[᭕᭓ 53B]
᭕᭓
ᬲᬂᬧ᭄ᬭᬪᬸᬦᬓᬾᬦᬶᬦ᭄ᬳᬶᬦ᭄ᬤᬶᬓ᭄᭞ᬲᬫ᭄ᬧᬸᬦ᭄ᬲᬶᬤ᭄ᬥᬫᬢᬶ᭞ᬳᬶᬢᬓ᭄ᬱᬓᬲᬶᬤ᭄ᬥᬧᬸᬧᬸᬢ᭄᭞ᬕᬯᬾᬦᬶᬂᬬᬚ᭄ᬜᬲᬃᬧ᭄ᬧ᭞ᬲᬂᬯᬶᬓᬸᬜᬺᬕᬦ᭄ᬫᬦ᭄ᬢ᭄ᬭᬫᬮᬶᬄ᭞ᬳᬶᬢᬓ᭄ᬱᬓᬵ᭞ᬲᬫ᭄ᬧᬸᬦ᭄ᬤᬲ᭄ᬢᬶᬩᬭᬶᬂᬓᬸᬡ᭄ᬥ᭚ᬲ
ᬯᬢᬭᬲ᭄ᬧᬢᬶᬦ᭄ᬢᬸᬫ᭄ᬩᬲ᭄᭞ᬤᭀᬄᬜᬦᬾᬳᬸᬭᬸᬩ᭄ᬕ᭄ᬦᬶ᭞ᬲᬗᬲ᭄ᬢᬶᬓᬵᬫᬗᬸᬜ᭄ᬘᬭᬂ᭞ᬲᬃᬧ᭄ᬧᬲᬃᬧ᭄ᬧᬲᬦᬾᬫᬮᬶᬄ᭞ᬘᬳᬧᬗᬲᬶᬄᬳᬲᬶᬄ᭞ᬦᬸᬦᬲ᭄ᬳᬶᬘᬦᬾᬭᬶᬂᬲᬂᬧ᭄ᬭᬪᬸ᭞ᬭᬱᬓᬤᬶ
ᬓᬓ᭄ᬦᬦ᭄᭞ᬧ᭄ᬭᬡᬦᬾᬰ᭄ᬭᬶᬜᬓ᭄ᬭᬯᬃᬢ᭄ᬢᬶ᭞ᬫᭂᬲᬢ᭄ᬲᬫ᭄ᬧᬸᬦ᭄᭞ᬳᬶᬢᬓ᭄ᬱᬓᬵᬭᬶᬂᬧᬵᬢᬮ᭚ᬭᬶᬯᬸᬲᬦᬶᬂᬬᬚ᭄ᬜᬲᬃᬧ᭄ᬧ᭞ᬓᬢᬸᬃᬪᭀᬚᬦᬭᬶᬂᬲᬂᬋᬱᬶ᭞ᬫᬶᬯᬄᬓᬢᬸᬃᬧ᭄ᬭᬥᬓ᭄ᬱᬶᬡᬲᬢᬸᬲᬦ᭄
ᬲᬾᬯᬸᬯᬦ᭄ᬍᬩᬶᬄ᭞ᬬᬦᬓᬢᬸᬭᬶᬂᬲᬂᬋᬱᬶ᭞ᬧᬫᬃᬕ᭄ᬕᬶᬦᬾᬗᬸᬦ᭄ᬤᬳᬸᬲᬸᬓ᭄᭞ᬦᬶᬲ᭄ᬢᬵᬫᬥ᭄ᬬᬫᬉᬢ᭄ᬢᬫ᭞ᬫᬶᬯᬄᬲᬂᬳᬱ᭄ᬝᬶᬓᬵᬫᬮᬶᬄ᭞ᬧᭀᬮᬶᬄᬧᬹᬡ᭄ᬬ᭞ᬤᬾᬦᬶᬂᬲᬂᬧ᭄ᬭᬪᬸᬳᬲ᭄ᬢᬶᬦ᭚ᬢᬸᬃ
[᭕᭔ 54A]
ᬓᬳᬶᬘᬾᬦ᭄ᬧᬗᬦ᭄ᬤᬶᬓᬵ᭞ᬫᬗ᭄ᬤᬾᬫᬮᬶᬭᬯᬸᬄᬫ᭄ᬭᬶᬓᬶ᭞ᬭᬶᬂᬧ᭄ᬭᬬᬦ᭄ᬤᬶᬦᬓᬃᬬ᭄ᬬ᭞ᬲ᭄ᬭᬫᬶᬥᬵᬓᬯᬗᬸᬦ᭄ᬫᬮᬶᬄ᭞ᬲᬂᬅᬱ᭄ᬝᬶᬓᬵᬲᬳᬶᬭᬶᬂ᭞ᬲᬫ᭄ᬧᬸᬦ᭄ᬓᬮᬸᬕ᭄ᬭᬳᬦ᭄ᬫᬦ᭄ᬢᬸᬓ᭄᭞ᬗᬸᬗ᭄ᬲᬶᬦᬕᬮᭀᬓᬵ᭞ᬓ᭄ᬮᬗ᭄ᬓᬸᬂᬓᬧᬸᬚᬶ
ᬫᬗ᭄ᬓᬶᬦ᭄᭞ᬤᬾᬦᬶᬂᬲᬫᬶ᭞ᬲᬓᬢᬳᬶᬂᬩᬗ᭄ᬰᬦᬕ᭚ᬢᬸᬃᬭᬭᬶᬲ᭄ᬓᬧ᭄ᬭᬚᬜ᭄ᬚᬶᬬᬂ᭞ᬯᬢᭂᬓ᭄ᬬᬤᬸᬬᬦ᭄ᬭᬶᬂᬓᬲᬸᬘᬶᬦ᭄᭞ᬲᬫ᭄ᬧᬸᬦᬶᬓᬧᬫᬸᬚᬶᬜ᭞ᬲᬗᬱ᭄ᬝᬶᬓᬵᬳᬢᬸᬭᬾᬩᬸᬤ᭄ᬥᬶ᭞ᬳᬸᬦᬶᬂᬫᬗᬸᬜ᭄ᬘᬭᬂᬯᬾᬤ
᭞ᬲᬃᬯ᭄ᬯᬫᬦ᭄ᬢ᭄ᬭᬰᬵᬲ᭄ᬢ᭄ᬭᬍᬯᬶᬄ᭞ᬓᬭᬗ᭄ᬓᬸᬂᬗᬧᬾᬗᬶᬦ᭄᭞ᬢᬢᬵᬯᬃᬡ᭄ᬦᬦᬾᬮᬶᬲ᭄ᬢ᭄ᬯᬬᬸ᭞᭛ᬫᬭᬶᬳᬫ᭄ᬧᭂᬓᬦ᭄᭞ᬲᬶᬤ᭄ᬥᬓᬮᬸᬕ᭄ᬭᬳᬦ᭄ᬕᭂᬮᬶᬲ᭄᭞ᬭᬶᬂᬲᬓᬳ᭄ᬬᬸᬦ᭄᭞ᬳᬶᬤᬧᬸᬦᬧᬶᬓᬃᬱᬬᬂ᭚ᬭᬶᬲᬫ᭄ᬧᬸᬦᬾ
ᬲᬧᬸᬦᬶᬓ᭞ᬯᬘᬡᬦ᭄ᬰ᭄ᬭᬶᬦᬭᬧᬢᬶ᭞ᬋᬱᬶᬘᬦ᭄ᬤ᭄ᬭᬪᬃᬕ᭄ᬕᬯ᭞ᬓᬗ᭄ᬓᬓᬳ᭄ᬬᬸᬦᬾᬫᬶᬬᬃᬱᬶ᭞ᬳᬾᬮᬶᬂᬦᬾᬫᬫᬶᬖ᭄ᬦᬦᬶᬦ᭄᭞ᬫᬗ᭄ᬕᬄᬩ᭄ᬭᬳ᭄ᬫᬡᬓᬯᬸᬯᬸᬲ᭄᭞ᬤᬾᬦᬶᬂᬓᬲᬰᬩ᭄ᬥ᭞ᬓ᭄ᬭᬡᬓᬲᬋᬕᬂ
Kaca:Bali-lontar-paparikan-uwug-rusak-dwarawati-300ppi.pdf/54
Kaca puniki sampun kauji-wacén
