[᭕᭒ 52B]
᭕᭒
᭚ᬲᬫᬶᬫᬗᬸᬜ᭄ᬘᬭᬂᬯᬾᬥ᭞ᬓᬸᬡ᭄ᬥᬦᬾᬤᬸᬫᬶᬮᬄᬗᭂᬦ᭄ᬤᬶᬄ᭞ᬓᬢᬄᬤᬕᬧᬮᬶᬂᬳᬸᬬᬂ᭞ᬫᬶᬲᬥ᭄ᬬᬫᬮᬩᬸᬄᬕ᭄ᬦᬶ᭞ᬓᬓ᭄ᬦᬦᬦ᭄ᬫᬦ᭄ᬢ᭄ᬭᬍᬯᬶᬄ᭞ᬢᬶᬩᬦᬾᬫᬕᬸᬮᬸᬂᬕᬸᬮᬸᬂ᭞ᬓᬢᬄᬬᬾᬦ᭄ᬯᬶ
ᬦᬶᬮᬗᬦ᭄᭞ᬯᬾᬦ᭄ᬢᭂᬦ᭄ᬲᭂᬍᬫ᭄ᬯᬾᬦ᭄ᬢᭂᬦ᭄ᬧᬸᬢᬶᬄ᭞ᬯᬾᬦ᭄ᬢᭂᬦ᭄ᬧᭂᬮᬸᬂ᭞ᬬᬾᬦ᭄ᬭᬲᬬᬂᬓᬤᬶᬳᬸᬚᬦ᭄᭚ᬢᬶᬩᬦᬾᬦᭂᬫ᭄ᬧᬸᬄᬓᬸᬡ᭄ᬥ᭞ᬯᬾᬦ᭄ᬢᭂᬦ᭄ᬜᬸᬗ᭄ᬲᬢ᭄ᬯᬾᬦ᭄ᬢᭂᬦ᭄ᬜᬸᬫ᭄ᬧ᭄ᬭᬶᬢ᭄᭞ᬯᬾᬦ᭄ᬢᭂ
ᬦ᭄ᬫᬓᬶᬮᬶᬢ᭄ᬭᬶᬂᬭᭀᬯᬂ᭞ᬯᬾᬦ᭄ᬢᭂᬦ᭄ᬗᬤᭂᬕ᭄ᬯᬸᬮᬸᬂᬫᬲᬶᬄ᭞ᬮ᭄ᬯᬶᬃᬤᬤᬮᬸᬦᭂᬫ᭄ᬧᬸᬄᬕ᭄ᬦᬶ᭞ᬬᬦ᭄ᬭᬲᬬᬂᬳᬸᬧᬫᬦᬶᬧᬸᬦ᭄᭞ᬳᬕᭂᬂᬳᬮᬶᬢ᭄ᬲᬬᬦ᭄ᬓᬢᬄ᭞ᬫᬩ᭄ᬬᬸᬓ᭄ᬧᬥᬗ᭄ᬭᬯᬸᬳᬶᬦ᭄᭞ᬳᭂᬫ᭄ᬧᬸᬄᬓᬸᬡ᭄ᬥ᭞
ᬧᬗ᭄ᬭᬯᬸᬳᬾᬗᬯᬂᬗᬯᬂ᭚ᬓᬸᬡ᭄ᬥᬦᬾᬲᬬᬦ᭄ᬤᬸᬫᬶᬮᬄ᭞ᬓᬤᬶᬓᬢᬶᬩᬦᬶᬂᬍᬗᬶᬲ᭄᭞ᬤᬾᬦᬶᬂᬤᬕᬓᬢᬄᬧ᭄ᬚᬄ᭞ᬧᬓᬸᬭᬸᬢᬸᬓ᭄ᬧᬓᬸᬭᬶᬢᬶᬓ᭄᭞ᬳᬦ᭄ᬤᬸᬲᬾᬜᬸᬚᬸᬄᬮᬗᬶᬢ᭄᭞ᬗᬯᬂᬗ
[᭕᭓ 53A]
ᬯᬂᬗᬸᬯᬸᬂᬗᬸᬯᬸᬂ᭞ᬩᬤᭂᬂᬫᬳᬸᬍᬓᬸᬍᬓᬦ᭄᭞ᬓᭂᬩ᭄ᬬᬃᬓᭂᬩ᭄ᬬᬸᬃᬓᬢᬶᬩᬦᬶᬂᬳᬗᬶᬦ᭄᭞ᬫᬫ᭄ᬩᬸᬳᬗᬶᬢ᭄᭞ᬓᬢ᭄ᬓᬦ᭄ᬭᬶᬂᬲ᭄ᬯᬃᬕ᭄ᬕᬮᭀᬓ᭚ᬳᬶᬢᬓ᭄ᬱᬓᬗ᭄ᬭᬱᬭᬱ᭞ᬩᬬᬫᬗ᭄ᬓᬶᬦ᭄ᬤᬸᬭᬸᬲ᭄ᬫᬢᬶ᭞ᬓ᭄ᬭᬡᬵᬳ
ᬘᬸᬫ᭄ᬓᬯ᭄ᬦᭂᬲᬦ᭄᭞ᬓᬳᬭᬤ᭄ᬭᬶᬂᬫᬦ᭄ᬢ᭄ᬭᬍᬯᬶᬄ᭞ᬳᬸᬬᬂᬧᬸᬜᬄᬓᬂᬳᬢᬶ᭞ᬓᬤᬶᬳᬸᬬᭂᬕ᭄ᬓᬤᬶᬢᬸᬯᬸᬓ᭄᭞ᬓᬤᬶᬭᬱᬳᬦᬓ᭄ᬳᬾᬤᬦ᭄᭞ᬤᬲ᭄ᬤᬲ᭄ᬢᬶᬩᬭᬶᬂᬕ᭄ᬦᬶ᭞ᬯᬶᬭᬾᬄᬤᬸᬭᬸᬂᬢᬶᬢᬄᬫᬲᬶᬄᬫᬶᬲᬶ
ᬓᬸᬯᬢ᭄᭚ᬭᬭᬶᬲ᭄ᬫᭂᬲᬢ᭄ᬭᬶᬂᬇᬤ᭄ᬭᬮᭀᬓ᭞ᬫᬋᬓ᭄ᬭᬶᬂᬲᬂᬳ᭄ᬬᬂᬇᬦ᭄ᬤ᭄ᬭᬕ᭄ᬮᬶᬲ᭄᭞ᬲᬥ᭄ᬬᬦᬸᬦᬲ᭄ᬧ᭄ᬭᬢᬸᬮᬸᬗᬦ᭄᭞ᬲᬂᬳ᭄ᬬᬂᬇᬦ᭄ᬤ᭄ᬭᬓᬗᭂᬦ᭄ᬗᬓ᭄ᬱᬶ᭞ᬯᬶᬭᬾᬄᬫᬲᬯᬶᬢ᭄ᬭᬚᬢᬶ᭞ᬧᬯᬘᬡᬦᬾᬢᬸᬭᬸ
ᬭᬸᬫ᭄᭞ᬤᬢᬾᬓᬸᬤᬲᬗ᭄ᬲᬬᬵ᭞ᬦᬾᬲᬧᬸᬢ᭄ᬦᬶᬭᬦᬾᬓᬶᬮᬶᬢ᭄᭞ᬢ᭄ᬯᬭᬧᬬᬸ᭞ᬲᬶᬤ᭄ᬥᬫᬘᭂᬩᬸᬃᬲᬸᬡ᭄ᬥ᭚ᬧᬫᬸᬭᬸᬂᬧᬢᬶᬓᬤᬂ᭞ᬲᬓᬢᬳᬶᬂᬦᬕᬳᬸᬭᬶᬧ᭄᭞ᬲᬯᬶᬭᬾᬄᬓᬧ᭄ᬭᬡᬄᬓᬤᬂ᭞
Kaca:Bali-lontar-paparikan-uwug-rusak-dwarawati-300ppi.pdf/53
Kaca puniki sampun kauji-wacén
