[᭒᭗ 27B]
᭒᭗
ᬭ᭞ᬲᬗᬃᬬ᭄ᬬᬦᬓᬸᬮᬫᬮᬶᬄ᭞ᬲᬳᬤᬾᬯᬲᬋᬂᬲᬫ᭄ᬧᬸᬦ᭄᭞ᬲᬂᬧᬃᬣᬫᬥᬃᬢ᭄ᬢᬬᬂᬧ᭄ᬭᬢᬶᬗ᭄ᬓᬳᬾ᭞ᬬᬾᬦ᭄ᬭᬶᬂᬤ᭄ᬯᬭᬯᬢᬶᬍᬩᬸᬃ᭞ᬓᬲᬫ᭄ᬩ᭄ᬭᬄᬓᬮᬶᬲᬗ᭄ᬕᬭ᭞ᬦᬕᬭᬦᬾᬤᬤᬶᬧᬲᬶᬄ᭚ᬲᬫᬶᬲ᭄ᬥᬶᬄᬫᬶ
ᬬᬃᬱᬬᬂ᭞ᬗᬗᭂᬦᬗᭂᬦ᭄ᬭᬸᬲᬓᬶᬂᬤ᭄ᬯᬭᬯᬢᬶ᭞ᬲᬫᬶᬗ᭄ᬭᬱᬵᬲᬮᬄᬲᭂᬗ᭄ᬕᬸᬄ᭞ᬓᬧᬃᬡ᭄ᬦᬢ᭄ᬯᬭᬵᬭᬸᬲᬓ᭄᭞ᬭᬢᬸᬰᬓ᭄ᬢᬶ᭞ᬢᬸᬃᬳᬤᬦᬾᬦᬶᬂᬯᬶᬱ᭄ᬡᬸ᭞ᬫᬲᬶᬄᬓ᭄ᬦᬓ᭄ᬦᬦ᭄ᬲᬗ᭄ᬕᬭ᭞ᬓ᭄ᬭᬡᬓᬾᬯᭂᬄᬫᬫᬶᬦᭂᬳᬶᬦ᭄᭚
ᬲᬂᬧᬃᬣᬫᬮᬶᬄᬗᬸᬦᬶᬗᬦ᭄᭞ᬯᬾᬦ᭄ᬢᭂᬦ᭄ᬓᬭᬶᬧ᭄ᬭᬧᬸᬢ᭄ᬭᬭᬶᬂᬤ᭄ᬯᬭᬯᬢᬶ᭞ᬲᬂᬗᬃᬬ᭄ᬬᬩᬤ᭄ᬭᬧᬸᬦᬶᬓᬸ᭞ᬫᬶᬯᬄᬲᬂᬬᭀᬕᬦ᭄ᬤᬭ᭞ᬫᬶᬯᬄᬲᬓᬾᬄᬧᬭᬭᬩᬶᬧᬭᬯᬮᬸ᭞ᬲᬗᬧᬭᬦ᭄ᬬᭀᬕ
ᬦ᭄ᬤᬭ᭞ᬧᬸᬢᬸᬦᬾᬳᬃᬬ᭄ᬬᬲᬢ᭄ᬬᬓᬶ᭚ᬫᬳᬵᬭᬵᬚᬬᬸᬥᬶᬱ᭄ᬝᬶᬭ᭞ᬫᬫᬶᬢ᭄ᬮᬲᬂᬧᬃᬢ᭄ᬢᬫᬗᬃᬤ᭄ᬥᬶᬦᬶᬦ᭄᭞ᬲᬂᬩᬤ᭄ᬭᬫᬩᭂᬦᭂᬂᬭᬢᬸ᭞ᬭᬶᬂᬢᬦᬄᬇᬦ᭄ᬤ᭄ᬭᬧ᭄ᬭᬱ᭄ᬝ᭞ᬧᬗᬩᬶᬳᬾ᭞ᬲᬂᬬᭀᬕᬦ᭄ᬤ
[᭒᭘ 28A]
ᬭᬧᬸᬦᬶᬓᬸ᭞ᬮᬭᬶᬲ᭄ᬚᬕᬢ᭄ᬳᬶᬦ᭄ᬤ᭄ᬭᬧ᭄ᬭᬱ᭄ᬝ᭞ᬓᬯᬲ᭄ᬢᬦᬶᬂᬤ᭄ᬯᬭᬯᬢᬶ᭚ᬧᬯᬾᬲ᭄ᬢ᭄ᬭᬶᬦᬾᬗ᭄ᬯᬦᬯᬱ᭞ᬫᬓᬲᬫᬵᬫ᭄ᬭᬶ᭞ᬫᬓᬦᭂᬫ᭄ᬩ᭄ᬮᬲ᭄ᬢᬮᬶ᭞ᬲᬂᬧᬃᬣᬫᬮᬶᬄᬓᬳᬸᬢᬸᬲ᭄᭞ᬳᬦ᭄ᬢᬸᬓ᭄ᬰᬶᬬᬸᬥᬶᬱ᭄ᬝᬶ
ᬭ᭞ᬫᬦᬗ᭄ᬓᬶᬮᬂ᭞ᬭᬶᬂᬪᬕᬯᬦ᭄ᬲᬶᬦᬸᬳᬸᬦ᭄᭞ᬤᬶᬩ᭄ᬬᬢᬓ᭄ᬱᬸᬋᬱᬶᬩ᭄ᬬᬧᬱ᭞ᬫᬭᬭᬶᬂᬧᬢᬧᬦ᭄ᬕᭂᬮᬶᬲ᭄᭚ᬦᬸᬦᬲ᭄ᬢᬸᬥᬸᬄᬫᬗ᭄ᬤᬾᬦ᭄ᬲᬶᬤ᭄ᬥ᭞ᬓᬳᬶᬫ᭄ᬧᬲᬦ᭄᭞ᬳᬦ᭄ᬢᬸᬓ᭄ᬲᬗ᭄ᬕᬭᬦᬶᬂᬓᬮᬶ᭞ᬲ
ᬗᬃᬚ᭄ᬚᬸᬡᬵᬮᬗ᭄ᬓᬸᬂᬦᬸᬭᬸᬢ᭄᭞ᬦᬸᬮᬶᬮᬭᬶᬲ᭄ᬫᬫᬃᬕ᭄ᬕᬶ᭞ᬧᬰ᭄ᬭᬫᬦ᭄᭞ᬪᬕᬯᬦ᭄ᬩ᭄ᬬᬱᬧᬸᬦᬶᬓᬸ᭞ᬫᬫᬃᬕ᭄ᬕᬶᬳᬮᭀᬦᬮᭀᬦᬦ᭄᭞ᬩ᭄ᬘᬶᬓ᭄ᬧᬫᬃᬕ᭄ᬕᬶᬦᬾᬬ᭄ᬯᬓ᭄ᬢᬶ᭚᭜᭚ᬕᬶᬦᬦ᭄ᬢᬶ᭚᭜᭚
ᬕ᭄ᬮᬶᬲᬶᬦ᭄ᬘ᭄ᬭᬶᬢᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬧᬢᬧᬦ᭄ᬫᬋᬓᬵᬕ᭄ᬮᬶᬲ᭄᭞ᬭᬶᬂᬳᬶᬤᬪᬕᬯᬦ᭄ᬩ᭄ᬬᬱᬵ᭟ᬗᬭᬲ᭄ᬧᬤᬦᬶᬂᬲᬂᬋᬱᬶ᭞ᬫᬢᬮᬗ᭄ᬓᬸᬧ᭄ᬲᬳᬲᭂᬫ᭄ᬩᬄ᭞ᬳᬢᬸᬭᬾᬫᬗᬲᬶᬄᬳᬲᬶᬄ᭚ᬗᬸᬦᬶᬗᬦ᭄
Kaca:Bali-lontar-paparikan-uwug-rusak-dwarawati-300ppi.pdf/28
Kaca puniki sampun kauji-wacén
