[᭔᭔ 44B]
᭔᭔
᭞ᬫᬭᬸᬧᬯᭀᬄᬜᬫ᭄ᬩᬸ᭞ᬚᬢᬶᬦᬾᬤᬕᬢᬓ᭄ᬱᬓ᭞ᬜᬸᬢᬶᬭᬸᬧ᭞ᬤᬤᭀᬲᬾᬭᬗ᭄ᬓᬸᬂᬳᬮᬶᬢ᭄᭞ᬭᬶᬂᬢᬧᬸᬓ᭄ᬜᬸᬫ᭄ᬩᬸᬫᬕ᭄ᬦᬄ᭚ᬦᬾᬫᬭᬸᬧᬵᬧᬵᬡ᭄ᬥᬶᬢᬵᬓᬓ᭄ᬱᬶ᭞ᬲᬚᬢᬶᬦᬾ᭞ᬜᬫᬦ᭄ᬳᬶ
ᬢᬓ᭄ᬱᬓᬵ᭞ᬲᬦᬾᬗᬢᬸᬭᬂᬜᬫ᭄ᬩᬸᬦᬾ᭞ᬭᬶᬲᬫ᭄ᬧᬸᬦ᭄ᬧᬸᬢᬶᬸᬧᬸᬢ᭄ᬫᬢᬸᬃ᭞ᬚᬬᬚᬬᬦᬸᬮᬶᬫᬧᬫᬶᬢ᭄᭞ᬢᬸᬃᬲᬫ᭄ᬧᬸᬦ᭄ᬓᬕᬜ᭄ᬚᬭᬦ᭄᭞ᬦᬸᬮᬶᬄᬭᬭᬶᬲ᭄ᬫᬦ᭄ᬢᬸᬓ᭄᭞ᬫᬗ᭄ᬕᬢᬶᬬᬂᬲᬧᬢᬮ᭞ᬓᭀ
ᬘᬧ᭄ᬋᬓᬾ᭞ᬲᬫ᭄ᬧᬸᬦ᭄ᬲ᭄ᬥᭂᬂᬯᬓ᭄ᬢᬸᬫᬕ᭄ᬭᬶᬩ᭄᭞ᬬᬾᬦ᭄ᬘᬭᬩᬱᬳᬭᬩ᭄᭚ᬦᬸᬗ᭄ᬕᬄᬕᬸᬦᬸᬂᬬᬾᬦᬶᬂᬘᬭᬩᬮᬶ᭞ᬤᬲ᭄ᬜᬜ᭄ᬚᬬᬂ᭞ᬫᬾᬄᬲᬸᬭᬸᬧᬶᬦ᭄ᬲᬹᬃᬬ᭄ᬬ᭞ᬲᬂᬧ᭄ᬭᬪᬸᬧᬭᬶᬓ᭄ᬱᬶᬢᬾ᭞ᬲᬫ᭄ᬧᬸᬦ᭄
ᬗ᭄ᬭᬱᬵᬬᬾᬦ᭄ᬮᬸᬧᬸᬢ᭄᭞ᬓ᭄ᬦᬶᬰᬧᬦᬶᬂᬯᬶᬓᬸᬰᬺᬗ᭄ᬕᬶ᭞ᬮᬭᬶᬲ᭄ᬗᬫ᭄ᬩᬶᬮ᭄ᬫᬗᬸᬧᬓ᭄᭞ᬳᬶᬲᬶᬦᬶᬂᬯᭀᬄᬜᬫ᭄ᬩᬸ᭞ᬓᬳᬓ᭄ᬱᬶᬳᬸᬍᬃᬳᬮᬶᬢ᭄ᬧᬶᬲᬦ᭄᭞ᬳᬸᬍᬃᬲᭂᬍᬫ᭄᭞ᬫᬢᬦᬾᬩᬭᬓ᭄ᬧᬓ᭄ᬜᬶᬢ᭄᭞
[᭔᭕ 45A]
ᬢᬸᬭᬭᬶᬲ᭄ᬓᬕᬸᬬᭀᬦᬦ᭄᭚ᬯᬬᬢᬾᬦᬾᬳᬶᬢᬓ᭄ᬱᬓᬫᬳᬶ᭞ᬲᬶᬤ᭄ᬥᬶᬧᬶᬲᬦ᭄᭞ᬲᬂᬯᬶᬓᬸᬫᬦ᭄ᬫᬄ᭞ᬲᬫ᭄ᬧᬸᬦᬶᬓᬯᬘᬡᬦᬾ᭞ᬦᬗ᭄ᬳᬶᬂᬲᬓᬶᬂᬢᬦ᭄ᬕᬸᬭᬸ᭞ᬲᬓᬶᬂᬲᬗᭂᬢ᭄ᬫᬺᬘᬫ᭄ᬧᬳᬶᬦ᭄᭞ᬳᬸ
ᬍᬤ᭄ᬦᬕᬢᬓ᭄ᬱᬓ᭞ᬓᬤᬶᬤᬸᬦ᭄ᬤᬸᬦ᭄ᬤᬸᬦ᭄ᬤᬸᬦ᭄᭞ᬢᬸᬫᬸᬮᬶᬄᬫᬢ᭄ᬫᬳᬦ᭄ᬦᬕ᭞ᬮᬭᬶᬲ᭄ᬗᬸᬢᬶᬮ᭄᭞ᬧ᭄ᬭᬲᬤ᭄ᬥᬦᬾᬤᬤᬶᬕᬧᬶ᭞ᬳᬶᬢᬓ᭄ᬱᬓᬓᬮᬭᬶᬲ᭄ᬫᭂᬲᬢ᭄᭞᭚ᬲᬫ᭄ᬧᬸᬮᬶᬡᬧ᭄ᬭᬪᬸᬧᬭᬶᬓ᭄ᬱᬶ
ᬢ᭄᭞ᬫᬯᬸᬭᬳᬦ᭄᭞ᬯᭀᬗᬦ᭄ᬲᬦᬵᬕᬭ᭞ᬲᬓ᭄ᬯᬾᬄᬧᬭᬯᬾᬲ᭄ᬢ᭄ᬭᬶᬦᬾ᭞ᬯᬾᬦ᭄ᬢᭂᬦ᭄ᬲᬕᬸᬓ᭄ᬲᬕᬸᬓ᭄᭞ᬧᬕᬸᬮᬮᬂᬧᬕᬸᬮᬶᬮᬶᬂ᭞ᬓᬤᬶᬓᬭᬸᬩᬸᬳᬦ᭄ᬚᬕᬢ᭄᭞ᬲᬓᬾᬄᬧᬭᬯᬥᬸ᭞ᬓᬮᬶ
ᬮᬗᬦ᭄᭞ᬓᬩ᭄ᬯᬢᬦ᭄ᬮᬭᬦᬗᬶᬲ᭄᭞ᬲᬸᬃᬬ᭄ᬬᬯᬸᬮᬦᬾᬭᬶᬂᬩᬸᬫᬶ᭞ᬧ᭄ᬢᭂᬂᬦ᭄ᬤᬢᬦ᭄ᬧᬕᬕᬯᬦ᭄᭞᭚ᬢᬦ᭄ᬓᬘᬭᬶᬢᬲ᭄ᬥᬶᬳᬾᬯᭀᬂᬧᬸᬭᬶ᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬓᬢᬸᬃᬲᭀᬧᬘᬭ᭞ᬭᬶᬂᬲᬂᬳᬶ
Kaca:Bali-lontar-paparikan-uwug-rusak-dwarawati-300ppi.pdf/45
Kaca puniki sampun kauji-wacén
