[᭔᭘ 48B]
᭔᭘
ᬦᬄᬓᬵᬲ᭄ᬢᬶᬮᬰᬶᬮ᭞ᬓᬓᬯᭀᬦᬂᬫᬓᬲᬫᬶ᭞ᬮᬭᬶᬲ᭄ᬧᬯᬸᬫ᭄᭞ᬲᬂᬭᬢᬸᬫᬶᬯᬄᬧᬸᬗ᭄ᬕᬯ᭚ᬧᬗᬸᬫ᭄ᬧᬸᬮᬾᬮᭀᬭᬶᬂᬩᬜ᭄ᬘᬶᬗᬄ᭞ᬢᬦ᭄ᬤᬫᬦ᭄ᬢ᭄ᬭᬶᬓᬭᬗ᭄ᬓᬸᬂᬲᬫᬶ᭞ᬫᬶᬯᬄᬧᬭᬭ
ᬢᬸᬫᬜ᭄ᬘ᭞ᬧᬗᬗ᭄ᬕᬾᬦᬾᬲᬃᬯ᭄ᬯᬍᬯᬶᬄ᭞ᬓᬢᬄᬫᬕ᭄ᬮᬸᬂᬘᬡ᭄ᬥᬶ᭞ᬦᬗ᭄ᬳᬶᬂᬦᬾᬫᬧᬗ᭄ᬓᬢ᭄ᬭᬢᬸ᭞ᬫᬦ᭄ᬢ᭄ᬭᬶᬦᬾᬫᬲᬸᬧᬶᬢ᭄ᬳᬸᬭᬂ᭞ᬮᬾᬦ᭄ᬳᬤᬗᬗ᭄ᬕᭀᬧᬢᬶᬓᬶᬲ᭄᭞ᬲᬫ᭄ᬧᬸᬦ᭄ᬳᬰ᭄ᬭᬶ᭞ᬓᬤᬶᬧᬬᬵ
ᬲ᭄ᬯᬬᬂᬧ᭄ᬭᬯᬸ᭚ᬲᬂᬧ᭄ᬭᬪᬸᬚᬦᬫᬾᬚᬬ᭞ᬗ᭄ᬭᬗ᭄ᬲᬸᬓ᭄ᬲᬃᬯ᭄ᬯᬍᬯᬶᬄᬍᬯᬶᬄ᭞ᬲᬸᬫᬗ᭄ᬓᬶᬦ᭄ᬫᬢᬫ᭄ᬩᭂᬄᬭᬭᬲ᭄᭞ᬢᬢᬯᬃᬡ᭄ᬦᬵᬮᬸᬫ᭄ᬮᬸᬫ᭄ᬕᬤᬶᬂ᭞ᬬᬾᬦ᭄ᬳᬶᬫ᭄ᬩᬬᬂᬭᬶᬂᬗᬸᬦᬶᬂ᭞ᬓᬤ᭄ᬬᬵᬃᬚ᭄ᬚᬸᬡᬵᬰᬵᬲ᭄ᬢ᭄ᬭᬩᬳᬸ
᭞ᬭᬢᬸᬦᬶᬂᬳᬾᬳᬬᬗ᭄ᬰᬵ᭞ᬦᬕᬭᬦᬾᬫᬬᬲ᭄ᬧᬢᬶ᭞ᬭᬶᬓᬮᬦᬾ᭞ᬓᬢᬗ᭄ᬓᬶᬮ᭄᭞ᬭᬢᬸᬧᬸᬗ᭄ᬕᬯ᭚ᬚᬕ᭄ᬭᬯᬸᬄᬋᬱᬶᬉᬢᬗ᭄ᬓᬵ᭞ᬫᬲᬲᬦ᭄ᬢᬶᬫᬦ᭄ᬢ᭄ᬭᬍᬯᬶᬄ᭞ᬭᬶᬂᬲᬂᬭᬢᬸᬳᬲ᭄ᬢᬶᬦ᭞ᬳᬢᬸ
[᭔᭙ 49A]
ᬭᬾᬳᬭᬸᬫ᭄ᬫᬫᬦᬶᬲ᭄᭞ᬲᬂᬧ᭄ᬭᬪᬸᬜᬓ᭄ᬭᬯᬃᬢ᭄ᬢᬶ᭞ᬭᬢᬸᬭᬢᬸᬦᬶᬂᬧᬭᬭᬢᬸ᭞ᬲᬂᬭᬢᬸᬰᭀᬫᬯᬗ᭄ᬰ᭞ᬢᬸᬭᬸᬦᬦ᭄ᬧᬡ᭄ᬥᬯᬗᬸᬦᬶ᭞ᬯᬗ᭄ᬰᬓᬸᬭᬸ᭞ᬓ᭄ᬭᬡᬵᬧᬧᬵᬭᬩᬾᬯ᭄ᬦᬶᬂ᭚ᬫᬫ᭄ᬩᬶᬮ᭄ᬧᬭᬩ᭄ᬧᬡ᭄ᬥ
ᬯᬗ᭄ᬰᬵ᭞ᬓᭀᬭᬯᬵᬗ᭄ᬰᬵᬫᬲᬶᬄᬤᬤᬶ᭞ᬯᬶᬭᬾᬄᬫᬳᬵᬭᬚᬤᬾᬯᬢ᭞ᬪᬝᬵᬭᬧᬡ᭄ᬥᬸᬦᬾᬭᬶᬳᬶᬦ᭄᭞ᬫᬲᬶᬄᬯᬗ᭄ᬰᬵᬬᬬᬢᬶ᭞ᬫᬶᬯᬄᬲᬦ᭄ᬢᬦᬦᬶᬂᬓᬸᬭᬸ᭞ᬢᬢᬸᬯᬶᬬᬦ᭄ᬳᬸᬢ᭄ᬢᬫ᭞
ᬲᬭᬶᬲᬭᬶᬦᬶᬂᬲᬩᬸᬫᬶ᭞ᬧᬶᬢᭂᬮᬲᬾ᭞ᬪᬝᬵᬭᬚᬕᬢ᭄ᬓᬭᬡ᭚ᬓ᭄ᬭᬡᬕᬸᬭᬸᬯᬶᬰᬾᬱ᭞ᬧᬗᬯᬶᬢᬶᬂᬯᭀᬂᬲᬕᬸᬫᬶ᭞ᬲᬂᬧ᭄ᬭᬪᬸᬯᬳᬸᬗᬭᬸᬲᬓ᭄᭞ᬲᬓ᭄ᬢᬶᬯᬲ᭄ᬢᬦᬶᬂᬕᬸᬫᬶ᭞ᬭᬗ᭄ᬓᬸᬂᬩ᭄ᬦᭂᬃᬳ
ᬦ᭄ᬲᬶᬧᬶ᭞ᬲᬫᬢ᭄ᬭᬢᬦ᭄ᬯᬾᬦ᭄ᬢᭂᬦ᭄ᬮᬸᬧᬸᬢ᭄᭞ᬯᬶᬭᬾᬄᬤᬾᬰᬧᬸᬦᬶᬓ᭞ᬗᬭᬫ᭄ᬧᬸᬗᬦ᭄ᬢᬢᬵᬩᭂᬘᬶᬓ᭄᭞ᬭᬗ᭄ᬓᬸᬂᬧᬸᬭᬸᬦ᭄᭞ᬫᬫᬸᬭᬸᬕ᭄ᬓᬡ᭄ᬥᬦᬶᬂᬰᬵᬲ᭄ᬢ᭄ᬭ᭚ᬢᬦ᭄ᬪᬓ᭄ᬢᬶᬭᬶᬂᬦᬾᬓᬧᬶᬢᭂᬮ
Kaca:Bali-lontar-paparikan-uwug-rusak-dwarawati-300ppi.pdf/49
Kaca puniki sampun kauji-wacén
