[᭒᭖ 26B]
᭒᭖
ᬓᬳᬲ᭄ᬓᬭ᭞ᬢᬸᬃᬮᬭᬶᬲ᭄ᬓᬕ᭄ᬲᭂᬂᬲᬫ᭄ᬧᬸᬦ᭄᭞ᬓᬓᬃᬤ᭄ᬥᬶᬬᬂᬧᬦᬶᬍᬫᬦ᭄᭞ᬫᭀᬤᬓᬵᬢᬸᬃᬧᬦᬕ᭄ᬮᬶᬲ᭄᭚ᬲᬫ᭄ᬧᬸᬦ᭄ᬲᬫᬧ᭄ᬢᬵᬦᬶᬂᬓᬃᬬ᭄ᬬ᭞ᬲᬗᬃᬚ᭄ᬚᬸᬡᬫᬤᬩ᭄ᬤᬩᬦ᭄ᬧ᭄ᬭᬬᬫᬸᬮᬶᬄ᭞ᬫᬸᬗ᭄ᬕᬸᬳᬶ
ᬦ᭄ᬓ᭄ᬭᬾᬢᬵᬕ᭄ᬮᬶᬲ᭄ᬲᬫ᭄ᬧᬸᬦ᭄᭞ᬫᬶᬯᬄᬧᬯᬾᬲ᭄ᬢ᭄ᬭᬶᬦᬾᬲᬫ᭄ᬬᬦ᭄᭞ᬭᬚᬩ᭄ᬭᬡ᭞ᬫᬶᬯᬄᬲᬾᬱᬦ᭄ᬯᬢᭂᬓ᭄ᬬᬤᬸ᭞ᬫᬓᬤᬶᬲᬗᬃᬬ᭄ᬬᬩᬤ᭄ᬭ᭞ᬧᬫᬃᬕ᭄ᬕᬶᬦᬾᬫᬫᬋᬢᬶᬦ᭄᭚ᬮᬭᬶᬲ᭄ᬭᬯᬸᬄ
ᬮᭀᬜ᭄ᬘᬮᭀᬜ᭄ᬘ᭞ᬲᬕᬭᬦᬾ᭞ᬫᬦᬶᬘᬧ᭄ᬤ᭄ᬯᬭᬯᬢᬶ᭞ᬲᬫ᭄ᬧᬸᬦ᭄ᬓ᭄ᬩᭂᬓ᭄ᬍᬩᬸᬃ᭞ᬦ᭄ᬭᬸᬤᬸᬕ᭄ᬫᭀᬫ᭄ᬩᬓ᭄ᬳᭀᬫ᭄ᬩᬓᬦ᭄᭞ᬲᬗᬃᬚ᭄ᬚᬸᬡ᭞ᬧᬫᬃᬕ᭄ᬕᬶᬦᬾᬲᬤ᭄ᬥᬕᬶᬲᬸ᭞ᬢᬓᬸᬢ᭄ᬓ᭄ᬮᬜ᭄ᬘᬄᬲᬵ
ᬕᬭ᭞ᬓ᭄ᬭᬡᬦᬾᬫᬮᬳᬶᬩ᭄ᬮᬳᬶᬩ᭄᭚ᬲᬫ᭄ᬧᬸᬦᬤᭀᬄᬓᬮᬶᬯᬢᬦ᭄᭞ᬢᬦᬄᬤ᭄ᬯᬭᬯᬢᬶ᭞ᬤᬤᬶᬧᬲᬶᬄ᭞ᬧᬫᬃᬕ᭄ᬕᬶᬦᬾᬲᬫ᭄ᬧᬸᬦ᭄ᬭᬯᬸᬄ᭞ᬫᬤᬦ᭄ᬭᬶᬂᬧᬜ᭄ᬘᬦᬤ᭄ᬥ᭞ᬓᬘᬭᬕᬄ᭞ᬳᬦ᭄ᬢᬸ
[᭒᭗ 27A]
ᬓ᭄ᬩᬾᬕᬮ᭄ᬲᬤ᭄ᬥᬮᬶᬬᬸ᭞ᬓᬧᬾᬗᬶᬦ᭄ᬭᬶᬂᬭᬚᬩ᭄ᬭᬡ᭞ᬲᬳᬲᬵᬮᬯᬸᬢ᭄ᬗᭂᬩᬸᬢᬶᬦ᭄᭚ᬜᭂᬫᬓ᭄ᬫᬸᬮᬾᬫᬸᬮᬾᬓᬢᬄ᭞ᬳᬤᬜᭂᬫᬧ᭄ᬭᬧᬗᬶᬭᬶᬂ᭞ᬗᭂᬫᬾᬤ᭄ᬓᬗᬶᬦ᭄ᬗᭂᬫᬾᬤ᭄ᬓᬯᬸᬄ᭞ᬲᬂᬧᬃᬣᬮᬗ᭄ᬓᬸᬂᬓ᭄ᬭᭀ
ᬥ᭞ᬮᬯᬸᬢ᭄ᬫᭂᬦ᭄ᬢᬂ᭞ᬕᬦ᭄ᬤᬾᬯᬵᬦᬶᬩᬓᬂᬇᬲᬸ᭞ᬧᬥᬮᭀᬲ᭄ᬮᭀᬲ᭄ᬭᬗ᭄ᬓᬸᬂᬓᬢᬄ᭞ᬦᬗ᭄ᬳᬶᬂᬢᬦ᭄ᬧᬶᬲᬦ᭄ᬗᬸᬤᬶᬮᬶᬦ᭄᭚ᬢᬦ᭄ᬓᬤᬶᬭᬶᬂᬓᬸᬦᬓᬸᬦ᭞ᬓᬰᬓ᭄ᬢ᭄ᬬᬦᬾ᭞ᬦᬤᬓ᭄ᬍᬲ᭄ᬯᬗᬭᬦ᭄ᬢᬶᬄ᭞ᬲᬫ᭄ᬧᬸᬦ᭄ᬢᭂᬮ
ᬲ᭄ᬲᬓᬾᬳᬶᬲᬸ᭞ᬲᬂᬧᬃᬣᬓ᭄ᬮᬗ᭄ᬓᬸᬂᬫᬾᬭᬂ᭞ᬲᬓᬾᬯᬮ᭞ᬧᬯᬾᬲ᭄ᬢ᭄ᬭᬶᬭᬩᬶᬧᬸᬦᬶᬓᬸ᭞ᬫᬶᬯᬄᬲᬗᬃᬬ᭄ᬬᬩᬤ᭄ᬭ᭞ᬓᬲᬳᭂᬢᬓᬳᬾᬮᬶᬗᬶᬦ᭄᭚ᬧᬫᬃᬕ᭄ᬕᬶᬦᬾᬕᬕ᭄ᬮᬶᬲ᭄᭞ᬭᬗ᭄ᬓᬸᬂᬓᬢᬄᬩ᭄ᬭᬡᬦᬾᬓᬓᬸᬢᬂ
ᬲᬫᬶ᭞ᬩᬾᬕᬮᬾᬢᬦ᭄ᬓᭀᬩᭂᬃᬗᭂᬢᬸᬢ᭄᭞ᬳᬾᬦᬦ᭄ᬲᬫᬶᬬᬫᬕᬭᬂ᭞ᬭᬚᬩ᭄ᬭᬦ᭞ᬲᬗᬃᬚ᭄ᬚᬸᬡᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬚᬚᬳᬦ᭄ᬳᬱ᭄ᬝᬶᬦ᭞ᬭᬭᬶᬲ᭄ᬫᬜ᭄ᬚᬶᬂᬓᬧᬸᬭᬶ᭚ᬓᬧᬗ᭄ᬕᬶᬄᬰ᭄ᬭᬶᬬᬸᬥᬶᬱ᭄ᬝᬶᬭ᭞ᬤᬷᬫᬲᬾ
Kaca:Bali-lontar-paparikan-uwug-rusak-dwarawati-300ppi.pdf/27
Kaca puniki sampun kauji-wacén
