[᭔᭙ 49B]
᭔᭙
ᬲ᭄᭞ᬳᬦ᭄ᬢᬸᬓ᭄ᬲᬂᬳ᭄ᬬᬂᬧᬰᬸᬧᬢᬶ᭞ᬲᬂᬳ᭄ᬬᬂᬕᬶᬭᬶᬚᬕᬢ᭄ᬦᬵᬣ᭞ᬲᬫ᭄ᬧᬸᬦ᭄ᬯᬲ᭄ᬧᬤᬭᬶᬂᬕᬸᬫᬶᬯᬶᬭᬾᬄᬲᬂᬧ᭄ᬭᬪᬸᬫᬗ᭄ᬓᬶᬦ᭄᭞ᬲᬶᬤ᭄ᬥᬧᬶᬢᭂᬮᬲ᭄ᬳ᭄ᬬᬂᬕᬸᬭᬸ᭞ᬤᬤᬶᬕᬸᬭᬸᬯᬶᬰᬾᬱ᭞ᬭᬶᬂᬳᬲ᭄ᬢᬶᬦᬫᬓ
ᬲᬫᬶ᭞ᬳᬲᬶᬂᬧᬸᬭᬸᬦ᭄᭞ᬧᬸᬦᬶᬓᬧᬢᬸᬢ᭄ᬭᬸᬲᬓ᭄᭚ᬯᬾᬦ᭄ᬢᭂᬦ᭄ᬫᬮᬶᬄᬳᬧᬲᬮ᭄᭞ᬩᬩᬯᭀᬲ᭄ᬧ᭄ᬭᬬᬓᬳᬸᬦᬶᬂ᭞ᬦᬗ᭄ᬳᬶᬂᬬᬾᬦ᭄ᬲᬫ᭄ᬧᬸᬦ᭄ᬓᬮᬸᬕ᭄ᬭ᭞ᬓ᭄ᬘᬧ᭄ᬧ᭄ᬭᬪᬸᬜᬓ᭄ᬭᬯᬃᬢ᭄ᬢᬶ᭞ᬗ᭄ᬕᬶᬄᬮᬭᬶᬲᬦ᭄ᬲᬂᬋᬱᬶ᭞
ᬲᬫ᭄ᬧᬸᬦ᭄ᬲᬗ᭄ᬲᬬᬭᬶᬂᬓᬬᬸᬦ᭄᭞ᬫᬾᬲᭂᬫ᭄ᬓᬾᬄᬧᬸᬗ᭄ᬕᬯᬵ᭞ᬲᬗᭂᬢ᭄ᬫᬫᬸᬚᬶᬭᬶᬂᬗᬢᬶ᭞ᬧ᭄ᬮᬧᬦᬾᬋᬱᬶᬉᬢᬗ᭄ᬓᬵ᭚ᬳᬶᬗ᭄ᬕᬶᬄᬕᬸᬭᬸᬯᬶᬱᭀ᭞ᬯᬾᬦ᭄ᬢᭂᬦ᭄ᬯᬺᬢᬲᬦᬾᬭᬶᬳᬶᬦ᭄᭞ᬭᬶᬲᬫ᭄ᬧᬸᬦ᭄ᬲᬶᬤ᭄ᬥᬦ᭄ᬤᬾᬯ
ᬢ᭞ᬪᬝᬵᬭᬳᬶᬤᬳᬶᬬᬚᬶ᭞ᬫᬳᬵᬭᬚᬧᬭᬶᬓ᭄ᬱᬶᬢ᭄᭞ᬓᭀᬘᬧ᭄ᬮᬶᬡᬦᬾᬤᬸᬫᬸᬦ᭄᭞ᬓᬕᬸᬢᬶᬮ᭄ᬭᬶᬂᬢᬓ᭄ᬱᬓᬵ᭞ᬲᬓᬶᬂᬢᬦ᭄ᬫᬤ᭄ᬭᬯᬾᬲᬶᬲᬶᬧ᭄᭞ᬓᬤᬶᬕᬸᬦᬸᬂᬧᬸᬳᬸᬦ᭄ᬓᬲᬫ᭄ᬩᭂᬭᬶᬂᬕ᭄ᬮᬧ᭄᭚ᬳᬶ
[᭕᭐ 50A]
ᬬᬚᬶᬲᬤᬸᬓ᭄ᬧᬸᬦᬶᬓᬵ᭞ᬓᬭᬗ᭄ᬓᬸᬂᬭᬗ᭄ᬓᬸᬂᬓᬲ᭄ᬬᬲᬶᬄ᭞ᬮᬶᬦ᭄ᬢᬂᬘ᭄ᬓᬧ᭄ᬳᬶᬢᬓ᭄ᬱᬓ᭞ᬬᬾᬦ᭄ᬲᬫ᭄ᬧᬸᬦ᭄ᬓᬧᬢᬸᬢ᭄ᬩᭂᬘᬶᬓ᭄᭞ᬯᬍᬲᬂᬲᬦᬾᬫᬗ᭄ᬓᬶᬦ᭄᭞ᬳᬶᬢᬓ᭄ᬱᬓᬫᬗ᭄ᬤᬾᬧᬸᬳᬸᬦ᭄᭞ᬓᬵᬃᬤ᭄ᬥᬶᬬᬂᬬᬜ᭄ᬚᬲᬃᬧ᭄ᬧ
᭞ᬫᬗ᭄ᬤᬾᬦᬾᬧᬤᭂᬫ᭄ᬲᬫᬶ᭞ᬦᬕᬍᬢᬸᬄᬲᬦᬾᬫᬯᬲ᭄ᬢᬢᬓ᭄ᬱᬓ᭚ᬧᬸᬦᬶᬓᬵᬧᬢᬸᬢ᭄ᬲᬭᬢᬦ᭄᭞ᬭᬾᬄᬦᬕᬳᬕᭂᬗᬦ᭄ᬲᬶᬲᬶᬧ᭄᭞ᬧᬸᬭᬸᬦ᭄ᬭᬶᬂᬕᬸᬭᬸᬯᬶᬰᬾᬱ᭞ᬓᬧᬶᬗ᭄ᬓᬮᬶᬄᬮᬗ᭄ᬓᬸᬂᬭᬸᬲᬶᬢ᭄᭞
ᬭᬶᬂᬋᬱᬶᬫᬍᬃᬘᬶᬗᬶᬂ᭞ᬯᬳᬸᬩ᭄ᬭᬳ᭄ᬫᬡᬦ᭄ᬲᬂᬧ᭄ᬭᬪᬸ᭞ᬩᬗᭂᬢ᭄ᬧᬶᬲᬦ᭄ᬓᬩᬜ᭄ᬘᬡ᭞ᬤᬲ᭄ᬤᬲᬦ᭄ᬫᬫᬵᬗ᭄ᬕᬶᬄᬲᬶᬲᬶᬧ᭄᭞ᬲᬓᬶᬂᬳᬶᬧᬸᬦ᭄ᬗᬃᬤ᭄ᬥᬶᬳᬮᬳᬶᬢᬓ᭄ᬱᬓᬵ᭚ᬢᬦ᭄ᬓᬯᬶᬮᬂᬳᬦᬓ᭄ᬢᬸᬳ᭞ᬯᬶᬯᬶᬢ᭄ᬓᬦ᭄ᬤ
ᬲᬧᬸᬦᬶᬓᬶ᭞ᬓᬵᬮᬩ᭄ᬭᬳ᭄ᬫᬡᬲᬂᬦᬵᬣ᭞ᬓᬳᬸᬢᬸᬲ᭄ᬭᬶᬂᬕᬸᬭᬸᬧᬢ᭄ᬦᬶ᭞ᬜ᭄ᬮᬗᬂᬓᬸᬦ᭄ᬤᬮᬫᬡᬶᬓ᭄᭞ᬓᬬᭀᬥ᭄ᬬᬓᬧᬸᬭᬶᬳᬕᬸᬂ᭞ᬭᬶᬗᬶᬲ᭄ᬢ᭄ᬭᬶᬭᬚᬧᭀᬲ᭄ᬬ᭞ᬫᬧᬭᬩ᭄ᬤᬾᬯᬶᬲᬯᬶᬢ᭄ᬭᬶ᭞ᬳᬶᬲ᭄ᬢ᭄ᬭᬶᬳᬬᬸᬓᬭᬗ᭄ᬓᬸᬂ
Kaca:Bali-lontar-paparikan-uwug-rusak-dwarawati-300ppi.pdf/50
Kaca puniki sampun kauji-wacén
