[᭔᭒ 42B]
᭔᭒
ᬯᬾᬧᬹᬃᬡ᭄ᬦᬦᬶᬂᬢ᭄ᬫᬄ᭚ᬮᬭᬶᬲ᭄᭞ᬦᬾᬫᬧᬭᬩ᭄ᬋᬱᬶᬖᭀᬭᬫᬸᬓ᭞ᬓᬧᬸᬭᬶᬳᬲ᭄ᬢᬶᬦᬳᬕᬾ᭞ᬗᬸᬦᬶᬗᬦ᭄ᬓᬤᬶᬩᬳᬸ᭞ᬦ᭄ᬤᬢᬦ᭄ᬳᬃᬱᬵᬭᬚᬧᬭᬶᬓ᭄ᬱᬶᬢ᭄
᭞ᬫᬦᬸᬦᬲ᭄ᬧᬗᬓ᭄ᬱᬫ᭞ᬭᬶᬂᬲᬂᬯᬶᬓᬸᬢᬶᬕ᭞ᬩᬬᬲᬓᬶᬂᬢᬶᬢᬄ᭞ᬘ᭄ᬥᭂᬓ᭄ᬬᬸᬱᬦᬾ᭞ᬮᬶᬡᬦᬾᬓ᭄ᬦᬶᬓᬕᬸᬢᬶᬮ᭄᭞ᬳᬦ᭄ᬢᬸᬓ᭄ᬳᬶᬦᬕᬢᬓ᭄ᬱᬓ᭞᭚ᬮᬭᬶᬲ᭄ᬬᬢ᭄ᬦᬲᬂᬧ᭄ᬭᬪᬸᬧᬭᬶ
ᬓ᭄ᬱᬶᬢ᭄᭞ᬯᬶᬭᬾᬄᬳᬾᬭᬂᬫᬗᬓ᭄ᬱᬫ᭞ᬭᬶᬂᬧ᭄ᬭᬲᬤ᭄ᬥᬮᬶᬗ᭄ᬕᬶᬳᬾ᭞ᬢ᭄ᬕᭂᬄᬗᬯᬶᬤᬶᬤᬸᬳᬸᬃ᭞ᬢᬸᬦᬘᬧᬂᬓᬢᬄᬧᬓ᭄ᬫᬶᬢ᭄᭞ᬩ᭄ᬭᬳ᭄ᬫᬲᬶᬤ᭄ᬥᬶᬫᬦ᭄ᬢ᭄ᬭ᭞ᬫᬗᬶᬤᭂᬭᬶᬂᬧ᭄ᬭᬲᬤ᭄ᬥ᭞ᬧ᭄ᬭᬚᬸᬭᬶᬢᬾ᭞ᬧᬸᬗ᭄ᬕ
ᬯᬵᬫᬦ᭄ᬢ᭄ᬭᬶᬫᬓ᭄ᬫᬶᬢ᭄᭞ᬜᬭᬢᬂᬧᬶᬢᬸᬂᬗᬭᬶ᭚ᬯᬾᬦ᭄ᬢᭂᬦ᭄ᬯᬶᬓᬸᬧ᭄ᬭᬬᬦᬗ᭄ᬓᬶᬮ᭄᭞ᬓᬳᬲ᭄ᬢᬶᬦ᭞ᬯᬶᬓᬸᬲᬶᬤ᭄ᬥᬶᬫᬦ᭄ᬢ᭄ᬭ᭞ᬯᬶᬓᬲ᭄ᬬᬧᬧᬵᬭᬩᬾ᭞ᬦᬗ᭄ᬳᬶᬂᬩᭀᬬᬧᬸᬦᬶᬓᬸ᭞ᬩᬧᬦ᭄ᬲᬂᬕᬭᬸ
[᭔᭓ 43A]
ᬥᬋᬱᬶ᭟ᬫᬲᬶᬄᬫᬤᬦ᭄ᬓᬲ᭄ᬬᬧᬵ᭞ᬧ᭄ᬭᬬᬦᬾᬫᬶᬢᬸᬮᬸᬂ᭞ᬭᬶᬂᬲᬂᬭᬢᬸᬭᬶᬂᬳᬲ᭄ᬢᬶᬦ᭞ᬯᬶᬭᬾᬄᬲᬫ᭄ᬧᬸᬦ᭄ᬧᬶᬢᬸᬂᬤᬶᬦ᭞ᬲᬫᬬᬦᬶᬂ᭞ᬲᬂᬭᬢᬸᬕᬸᬢᬶᬍᬕ᭚ᬯᬶᬓᬦ᭄ᬦᬯᬃᬲᬯᬱ᭄ᬬᬦᬶᬂᬮ
ᬮᬶᬧᬶ᭞ᬧᬶᬲᬥ᭄ᬬᬦᬾ᭞ᬧ᭄ᬭᬬᬗᬫᬸᬮᬶᬳᬦ᭄᭞ᬭᬚᬩ᭄ᬭᬡᬫᬸᬮᬾᬫᬸᬮᬾᬦᬾ᭞ᬗ᭄ᬮᬭᬶᬫᬫᬃᬕ᭄ᬕᬶᬭᬯᬸᬄ᭞ᬯᬾᬦ᭄ᬢᭂᬦ᭄ᬓᬘᬶᬗᬓ᭄ᬫᬭᬸᬧᬋᬱᬶ᭞ᬚᬕ᭄ᬳᬚᬾᬃᬫᬘᬧᬢᬦ᭄᭞ᬳᬾᬄᬳᬶᬤᬲᬂ
ᬯᬶᬓᬸ᭞ᬳᬶᬤᬧ᭄ᬭᬬᬮᬸᬗ᭄ᬳᬵᬓᬶᬚ᭞ᬦᬧᬶᬓᬃᬬ᭄ᬬ᭞ᬲᬂᬓᬲ᭄ᬬᬧᬵᬫᬜᬯᬸᬭᬶᬦ᭄᭞ᬭᬓᬦ᭄ᬳᬶᬤᬓᬦᬵᬕᬭ᭚ᬓᬧᬸᬭᬶᬳᬕᬸᬂᬳᬲ᭄ᬢᬶᬦᬧᬸᬭᬶ᭞ᬭᬾᬄᬲᬂᬭᬢᬸ᭞ᬧ᭄ᬭᬬᬕᬸᬢᬶᬮ᭄ᬦᬦ᭞ᬭᬓ
ᬳᬾᬮᬶᬂᬓᬯᬶᬢᬾ᭞ᬭᬢᬸᬲᬦ᭄ᬢᬦᬓᬸᬭᬸ᭞ᬓᬢᬄᬓᬢᬄᬢᬶᬃᬣᬦᬾᬩ᭄ᬘᬶᬓ᭄᭞ᬢᬸᬃᬫᬗᬸᬭᬶᬧᬂᬥᬃᬫ᭄ᬫ᭞ᬓ᭄ᬭᬡᬦᬾᬧᬢᬸᬢ᭄ᬢᬸᬮᬸᬂ᭞ᬲᬂᬫᬭᬸᬧᬋᬱᬶᬜᬳᬸᬭᬶᬦ᭄᭞ᬇᬗ᭄ᬕᬶᬄᬳᬶᬗ᭄ᬕᬶᬄ᭞ᬬᬾ
Kaca:Bali-lontar-paparikan-uwug-rusak-dwarawati-300ppi.pdf/43
Kaca puniki sampun kauji-wacén
