[᭔᭗ 47B]
᭔᭗
ᬤ᭄ᬥ᭞ᬧᬹᬡ᭄ᬬᬦᬾᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬓᬢᬸᬭᬶᬂᬯᬶᬓᬸᬲᬫ᭄ᬬᬦ᭄᭞ᬮᬭᬶᬲ᭄ᬧ᭄ᬭᬪᬸᬜᬓ᭄ᬭᬯᬃᬢ᭄ᬢᬶ᭞ᬲᬭᬯᬸᬳᬾᬭᬶᬂᬧᬸᬭᬶ᭞ᬲᬫ᭄ᬧᬸᬦ᭄ᬫᬫᬶᬦᭂᬄᬭᬶᬂᬓᬬᬸᬦ᭄᭞ᬢᬦ᭄ᬮᬶᬬᬦ᭄ᬧ᭄ᬭᬬᬰ᭄ᬘᬶᬢ᭞ᬲᬓᬶᬂᬯᬶᬓᬸᬲᬶᬤ᭄ᬥᬶ
ᬫᬡ᭄ᬥᬶ᭞ᬲᬶᬤ᭄ᬥᬗ᭄ᬮᬲ᭄᭞ᬧᬗ᭄ᬭᬓᭂᬢ᭄ᬲᬶᬤ᭄ᬥᬶᬦᬶᬂᬢ᭄ᬫᬄ᭚ᬮᬭᬶᬲ᭄ᬮᬸᬗ᭄ᬳᬵᬗ᭄ᬮᬶᬮᬮᬶᬮᬵ᭞ᬲᬂᬧ᭄ᬭᬪᬸᬳᬜᬓ᭄ᬭᬯᬃᬢ᭄ᬢᬶ᭞ᬭᬶᬗᬮᬲ᭄ᬦᬫ᭄ᬧᭂᬓ᭄ᬦᬵᬕᬭ᭞ᬫᬩᬩᬸᬭᬸᬤᬤᭀᬲ᭄ᬲᬃᬯ᭄ᬯᬶ᭞ᬓᬮᬸᬦ᭄ᬢᬵᬮᬸᬦ᭄ᬢᬵ
ᬕ᭄ᬮᬶᬲ᭄᭞ᬧᬫᬃᬕ᭄ᬕᬶᬦᬾᬮᬯᬸᬮᬯᬸᬦ᭄᭞ᬲ᭄ᬯᬾᬜᬸᬲᬸᬧ᭄ᬭᬶᬂᬗᬮᬲ᭄᭞ᬮᬭᬶᬲ᭄ᬯᬾᬦ᭄ᬢᭂᬦ᭄ᬓᬳᬓ᭄ᬱᬶ᭞ᬧᬲᬰ᭄ᬭᬫᬦ᭄᭞ᬳᬰ᭄ᬭᬶᬤᬾᬦᬶᬂᬲᬃᬯ᭄ᬯᬲ᭄ᬓᬃ᭚ᬲᬂᬧᬡ᭄ᬥᬶᬢᬲᬶᬤ᭄ᬥᬶᬫᬦ᭄ᬢ᭄ᬭ᭞ᬰ᭄ᬭᬶᬰ᭄ᬭᬸᬢᬰ᭄ᬭᬯᬲᬂᬋᬱᬶ᭞ᬫᬲ
ᬦ᭄ᬤᬶᬂᬓᭂᬮᬯᬦ᭄ᬧᬸᬢ᭄ᬭ᭞ᬰᭀᬫᬰ᭄ᬭᬯᬲᬂᬫᬳᬃᬱᬶ᭞ᬢᬸᬃᬲᬶᬤ᭄ᬥᬶᬫᬦ᭄ᬢ᭄ᬭᬫᬮᬶᬄ᭞ᬫᬜᬫ᭄ᬩ᭄ᬭᬫᬭᬶᬲᬂᬧ᭄ᬭᬪᬸ᭞ᬲᬫ᭄ᬧᬸᬦ᭄ᬲᬫᬶᬓᬭᬡᬦ᭄᭞ᬲᬂᬧ᭄ᬭᬪᬸᬫᬶᬯᬄᬲᬂᬋᬱᬶ᭞ᬲᬫ᭄ᬧᬸᬦ᭄ᬢᬗ᭄ᬓᬸᬂ᭞ᬳᬶᬤᬫᬗᬶᬘᬮ
[᭔᭘ 48A]
ᬦ᭄ᬕᬧ᭚ᬮᬭᬶᬲ᭄ᬩᬸᬤᬮ᭄ᬓᬦᬵᬕᬭ᭞ᬲᬂᬧ᭄ᬭᬪᬸᬳᬜᬓ᭄ᬭᬯᬃᬢ᭄ᬢᬶ᭞ᬲᬋᬂᬋᬱᬶᬰᭀᬫᬰ᭄ᬭᬯ᭞ᬤᬤᭀᬲ᭄ᬯ᭄ᬭᬸᬳᬶᬂᬢᬢᬵᬍᬯᬶᬄ᭞ᬲᬭᬯᬸᬳᬾᬭᬶᬂᬧᬸᬭᬶ᭞ᬲᬦ᭄ᬢᬶᬓᬃᬫ᭄ᬫᬦᬾᬓᬯᬗᬸᬦ᭄᭞ᬳᬦ᭄ᬢᬸᬓ᭄ᬋᬱᬶ
ᬰᭀᬫᬰ᭄ᬭᬯ᭞ᬧ᭄ᬭᬬᬰ᭄ᬘᬶᬢᬲᬶᬤ᭄ᬥᬶᬫᬦ᭄ᬤᬶ᭞ᬓ᭄ᬦᬳᬸᬭᬸᬂ᭞ᬢ᭄ᬫᬳᬾᬤᬾᬯᬶᬲᬭᬫ᭚ᬭᬶᬲᬵᬫ᭄ᬧᬸᬦᬾᬳᬶᬤᬮᬫ᭞ᬓᭀᬘᬧ᭄ᬧ᭄ᬭᬪᬸᬜᬓ᭄ᬭᬯᬃᬢ᭄ᬢᬶ᭞ᬧ᭄ᬭᬬᬗ᭄ᬮᬸᬭᬄᬤᬾᬰᬢᬸᬗ᭄ᬓᬲ᭄᭞ᬲᬫᭂ
ᬢᭀᬦᬾᬢᬶᬕᬂᬲᬶᬓᬶ᭞ᬓᬧᬶᬢᭂᬮᬲ᭄ᬭᬶᬂᬧᬸᬭᬶ᭞ᬫᬓᬤᬶᬗ᭄ᬫᬶᬢ᭄ᬬᬂᬕᬸᬭᬸ᭞ᬪᬕᬯᬦ᭄ᬰᭀᬫᬰ᭄ᬭᬯ᭞ᬫᬗ᭄ᬤᬾᬲᬫ᭄ᬧᬸᬦ᭄ᬢᬸᬦᬍᬯᬶᬄ᭞ᬲᭀᬧᬘᬭ᭞ᬦᬶᬂᬕᬸᬭᬸᬫᬓᬃᬤ᭄ᬥᬶᬳᭀᬫ᭚ᬦᬾᬫᬯ
ᬲ᭄ᬢᬬᬚ᭄ᬜᬳᭀᬫ᭞ᬓᬧᬸᬚᬭᬶᬂᬲᬂᬳ᭄ᬬᬂᬕ᭄ᬦᬶ᭞ᬫᬨᬮᬵᬭᬳᬬᬸᬦᬶᬂᬭᬵᬢ᭄᭞ᬲᬂᬧ᭄ᬭᬪᬸᬳᬜᬓ᭄ᬭᬯᬃᬢ᭄ᬢᬶ᭞ᬮᬸᬗ᭄ᬳᬦᬾᬫᬗ᭄ᬤᭀᬦ᭄ᬚᬸᬭᬶᬢ᭄᭞ᬕᭂᬮᬶᬲᬶᬦ᭄ᬘᬭᬶᬢᬭᬯᬸᬄ᭞ᬭᬶᬂᬳ
Kaca:Bali-lontar-paparikan-uwug-rusak-dwarawati-300ppi.pdf/48
Kaca puniki sampun kauji-wacén
