[᭔᭓ 43B]
᭔᭓
ᬦ᭄ᬳᬶᬤᬤᬸᬭᬸᬂᬲᬳᬸᬦᬶᬂ᭞ᬧᬸᬦᬶᬓᬶᬲᬫ᭄ᬧᬸᬦ᭄ᬢᬓ᭄ᬱᬓ᭚ᬓᬢᬸᬤᬸᬳᬂᬭᬶᬂᬯᬶᬓᬸᬰᬺᬗ᭄ᬕᬶ᭞ᬧ᭄ᬭᬬᬗᬸᬢᬶᬮ᭄᭞ᬲᬂᬭᬢᬸᬳᬲ᭄ᬢᬶᬦ᭞ᬧᬸᬦᬧᬶᬢᬫ᭄ᬩᬦᬾ᭞ᬬᬾᬦ᭄ᬲᬫ᭄ᬧᬸᬦ᭄ᬲᬶᬤ᭄ᬥᬧᬸᬳᬸᬦ᭄᭞ᬓ᭄ᬦᬶᬯᬶᬱ᭄ᬬ
ᬭᬚᬧᬭᬶᬓ᭄ᬱᬶᬢ᭄᭞ᬗᬦ᭄ᬤᬶᬓᬲᬂᬓᬂᬲ᭄ᬬᬧ᭞ᬳᬾᬦᬕᬕ᭄ᬲᭂᬂᬤᬸᬫᬸᬦ᭄᭞ᬓᬬᬸᬩᬳᬶᬗᬶᬦᬾᬕᬤᬂ᭞ᬢᬸᬃᬭᬶᬦ᭄ᬳᬤ᭞ᬳᬦᬓ᭄ᬤᬶᬮᬸᬳᬸᬃᬫᬗᬦ᭄ᬤᬶᬓ᭄᭞ᬳᬶᬦ᭄ᬤᬬᬂᬧᬥᬵᬘᭂᬦ᭄ᬢᭀᬓ᭄ᬰᬓ᭄ᬢᬶ
ᬦᬕᬦᬾᬭᬶᬂᬰᬓ᭄ᬢᬶᬦᬺᬱᬶ᭞ᬭᬶᬂᬲᬵᬓ᭄ᬱᬡ᭞ᬦᬸᬮᬶᬄᬤᬤᬶᬦᬕ᭞ᬫᬗᬸᬢᬶᬮ᭄ᬢᬸᬯᭂᬤ᭄ᬩᬶᬗᬶᬦᬾ᭞ᬫᬸᬭᬸᬩ᭄ᬫᬮᬢᬸᬮᬢᬸ᭞ᬩᬶᬗᬶᬜ᭄ᬚᬤ᭄ᬫᬢ᭄ᬓᬾᬦᬶᬂᬓᬦ᭄ᬤᬶᬓ᭄᭞ᬤᬤᬶᬳᬯᬸᬲᬧᬶᬲᬦ᭄᭞ᬢᬸᬃᬫᬮᬶᬄ
ᬓᬢᬸᬢᬸᬧᬦ᭄᭞ᬳᬦ᭄ᬢᬸᬓ᭄ᬱᬂᬋᬱᬶᬓᬲ᭄ᬬᬧᬵ᭞ᬓᬫᬦ᭄ᬢ᭄ᬭᬳᬶᬦ᭄᭞ᬭᬶᬂᬧᬦᬯᬃᬯᬶᬱ᭄ᬬᬫᬦ᭄ᬤᬶ᭞ᬧᬳᬶᬘᬾᬦ᭄ᬪᬝᬵᬭᬩ᭄ᬭᬳ᭄ᬫᬵ᭚ᬩᬶᬗᬶᬜ᭄ᬚᬤ᭄ᬫᬫ᭄ᬯᬂᬓᬦ᭄ᬤᬶᬓ᭄ᬫᬮᬶᬄᬩ᭄ᬘᬶᬓ᭄ᬓᬤᬶᬫᬸᬮ᭞ᬢ᭄ᬯᬭᬗ᭄ᬭᬱ
[᭔᭔ 44A]
ᬳᬧ᭞ᬕᬯᭀᬲ᭄ᬦᬕᬢᬓ᭄ᬱᬓᬦᬾ᭞ᬮᬭᬶᬲ᭄ᬜᬸᬫ᭄ᬩᬄᬲᬃᬯ᭄ᬯᬶᬫᬢᬸᬃ᭞ᬳᬶᬗ᭄ᬕᬶᬄᬧᬸᬦᬶᬓᬶᬓᬢᬄᬫᬲ᭄ᬫᬡᬶᬓ᭄᭞ᬳᬫ᭄ᬩᬶᬮ᭄ᬭᬢᬸᬲᬫ᭄ᬬᬦ᭄᭞ᬦᬗ᭄ᬳᬶᬂᬭᬢᬸᬫᬦ᭄ᬢᬸᬓ᭄᭞ᬲᬫ᭄ᬧᬸᬦ᭄ᬤᬸᬭᬸ
ᬲ᭄ᬓᬳᬲ᭄ᬢᬶᬦ᭞ᬳᬾᬕᬃᬳᬶᬤ᭞ᬲᬓᬲ᭄ᬬᬧᬮᬦᬫ᭄ᬧᬶᬦᬶᬦ᭄᭞ᬢᬸᬫᬸᬮᬶᬳᬾᬮᬭᬶᬲ᭄ᬩᬸᬤᬮ᭄᭚ᬲᬂᬢᬓ᭄ᬱᬓᬮᬭᬶᬫᬫᬃᬕ᭄ᬕᬶ᭞ᬫᬗᬸᬲᬶᬬᬂ᭞ᬧᬸᬭᬶᬭᬶᬂᬳᬲ᭄ᬢᬶᬦ᭞ᬲᬫ᭄ᬧᬸᬦ᭄ᬢ᭄ᬭᬂᬓᬂᬳᭀᬃᬢ᭄ᬣᬦᬾ᭞
ᬭᬶᬬᬢ᭄ᬦᬦᬶᬂᬧᬦᬸᬗ᭄ᬕᬸ᭞ᬧᬗ᭄ᬭᬓ᭄ᬱᬦᬾᬭᬚᬧᬭᬶᬓ᭄ᬱᬶᬢ᭄᭞ᬓᬢᬄᬲᬃᬯ᭄ᬯᬲᬜ᭄ᬚᬢ᭞ᬫᬶᬯᬄᬧᬭᬯᬶᬓᬸ᭞ᬲᬶᬤ᭄ᬥᬶᬫᬦ᭄ᬤᬶᬧᬸᬯᬃᬯᬶᬱ᭄ᬬ᭞ᬫᬧᬶᬦᭂᬳᬾ᭞ᬦᬕᬢᬓ᭄ᬱᬓᬫᬮᬶᬄ᭞ᬧ᭄ᬭᬬᬦᬾᬫᬜᬸ
ᬢᬂᬭᬸᬧ᭚ᬲᬓ᭄ᬧᬸᬦ᭄ᬤᬤᭀᬲ᭄ᬫᬭᬸᬧᬲᬂᬋᬱᬶ᭞ᬫᬓ᭄ᬢᬜᬫ᭄ᬩᬸ᭞ᬧ᭄ᬭᬬᬓᬳᬢᬸᬭᬂ᭞ᬭᬶᬂᬲᬂᬧ᭄ᬭᬪᬸᬳᬲ᭄ᬢᬶᬦᬦᬾ᭞ᬕ᭄ᬮᬶᬲᬶᬦ᭄ᬘ᭄ᬭᬶᬢᬲᬫ᭄ᬧᬸᬦ᭄᭞ᬓᬮᬸᬕ᭄ᬭᬳᬦ᭄ᬫᬜ᭄ᬚᬶᬂᬓᬧᬸᬭᬶ᭞ᬓᬢᬸᬃᬧᬸᬦᬂᬮᬭᬧᬦ᭄
Kaca:Bali-lontar-paparikan-uwug-rusak-dwarawati-300ppi.pdf/44
Kaca puniki sampun kauji-wacén
