[᭕᭖ 56B]
᭕᭖
ᬭᬶᬂᬧᬰ᭄ᬭᬫᬦ᭄ᬲᭂᬧᬶ᭞ᬓᬘᬭᬶᬢᬚᭂᬂᬲᬂᬧ᭄ᬭᬪᬸ᭞ᬭᬶᬲᬫ᭄ᬧᬸᬦᬾᬫᬶᬬᬃᬱ᭞ᬓᬢᬸᬢᬸᬭᬦ᭄ᬍᬯᬄᬍᬯᬄ᭞ᬕ᭄ᬮᬶᬲ᭄ᬮᬶᬧᬸᬃ᭞ᬲᬸᬗ᭄ᬲᬸᬢᬾᬧ᭄ᬭᬪᬸᬳᬲ᭄ᬢᬶᬦ᭚ᬕ᭄ᬮᬶᬲᬶᬦ᭄ᬘᬭᬶᬢᬲᬫ᭄ᬧᬸᬦ᭄ᬮᬫ᭞ᬧᬜᭂ
ᬦᭂᬂᬰ᭄ᬭᬶᬜᬓ᭄ᬭᬯᬃᬢ᭄ᬢᬶ᭞ᬭᬗ᭄ᬓᬸᬂᬧᬫᬸᬚᬶᬦᬶᬂᬚᬕᬢ᭄᭞ᬓᬲᭀᬭᬾᬓᬭᬶᬳᬓ᭄ᬥᬶᬓ᭄᭞ᬭᬶᬲᬤᬸᬓᬾᬭᬶᬳᬶᬦ᭄᭞ᬤᬸᬓ᭄ᬰ᭄ᬭᬥᬃᬫ᭄ᬫᬯᬗ᭄ᬰᬧ᭄ᬭᬪᬸ᭞ᬲ᭄ᬭᬶᬂᬗᬯᬗᬸᬦ᭄ᬬᬚ᭄ᬜ᭞ᬲᬦᬾᬲᬃᬯ᭄ᬯᬍᬯᬶᬄᬍᬯᬶᬄ᭞ᬲᬵ
ᬫ᭄ᬧᬸᬦ᭄ᬓᬲᬸᬩ᭄᭞ᬓᭀᬘᬧ᭄ᬭᬶᬂᬳᬸᬮᬶᬦᬵᬕᬭ᭚ᬭᬶᬲᬫ᭄ᬧᬸᬦᬾᬮᬫᬶᬮᬫᬶ᭞ᬓᭀᬘᬧ᭄ᬧ᭄ᬭᬪᬸᬜᬓ᭄ᬭᬯᬃᬢ᭄ᬢᬶ᭞ᬢᬸᬢᬸᬕ᭄ᬧᬜᭂᬦᭂᬗᬦᬶᬭ᭞ᬯᬾᬦ᭄ᬢᭂᬦ᭄ᬫᭂᬢᬸᬧᬸᬢ᭄ᬭᬓᬮᬶᬄ᭞ᬫᬶᬚᬶᬮ᭄ᬭᬶᬂᬧ᭄ᬭᬫᬾᬰ᭄ᬯᬭᬶ᭞
ᬤᬾᬯᬶᬪᬫᬯᬳᬸ᭞ᬧᬸᬢ᭄ᬭᬶᬓᬵᬰᬶᬦᬵᬕᬭ᭞ᬳᬃᬬ᭄ᬬᬵᬫᬬᬮᬸᬭᬦ᭄ᬓᬶᬤᬶᬓ᭄᭞ᬳᬃᬬ᭄ᬬᬓᬾᬢᬸ᭞ᬳᬭᬶᬦᬾᬢᬹᬃᬧᬥᬮᬦ᭄᭚ᬓᭀᬘᬧᬂᬦᬭᬵᬃᬬ᭄ᬬᬫᬬ᭞ᬢᬦᬃᬧᬫᬸᬓ᭄ᬢᬶᬭᬶᬂᬧᬸᬭᬶ᭞ᬕᬸᬫᬦ᭄ᬢᬶᬭᬢᬸ
[᭕᭗ 57A]
ᬳᬲ᭄ᬢᬶᬦ᭞ᬗᬮᬲ᭄ᬗᬸᬦᬸᬂᬤᬤᬶᬋᬱᬶ᭞ᬮᬭᬶᬲ᭄ᬫᬧᬭᬩᬺᬱᬶ᭞ᬪᬕᬯᬦ᭄ᬓᬾᬰᬯᬧᬸᬢᬸᬲ᭄᭞ᬲᬂᬲᬶᬤ᭄ᬥᬤᬤᭀᬲ᭄ᬭᬚ᭞ᬓᬪᬶᬱᬾᬓᬭᬶᬂᬦᬵᬕᬭᬶ᭞ᬳᬃᬬ᭄ᬬᬓᬾᬃᬢᬸ᭞ᬲᬸᬫᬶᬮᬶᬄᬭᬶᬂᬲᬶᬗ᭄ᬳᬲᬡᬵ
᭚ᬫᬧᬭᬩ᭄ᬰ᭄ᬭᬶᬫᬳᬵᬭᬚ᭞ᬓᬾᬢᬸᬭᬢᬸᬍᬯᬶᬄ᭞ᬧ᭄ᬭᬫᬾᬰ᭄ᬯᬭᬶᬦᬾᬧᬸᬦᬶᬓᬵ᭞ᬫᬲᬶᬄᬧᬸᬢ᭄ᬭᬶᬋᬱᬶ᭞ᬰ᭄ᬭᬶᬤᬾᬯᬧ᭄ᬭᬚ᭄ᬜᬥᬭᬶ᭞ᬢᬢᬵᬯᬃᬡ᭄ᬦᬦᬾᬳᬬᬸ᭞ᬗᬲᭀᬭᬦ᭄ᬫᬦᬶᬲᬶᬦ᭄ᬕᬮ᭞ᬢ
ᬦ᭄ᬧᬾᬦ᭄ᬤᬸᬄᬓᬤᬶᬭᬢᬶᬄ᭞ᬮᬶᬲ᭄ᬢ᭄ᬯᬬᬸ᭞ᬦᬶᬫ᭄ᬩᬮᬦ᭄ᬢᬫ᭄ᬩᬂᬤᬗ᭄ᬤᬂᬕᬸᬮ᭚᭐᭚ᬳᬶᬦᬦ᭄ᬜᬦᬾᬧᬸᬧᬸᬢ᭄ᬲᬶᬦᬸᬭᬢ᭄ᬭᬶᬂᬤᬶᬦ᭞ᬭ᭞ᬧ᭞ᬯᬭᬤᬸᬗᬸᬮᬦ᭄᭞ᬢᬂ᭞ᬧᬶᬂ᭞᭒᭞ᬰᬰᬶᬄ᭞ᬓ᭞᭘᭞ᬓᬢᬸᬮᬸ᭞
ᬭᬄ᭞ᬯᬶᬱ᭄ᬡᬸ᭞ᬢᭂᬂ᭞᭖᭞ᬯᬃᬱᬦᬶᬂᬮᭀᬓ᭞᭑᭙᭖᭐᭚᭐᭚ᬧᬸᬦᬶᬓᬶᬮᭀᬦ᭄ᬢᬃᬤ᭄ᬭᬯᬾᬦ᭄ᬳᬕᬸᬲ᭄ᬢᬶᬢ᭄ᬧᬸᬲᭂᬄ᭞ᬳᬧᬸᬭᬶᬭᬶᬂᬰ᭄ᬭᭀᬯᬦ᭄ᬧᬸᬲᭂᬄ᭚᭐᭚ᬧᬸᬧᬸᬢ᭄ᬲᬶᬦᬸᬭᬢ᭄ᬫᬦ᭄ᬥᬸᬦ᭄
Kaca:Bali-lontar-paparikan-uwug-rusak-dwarawati-300ppi.pdf/57
Kaca puniki sampun kauji-wacén
