[᭔᭑ 41B]
᭔᭑
ᬳᬸᬦ᭄ᬳᬶᬤ᭞ᬢᬦ᭄ᬳᬶᬤᬓ᭄ᬭᭀᬥᬩ᭄ᬦᭂᬭᬾ᭞ᬳᬶᬬᬚᬶᬜᬦ᭄ᬤᬂᬢᬶᬭᬸ᭞ᬓᬥᬃᬫ᭄ᬫᬦᬾᬯᬶᬓᬸᬲᬫᬶᬣᬶ᭞ᬤᬸᬓᬯᬳᬸᬫᬶᬳᬃᬱᬬᬂ᭞ᬯᬶᬓᬸᬰᬺᬗ᭄ᬕᬶᬋᬗᬸ᭞ᬫᭀᬚᬃᬢᬸᬃᬫᭀᬮᬄᬳᬦᬓᬶᬂᬫᬢ᭞ᬲ᭄ᬫᬸᬓᬩᬗ
ᬦ᭄ᬲᬓᬶᬂᬓᬲᬗᭂᬢᬦ᭄ᬩ᭄ᬯᬶᬦ᭄ᬢᬶ᭞ᬫᭀᬚᬭᬶᬂᬳᬶᬤᬓᬺᬱ᭚ᬓᬺᬱᬮᬶᬳᬢ᭄ᬰᬓ᭄ᬢᬶᬦᬾᬳᬶᬰᬺᬗ᭄ᬕᬶ᭞ᬫᭀᬖᬫᭀᬖ᭞ᬲᬂᬭᬢᬸᬳᬲ᭄ᬢᬶᬦ᭞ᬓᬕᬸᬢᬶᬮ᭄ᬭᬶᬂᬢᬮ᭄ᬲᬓᬦᬾ᭞ᬤᭀᬦᬾᬘ᭄ᬓᬧ᭄ᬭᬶᬂ
ᬲᬂᬯᬶᬓᬸ᭞ᬧᬲ᭄ᬢᬶᬲᬶᬤ᭄ᬥᬭᬶᬂᬧᬶᬢᬸᬂᬯ᭄ᬗᬶ᭞ᬦᬕᬢᬓ᭄ᬱᬓ᭞ᬢ᭄ᬓᬫᬗᬸᬢᬶᬮ᭄ᬲᬂᬭᬢᬸ᭞ᬭᬶᬯᬸᬲᬾᬲᬫ᭄ᬧᬸᬦᬶᬓ᭞ᬮᬭᬶᬲ᭄ᬩᬸᬤᬮ᭄᭞ᬓᬧᬗ᭄ᬕᬶᬄᬳᬶᬤᬳᬶᬬᬚᬶ᭞ᬭᬶᬂᬧᬮᬶᬗ᭄ᬕᬶᬳᬾᬩᬸᬲᬦ᭞ᬇᬗ᭄ᬕᬶᬄᬓᬵ
ᬗᬦᬓ᭄ᬲᬫ᭄ᬧᬸᬦ᭄ᬦᭂᬫᬄᬲᬂᬧᬭᬶᬓ᭄ᬱᬶᬢ᭄᭞ᬓᬕᬸᬢᬶᬮ᭄ᬭᬶᬂᬢᬓ᭄ᬱᬓ᭚ᬭᬭᬶᬲ᭄ᬯᬸᬲᬦ᭄ᬫᬫᭀᬦᬦᬾᬫᬗ᭄ᬓᬶᬦ᭄᭞ᬯᬯᬸᬫ᭄ᬬᬵᬃᬱ᭞ᬳᬢᬸᬭᬾᬳᬶᬧᬸᬢ᭄ᬭ᭞ᬩᬗᭂᬢᭂᬗ᭄ᬓᭂᬚᬸᬢ᭄ᬓᬬᬸᬦᬾ᭞ᬳᬾᬦᬦᬓ᭄
[᭔᭒ 42A]
ᬦᭀᬭᬧᬢᬸᬢ᭄᭞ᬥᬃᬫ᭄ᬫᬦ᭄ᬯᬶᬓᬸᬫᬗᬗ᭄ᬕᭀᬦ᭄ᬩ᭄ᬭᬗ᭄ᬢᬶ᭞ᬓᬾᬯᬮᬓᭀᬧᬲᬫᬦ᭄᭞ᬉᬢ᭄ᬢᬫᬭᬶᬂᬯᬶᬓᬸ᭞ᬬᬤᬶᬦ᭄ᬭᬶᬂᬚᬤ᭄ᬫᬲᬶᬦᬫ᭄ᬬᬦ᭄᭞ᬢ᭄ᬯᬭᬤᬤᬶᬧ᭄ᬥᬶᬄᬧ᭄ᬥᬶᬄ᭞ᬫᬗ᭄ᬤᬭᬶᬂᬲᬂᬫᬯᬭᬵᬢ᭄᭚
ᬳᬮᬲᬾᬦᬾᬢᭀᬗᭀᬲᬶᬦ᭄ᬘ᭄ᬦᬶᬂ᭞ᬦᬾᬫᬤᬦ᭄ᬭᬶᬂᬧ᭄ᬤᬮᬧᬦ᭄ᬢ᭞ᬤ᭄ᬭᭀᬯᬾᬦ᭄ᬲᬂᬭᬢᬸᬳᭀᬜᬦᬾ᭞ᬲ᭄ᬓᬃᬫᬶᬯᬄᬩᬜᬸ᭞ᬲᬦᬾᬳᬗ᭄ᬕᬾᬦ᭄ᬘ᭄ᬦᬶᬂᬲᬳᬶ᭞ᬲᬂᬧ᭄ᬭᬪᬸᬫᬦ᭄ᬤ᭄ᬭᬯᬾᬬᬂ᭞
ᬧᬓᬃᬤ᭄ᬥᬶᬲᬂᬧ᭄ᬭᬪᬸ᭞ᬓ᭄ᬭᬡᬘ᭄ᬦᬶᬂᬲᬶᬫᬦ᭄ᬢ᭄ᬭ᭞ᬭᬾᬄᬲᬂᬧ᭄ᬭᬪᬸ᭞ᬭᬸᬫᬓ᭄ᬱᬓ᭄ᬭᬡᬘ᭄ᬦᬶᬂ᭞ᬢᬦᬓ᭄ᬦᬶᬧᬫᭂᬜ᭄ᬘᬦ᭚ᬮᬶᬯᬢ᭄ᬲᬮᬄᬘ᭄ᬦᬶᬂᬗᬾᬫᬦ᭄ᬫᬳᬶᬦ᭄᭞ᬩᬦᬶᬩᬦᬶ᭞ᬭᬶᬂᬕᬸᬭᬸᬯᬶᬰᬾᬱ᭞ᬢᭀᬦᬾᬲᬶᬤ᭄ᬥ
ᬧᬶᬢ᭄ᬮᬲᬾ᭞ᬪᬝᬵᬭᬚᬕᬢ᭄ᬕᬸᬭᬸ᭞ᬓᬧᬶᬢ᭄ᬮᬲ᭄ᬫᬗ᭄ᬭᬓ᭄ᬱᬕᬸᬫᬶ᭞ᬦᬾᬚᬦᬶᬩ᭄ᬯᬶᬜ᭄ᬚᬸᬫ᭄ᬯᬶᬦ᭄ᬢᬸᬦ᭄ᬤᬾᬦᬂᬫᬳᬢᬸᬭ᭄᭞ᬫᬗ᭄ᬤᬾᬲᬂᬧ᭄ᬭᬪᬸᬗᬕᬾᬬᬂ᭞ᬗᬮᬸᬗᬬᬂ᭞ᬫᬳᬶᬧ᭄ᬭᬬᬮᬸᬓᬢ᭄ᬕᬢᬶ᭞ᬗ
Kaca:Bali-lontar-paparikan-uwug-rusak-dwarawati-300ppi.pdf/42
Kaca puniki sampun kauji-wacén
