[᭔᭖ 46B]
᭔᭖
ᬓᬯᬗᬸᬦ᭄᭞ᬯᬾᬦ᭄ᬢᭂᬦ᭄ᬳᬲᬸᬓᬘᬶᬗᬓ᭄᭞ᬫᬶᬮᬸᬦᭀᬦ᭄ᬢᭀᬦ᭄ᬬᬚ᭄ᬜᬍᬯᬶᬄ᭞ᬢᬸᬃᬓᬕ᭄ᬩᬸᬕ᭄ ᬳᬦ᭄ᬢᬸᬓ᭄ᬳᬃᬬ᭄ᬬᬰ᭄ᬭᬸᬢᬲᬾᬦ᭚ᬲᬂᬰ᭄ᬭᬸᬢᬲᬾᬦᬧᬸᬦᬶᬓ᭞ᬳᬦᬓ᭄ᬭᬢᬸᬜᬓ᭄ᬭᬯᬃᬢ᭄ᬢᬶ᭞ᬲᬂᬭᬢᬸ
ᬚᬦᬫᬾᬚᬬ᭞ᬓᭀᬘᬧᬦ᭄ᬳᬲᬸᬓᬢᬶᬕ᭄ᬢᬶᬕ᭄᭞ᬦᬗᬶᬲ᭄ᬫᬮᬳᬶᬩ᭄ᬮᬳᬶᬩ᭄᭞ᬧ᭄ᬭᬬᬫᬢᬸᬭᬶᬂᬲᬂᬳᬶᬩᬸ᭞ᬳᬲᬸᬳᬶᬲᬭᬫᬾᬬ᭞ᬭᬯᬸᬄᬭᬶᬂᬧᬢᬧᬦ᭄ᬕᭂᬮᬶᬲ᭄᭞ᬫᬧ᭄ᬭᬲᬤᬸᬭᬶᬂᬗᬶᬩᬸᬤᬾᬯᬶᬲ
ᬭᬫᬾ᭚ᬧ᭄ᬭᬢᬶᬗ᭄ᬓᬳᬾᬓᬧᬸᬓᬸᬮᬦ᭄᭞ᬤᬾᬯᬶᬲ᭄ᬭᬫᬭᬗ᭄ᬓᬸᬂᬩ᭄ᬭᬗ᭄ᬢᬶ᭞ᬯᬶᬭᬾᬄᬳᬦᬓᬾᬢᬦ᭄ᬧᬤᭀᬱ᭞ᬓᬘᬧᬄᬮᬾᬦ᭄ᬓᬕᬶᬢᬶᬓᬶᬦ᭄᭞ᬫᬗᬶᬭᬾᬬᬂᬧᬫᬃᬕ᭄ᬕᬶ᭞ᬧ᭄ᬭᬬᬫᬶᬮᬸᬗ᭄ᬕᬸᬄᬲᬂᬧ᭄ᬭᬪᬸ
᭞ᬦᬸᬮᬶᬄᬮᬭᬶᬲ᭄ᬫᬫᬃᬕ᭄ᬕ᭞ᬤᬾᬯᬶᬲᬭᬫᬧᬸᬦᬶᬓᬶ᭞ᬧᬯᬾᬲ᭄ᬢ᭄ᬭᬶᬦᬾᬋᬱᬶᬪᬕᬯᬦ᭄ᬧᬸᬮᬳ᭚ᬢᬦ᭄ᬓᬘᬭᬶᬢᬭᬶᬂᬫᬃᬕ᭄ᬕ᭞ᬭᬯᬸᬄᬭᬶᬂᬧᬬᬚ᭄ᬜᬦᬕ᭄ᬮᬶᬲ᭄᭞ᬲᬂᬭᬢᬸᬚᬦᬫᬾᬚᬬ᭞ᬭᬶᬂᬧᬬᬚ᭄ᬜ
[᭔᭗ 47A]
ᬦ᭄ᬓᬢᬗ᭄ᬓᬶᬮ᭄᭞ᬲᬂᬲᬭᬫᬵᬫᬢᬸᬃᬕ᭄ᬮᬶᬲ᭄᭞ᬤᬕᬶᬂᬭᬱᬫᭂᬮᬸᬗ᭄ᬕᬸᬄ᭞ᬯᬶᬭᬾᬄᬳᬶᬲᬭᬫᬾᬬ᭞ᬢᬦ᭄ᬧᬤᭀᬱᬓᬕᬶᬢᬶᬓᬶᬦ᭄᭞ᬓᬮᬶᬄᬳᬶᬧᬸᬦ᭄ᬳᬶᬲᬭᬫᬾᬬᬲᬸᬰᬶᬮ᭚ᬳᬸᬦᬶᬂᬭᬶᬂᬍᬢᬸᬄᬧ
ᬯᬓᬦ᭄᭞ᬢᬦ᭄ᬧᬸᬭᬸᬦᬸᬗᬥᬄᬲᬚᬶ᭞ᬫᬗ᭄ᬤᬾᬦᬾᬧ᭄ᬭᬬᬫᬗ᭄ᬤᬶᬮᬢ᭄᭞ᬯᬦ᭄ᬢᬄᬲᬓᬶᬂᬤᭀᬄᬫᬩᬮᬶᬄ᭞ᬤᬤᬶᬓ᭄ᬦᬶᬓᬕᬶᬢᬶᬓ᭄᭞ᬓ᭄ᬭᬡᬵᬓ᭄ᬭᬡᬦ᭄ᬲᬂᬭᬢᬸ᭞ᬦ᭄ᬤᬦ᭄ᬤᬢᬦ᭄ᬬᭀᬕ᭄ᬬᬥᬡ᭄ᬥ᭞ᬤᬾ
ᬯᬶᬲ᭄ᬭᬫᬜᬧᬦᬸᬮᬶᬄ᭞ᬭᬶᬲᬂᬧ᭄ᬭᬪᬸᬫᬗ᭄ᬤᬾᬫᬗ᭄ᬕᬶᬄᬧᬓᬾᬯᬸᬳᬦ᭄᭚ᬮᬭᬶᬲ᭄ᬫᬸᬓ᭄ᬱᬄᬲᬓ᭄ᬱᬡ᭞ᬭᬶᬂᬧᬗᬤᭂᬕᬦ᭄ᬢᬦ᭄ᬓᬓ᭄ᬱᬶ᭞ᬯᬶᬭᬾᬄᬲᬫ᭄ᬧᬸᬦ᭄ᬧᭀᬮᬶᬜᬧ᭞ᬲᬂᬤᬾᬯᬶᬲ᭄ᬭᬫᬰ
ᬓ᭄ᬢᬶ᭞ᬲᬂᬧ᭄ᬭᬪᬸᬜᬓ᭄ᬭᬯᬃᬢ᭄ᬢᬶ᭞ᬓᬭᬗ᭄ᬓᬸᬂᬭᬗ᭄ᬓᬸᬂᬢᭂᬓ᭄ᬚᬸᬢ᭄᭞ᬲᬓᬶᬂᬢᬦ᭄ᬢᬳᭂᬦ᭄ᬧᬶᬲᬦ᭄᭞ᬓ᭄ᬦᬶᬰᬧᬯᬶᬓᬸᬳᬶᬲ᭄ᬢ᭄ᬭᬶ᭞ᬯᬶᬭᬾᬄᬓᬦ᭄ᬢᬸᬕ᭄ᬬᬚ᭄ᬜᬦᬾᬮᬭᬶᬲ᭄ᬓᬯᬸᬲᬦ᭄᭚ᬦᬗ᭄ᬳᬶᬂᬲᬫ᭄ᬧᬸᬦ᭄ᬫᬯᬲ᭄ᬢᬲᬶ
Kaca:Bali-lontar-paparikan-uwug-rusak-dwarawati-300ppi.pdf/47
Kaca puniki sampun kauji-wacén
