[᭖᭕ 65B]
᭖᭕᭞ᬦ᭄ᬩᬸᬓᬶᬢ᭄᭟ᬩᬋᬩᭀᬚᭀᬕ᭄ᬮᬮᬶᬧᬶᬓᬮᬯᬦ᭄ᬫᬘᬦ᭄᭞ᬫᬧᭂᬦ᭄ᬧᭂᬦ᭄ᬤᬤᬶᬳᬩᭂᬲᬶᬓ᭄᭞ᬓᬢᬸᬚᬧᬡ᭄ᬥᬶᬢ᭞ᬳᭀᬮᬲ᭄ᬜᬸᬧᬢ᭄ᬗᬫ᭄ᬦᬾᬓᬂ᭞ᬲᬗ᭄ᬓᬦ᭄ᬩᭂᬮᬶᬢ᭄ᬓᬫᬸᬮᬶᬄ᭞ᬳᬶᬤᭀᬓᬢᬸᬚᬸᬲᬦ᭄ᬦᬦᬂ᭞ᬳᬶᬘ᭄ᬦᬶᬂᬩᬸ
ᬳᬸᬂᬫᬢᬶ᭟ᬚᬦᬶᬓᭂᬚᬧᬤᬡ᭄ᬥᬮᬸᬩ᭄ᬳᬦᬦᬗ᭞ᬤᭀᬂᬳᬢᬸᬭᬶᬦ᭄ᬳᬶᬫᬳᬶ᭞ᬳᬯᬓ᭄ᬓᬧᬶᬳᬸᬢᬦ᭄᭞ᬲ᭄ᬥᭂᬂᬢᭀᬗᭀᬲ᭄ᬫᬫᬋᬓᬦ᭄᭞ᬭᬶᬂᬧᬤᬡ᭄ᬥᬦᬦᬂᬘ᭄ᬦᬶᬂ᭞ᬫᬦ᭄ᬤᬾᬗᬦ᭄ᬢᭂᬦᬂ᭞ᬲᬸᬪᬓ᭄ᬢᬶᬫᬳᬸᬢᬂᬳᬸᬭᬶᬧ᭄᭟
ᬢᬦ᭄ᬯᬂᬍᬦᭂᬦ᭄ᬳᬶᬧᬦ᭄ᬤᬾᬚᬫᬄᬓᬲᬸᬓᬦ᭄᭞ᬧᬤᬡ᭄ᬥᬳᬸᬘᬧᬂᬫᬮᬶᬄ᭞ᬜᬸᬲᬸᬧ᭄ᬤᬶᬓᬦᬦ᭞ᬭᬯᬸᬄᬭᬶᬂᬘᬦ᭄ᬤᬯᬳᬦ᭞ᬓᬘᬸᬦ᭄ᬤᬸᬓ᭄ᬳᬶᬩᭀᬚᭀᬕ᭄ᬫᬮᬶᬄ᭞ᬦᬾᬧᭂᬘᬓ᭄ᬓᬲᬸᬧᬢ᭄᭞ᬗᬢᬸᬭᬂ
ᬭᭀᬭᭀᬳᬦ᭄ᬫᬦᬶᬲ᭄᭟ᬩ᭄ᬯᬶᬦ᭄ᬫᬫᬃᬕ᭄ᬕᬶᬫᬦᬸᬳᬸᬢ᭄ᬢᬫ᭄ᬩᬾᬭᬾᬦ᭄ᬚᬸᬭᬂ᭞ᬕᬶᬢ᭄ᬕᬶᬢ᭄ᬩᬢᬸᬦᬾᬩ᭄ᬮᬶᬕ᭄᭞ᬳ᭄ᬩᭂᬢ᭄ᬧᬓᬸᬦᬭᬫ᭄᭞ᬧᬫᬃᬕ᭄ᬕᬶᬦᬾᬫᬤᬤᬬᬦ᭄᭞ᬭᬫᬾᬓ᭄ᬤᬶᬲᬾᬫᬫᬸᬜᬶ᭞ᬫᬶᬭᬶᬩ᭄ᬫᬳᬸᬚᬸᬳᬂ᭞ᬧ
[᭖᭖ 66A]
ᬯᬶᬢ᭄ᬭᬭᬶᬂᬫᬦ᭄ᬤᬭᬕᬶᬭᬶ᭟ᬲᬫ᭄ᬧᬶᬦ᭄ᬭᬯᬸᬄᬧᬤᬡ᭄ᬥᬭᬶᬂᬓᬍᬩᬸᬭᬢᬦ᭄᭞ᬢᭀᬬᬧᬯᬶᬢ᭄ᬭᬳ᭄ᬦᬶᬂ᭞ᬫᬲᬶᬭᬫ᭄ᬫᬯᬾᬤ᭄ᬥ᭞ᬧᬸᬧᬸᬢ᭄ᬗᬦᬸᬲ᭄ᬢᬦᬲᬂᬢ᭄ᬬᬂ᭞ᬳᬸᬫᬸᬗ᭄ᬕᬄᬭᬶᬂᬧᬤ᭄ᬫᬲᬭᬶ᭞ᬳᬢᬸᬂᬯᬘᬧᬯᬶᬢ᭄ᬭ᭞
ᬲᬲ᭄ᬢᬯᬳᬓ᭄ᬱᬫᬯᬶᬤ᭄ᬥᬶ᭟ᬗᬮᬸᬗ᭄ᬲᬸᬭᬶᬂᬦᬸᬕ᭄ᬭᬳᬲᬶᬦ᭄ᬥᬦᬶᬂᬓᬃᬬ᭄ᬬ᭞ᬲᬶᬦᬸᬓ᭄ᬱ᭄ᬫᬯᬶᬡ᭄ᬥᬸᬢᬺᬤᬶ᭞ᬯᬳᬸᬳᬸᬲᬦ᭄ᬫᬯᬾᬦ᭄ᬥ᭞ᬲᬫ᭄ᬧᬸᬦ᭄ᬫᬲᬮᬶᬦᬦ᭄ᬯᬲ᭄ᬢ᭄ᬭ᭞ᬗᬤᭂᬕ᭄ᬭᬶᬂᬢ᭄ᬧᬶᬦᬶᬂᬩᬾᬚᬶ᭞ᬫᬭᬭ᭄ᬬ
ᬦ᭄ᬳᬚᬳᬦ᭄᭞ᬫᬮᬶᬄᬫᬤᬩ᭄ᬤᬩ᭄ᬫᬫᬃᬕ᭄ᬕᬶ᭟ᬲᬶᬮᬓ᭄ᬲᬶᬮᬸᬓ᭄ᬫᬫᬃᬕ᭄ᬕᬶᬢᬸᬳᬸᬦ᭄ᬫᭂᬦᬾᬓᬦ᭄᭞ᬢᬺᬳᬸᬂᬕᬶᬢ᭄ᬕᬶᬢ᭄ᬓᬭᬶᬓᬶᬮ᭄᭞ᬭᬶᬂᬘᬦ᭄ᬤᬯᬮᬦ᭞ᬓᬕᬾᬢ᭄ᬓᬧᬗ᭄ᬕᬶᬄᬳᬶᬫᬘᬦ᭄᭞ᬧᬋᬓ᭄ᬗᬩᬫᬲ᭄ᬳᬤᬶ᭞ᬫ
ᬗᬘᭀᬃᬜᬸᬫ᭄ᬩᬄ᭞ᬢᬶᬢ᭄ᬬᬂᬗᬢᬸᬭᬂᬫᬲ᭄ᬫᬡᬶᬓ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬂᬧᭀᬮᬶᬄᬜᬭᬧ᭄ᬭᬚᬧᬸᬢ᭄ᬭ᭞ᬲᬓᬶᬂᬫᬥᬸᬭᬧᬸᬭᬶ᭞ᬓᬧᬗ᭄ᬕᬶᬄᬭᬶᬂᬳᬮᬲ᭄᭞ᬲᬺᬕᭂᬧ᭄ᬫᬩᬸᬲᬦ᭞ᬫᬲ᭄ᬧᬸᬦᬶᬓᬶᬢᬶᬢ᭄ᬬᬂᬗᬢᬸᬭᬶᬦ᭄᭞
