[᭒᭘ 28B]
᭒᭘
ᬢ᭄ᬮᬲ᭄ᬯᬢᭂᬓ᭄ᬬᬤᬸ᭞ᬤ᭄ᬯᬭᬯᬢᬶᬤᬤᭀᬲ᭄ᬧᬲᬶᬄ᭞ᬓᬓ᭄ᬦᬦ᭄ᬓᬮᬶᬲᬗ᭄ᬕᬭ᭞ᬲᬓᬶᬂᬢ᭄ᬫᬄᬧᬭᬋᬱᬶ᭞ᬧᬶᬗ᭄ᬓᬮᬶᬳᬾᬫᬗᬸᬦᬶᬗᬦ᭄᭞ᬯᬶᬦᬸᬦᬲ᭄ᬰ᭄ᬭᬶᬥᬃᬫ᭄ᬫᬧᬢᬶ᭚ᬲᬭᬢ᭄ᬫᬫᬶᬢᬂᬧᬶᬢᬸᬤᬸᬄ᭞ᬫ
ᬗ᭄ᬤᬢᬦ᭄ᬓᬍᬩ᭄ᬯᬶᬂᬓᬮᬶ᭞ᬯᬶᬭᬾᬄᬲᬫ᭄ᬧᬸᬦ᭄ᬫᬧ᭄ᬭᬘᬶᬳ᭄ᬦᬵ᭞ᬯᬢᭂᬓ᭄ᬬᬤᬸᬢᬸᬫ᭄ᬧᬸᬃᬲᬫᬶ᭞ᬮᭀᬦ᭄ᬢᭀᬭᬦᬕᬭᬢᬸᬗ᭄ᬕᬮ᭄᭞ᬭᬶᬂᬳᬱ᭄ᬝᬶᬦᬤ᭄ᬯᬭᬯᬢᬶ᭚ᬓ᭄ᬭᬡᬧᬓᬾᬯᭂᬳᬾᬓᬮᬗ᭄ᬓᬸᬂ᭞ᬯᬶ
ᬭᬾᬤᬸᬭᬸᬂᬧᭀᬮᬶᬄᬧᬱ᭄ᬝᬶ᭞ᬧᬯᬘᬡᬦ᭄ᬲᬂᬧᬡ᭄ᬥᬶᬢ᭞ᬫᬗ᭄ᬤᬾᬦᬾᬭᬶᬂᬓᬤᬶᬫᬗ᭄ᬓᬶᬦ᭄᭞ᬩᭀᬬᬳᬸᬦᬶᬂᬧ᭄ᬭᬬᬦᬢᬓ᭄᭞ᬢᬶᬢᬄᬳᬮᬢᬶᬢᬄᬩ᭄ᬘᬶᬓ᭄᭚ᬲᭀᬓ᭄ᬯᬶᬓᬦ᭄ᬓᭂᬦ᭄ᬤᭂᬮ᭄ᬬᬾᬦ᭄ᬳᬬᬸ᭞ᬬᬾᬦᭀ
ᬦ᭄ᬳᬮᬵᬫᬸᬭᬂᬫᬸᬭᬶ᭞ᬧᬢᬶᬓ᭄ᬧᬸᬕ᭄ᬦᬸᬦᬲ᭄ᬳᬶᬘ᭞ᬲᬓᬶᬂᬓᬢᬫ᭄ᬩᭂᬢᬦ᭄ᬦᬫ᭄ᬧᬶ᭞ᬢᬦ᭄ᬧᬕᬸᬡᬢᬦ᭄ᬧᬤᬬ᭞ᬫᬫᬮᬃᬲᬶᬄᬲᬂᬋᬱᬶ᭚ᬳᬫ᭄ᬩᭂᬓ᭄ᬗᬗᭂᬢᬦ᭄ᬚᬸᬕᬸᬮ᭄᭞ᬢᬦ᭄ᬳᬸᬦᬶᬂᬭᬶᬂᬲᭂᬍᬫ᭄ᬧᬸᬢᬶᬄ᭞ᬗᬗ᭄ᬕᭀ
[᭒᭙ 29A]
ᬲᬤᬤᬶᬤᬤᬶᬬᬦ᭄᭞ᬲᬲᬶᬤ᭄ᬥᬲᬶᬤᬬᬂᬫᬮᬶᬄ᭞ᬢᬶᬢᬄᬳᬮᬤᬸᬭᬸᬲ᭄ᬳᬮ᭞ᬢᬶᬢᬄᬬᬸᬓ᭄ᬢᬶᬤᬸᬭᬸᬲ᭄ᬩᭂᬘᬶᬓ᭄᭚ᬇᬭᬶᬓᬵᬦᬾᬓᬭᬶᬓᬸᬫᬸᬃ᭞ᬬᬾᬦ᭄ᬓᬤᬶᬭᬶᬂᬳᬯᬓ᭄ᬫᬫᬶ᭞ᬤᬸᬭᬸᬂᬯᬶᬓᬦ᭄ᬜᬯᬵ
ᬢᬳᬂ᭞ᬓᬭᬶᬗᬗ᭄ᬕᬾᬓᬭᬕ᭄ᬓᬶᬭᬶᬕ᭄᭞ᬲᬕᬾᬢ᭄ᬧᬸᬢᬶᬄᬳᬶᬦᬩ᭄ᬫᭂᬮᬄ᭞ᬲᬕᬾᬢ᭄ᬩᬭᬓ᭄ᬳᬶᬦᬩ᭄ᬘᬶᬓ᭄᭚ᬤᬸᬭᬸᬂᬲ᭄ᬓᭂᬦ᭄ᬤᬸᬭᬸᬂᬧᬸᬢᬸᬲ᭄᭞ᬤᬸᬭᬸᬂᬗᭂᬦ᭄ᬢᭂᬲ᭄ᬤᬸᬭᬸᬂᬲ᭄ᬧᬶᬮ᭄᭞ᬓᬭᬶᬗᬗ᭄ᬕᬾᬇᬦᬩ᭄ᬕᬶ
ᬦᬩᬦ᭄᭞ᬫᬗ᭄ᬤᬾᬤᬤᭀᬲ᭄ᬢᬦ᭄ᬧᬢᬳᬶ᭞ᬯᬳᬸᬢᬶᬬᭂᬩ᭄ᬲᭂᬗ᭄ᬕᬸᬄᬳᬸᬚᬦ᭄᭞ᬯᬳᬸᬧᬸᬍᬲ᭄ᬲᭂᬗ᭄ᬕᬸᬄᬗᬶᬧᬶ᭚ᬬᬦ᭄ᬫᬮᬶᬄᬧᬶᬦ᭄ᬤᬦ᭄ᬓᬧᬗ᭄ᬕᬸᬄ᭞ᬧᬶᬦᭂᬄᬫᭂᬗ᭄ᬤᬦ᭄ᬢᬲ᭄ᬢᬲ᭄ᬚᬢᬶ᭞ᬜᬮᬄᬳᬸ
ᬗ᭄ᬕᬲ᭄ᬓᬤᬶᬳᬬᬫ᭄᭞ᬩᭀᬬᬳᬶᬚᭀᬩᭀᬬᬩᬸᬯᬶᬓ᭄᭞ᬓ᭄ᬭᬡᬵᬲ᭄ᬭᬶᬂᬜᬮᬄᬧᬭ᭞ᬕ᭄ᬭᬫᬂᬕ᭄ᬭᬸᬫᬸᬂᬕ᭄ᬭᬸᬯᬂᬕ᭄ᬭᬸᬯᬶᬂ᭚ᬤᬸᬭᬸᬂᬜᬶᬤᬬᬂᬓᬳᬸᬭᬸᬓ᭄᭞ᬤᬸᬭᬸᬂᬯᬶᬓᬦ᭄ᬗᬯ᭄ᬬᬓ᭄ᬢᬶᬦᬶᬦ᭄᭞ᬢᬦ᭄ᬧ
Kaca:Bali-lontar-paparikan-uwug-rusak-dwarawati-300ppi.pdf/29
Kaca puniki sampun kauji-wacén
