬭᬭᬸᬦ᭄ᬢᬸᬄᬭᬶᬂᬓᬸᬡ᭄ᬥ᭚ᬓᬢᬶᬗ᭄ᬕ
ᬮᬦ᭄ᬳᬶᬢᬓ᭄ᬱᬓᬵ᭞ᬤᬸᬓ᭄ᬧᬲᬄᬫᬍᬘᬢᬕ᭄ᬮᬶᬲ᭄᭞ᬮᬲᬄᬮᬸᬲᬸᬄᬗᬯᬂᬗᬯᬂ᭞ᬳᬘᬸᬫ᭄ᬳᭀᬋᬫ᭄ᬤᭂᬳᭂᬲ᭄ᬤᬶᬳᬶᬲ᭄᭞ᬫᬦᬳᬾᬲᬫᬶᬲᬫᬸᬦ᭄᭞ᬲᬗᬱ᭄ᬝᬶᬓᬵᬕ᭄ᬮᬶᬲ᭄ᬫᬢᬸᬃ᭞ᬤᬸᬓ᭄ᬜᬶᬗᬓ᭄ᬳᬶ
ᬢᬓ᭄ᬱᬓᬵ᭞ᬳᬢᬸᬭᬾᬗᬲᬶᬄᬳᬲᬶᬄ᭞ᬦᬸᬦᬲ᭄ᬳᬶᬘ᭞ᬓᭀᬘᬧ᭄ᬋᬓᬾᬭᬶᬂᬧᬢᬮ᭚ᬫᬾᬗ᭄ᬕᬂᬫᬾᬗ᭄ᬕᭀᬂᬭᬶᬂᬲᬧ᭄ᬢᬧᬢᬮᬵ᭞ᬭᬶᬗᬗᬶᬢ᭄ᬳᬫ᭄ᬩᬸᬳᬗ᭄ᬮᬶᬮᬶᬢ᭄᭞ᬫᬢᬶᬓᬤᬶᬮᬄᬭᬶᬂ
[᭕᭕ 55A]
ᬓᬸᬡ᭄ᬥ᭞ᬲᬗᬱ᭄ᬝᬶᬓᬵᬦ᭄ᬤᬶᬓᬬᬂᬫᬗ᭄ᬓᬶᬦ᭄᭞ᬕᬢᬶᬕᬢᬶᬳᬶᬤᬢᬸᬮᬸᬗᬶᬦ᭄᭞ᬓᬤᬂᬳᬶᬤᬦᬾᬦᬾᬫᬮᬸ᭞ᬓᬾᬢᭀᬯᬘᬡᬦ᭄ᬪᬝᬵᬭ᭞ᬬᬾᬦ᭄ᬢᬦ᭄ᬳᬶᬤᬫᬦᬸᬮᬸᬗᬶᬦ᭄᭞ᬫᬾᬄ
ᬮᬘᬸᬃᬢᬸᬮᬸᬲ᭄ᬫᬢᬶᬳᬾᬲᬫ᭄ᬬᬦ᭄᭚ᬳᬶᬤᬜᬶᬤᬬᬂᬫᬗᬮᬾᬲᬦ᭄᭞ᬲᬓᬶᬂᬬᬚ᭄ᬜᬵᬲᬃᬧ᭄ᬧᬲᬫᬶ᭞ᬲᬓᬢᬄᬓᬢᬄᬳᬶᬦᬕ᭞ᬦᬾᬤᬸᬭᬸᬂᬲᬶᬤ᭄ᬥᬫᬢᬶ᭞ᬲᬗᬱ᭄ᬝᬶᬓᬫᬫᬃᬕ᭄ᬕᬶ᭞ᬓᭀᬘᬧ᭄
ᬲᬗᬱ᭄ᬝᬶᬓᬧᬸᬦᬶᬓᬸ᭞ᬳᬦᬓᬾᬲᬂᬧᬡ᭄ᬥᬶᬢ᭞ᬫᬭᬩᬶᬭᬶᬂᬦᬕᬳᬶᬲ᭄ᬢ᭄ᬭᬶ᭞ᬦᬾᬫᬢ᭄ᬫᬸ᭞ᬧᬥᬚᬭᬢ᭄ᬓᬭᬸᬦᬕ᭚ᬢᬦ᭄ᬓᬘᬭᬶᬢᬭᬶᬂᬫᬃᬕ᭄ᬕ᭞ᬲᬂᬅᬱ᭄ᬝᬶᬓᬵᬭᬯᬸᬄᬕ᭄ᬮᬶᬲ᭄᭞ᬲᬫ᭄ᬧᬸᬦᬶᬘᬧ᭄ᬭᬶᬂᬧᬬᬚ᭄ᬜ
ᬦ᭄᭞ᬓᬢᬄᬦᬕᬓᬢᬄᬫᬢᬶ᭞ᬫᬩ᭄ᬭᬶᬬᬸᬓ᭄ᬓᬦᭂᬫ᭄ᬧᬸᬄᬕ᭄ᬦᬶ᭞ᬲᬢᬸᬲᬦ᭄ᬲᬾᬬᬸ᭞ᬲᬂᬅᬱ᭄ᬝᬶᬓᬫᬗᬶᬲᬯᬂ᭞ᬫᬋᬓ᭄ᬧ᭄ᬭᬪᬸᬜᬓ᭄ᬭᬯᬃᬢ᭄ᬢᬶ᭞ᬫᬗᬲ᭄ᬢᬯ᭞ᬧᬫᬸᬚᬶᬦᬾᬓᬢᬄᬓᬢᬄ᭚
Kaca:Bali-lontar-paparikan-uwug-rusak-dwarawati-300ppi.pdf/55
Kaca puniki sampun kauji-wacén
