[᭖᭖ 66B]
᭖᭖᭞ᬲᬂᬋᬱᬶᬓᬋᬡᬦ᭄᭞ᬭᬶᬂᬳᬢᬸᬃᬳᬶᬫᬺᬕᬧᬢᬶ᭟ᬫᬕ᭄ᬭᬯᭀᬲᬂᬤᬶᬓᬬᬸᬦ᭄ᬳᬧᬕᬯᬾᬜ᭞ᬢᬦ᭄ᬧᬗᬗ᭄ᬕᭀᬲᬂᬋᬱᬶ᭞ᬬᬤᬶᬦ᭄ᬲᭂᬧᭂᬮ᭄ᬚᬸᬫᬄ᭞ᬲᬮᬄᬓᬳᬸᬘᬧ᭄ᬤᬶᬰᬲ᭄ᬢ᭄ᬭ᭞ᬤ᭄ᬧᬂᬳᬤᬩᬳᬂ
ᬗᬶᬤᬶᬄ᭞ᬧᬸᬦ᭄ᬳᬶᬫᬗ᭄ᬓᬭ᭞ᬓᬾᬦ᭄ᬓᬾᬦᬼᬕᬦ᭄ᬜᬦᬾᬦᬫ᭄ᬧᬶ᭟ᬗᬶᬸᬫᬗᬦ᭄ᬤᬶᬓᬧᬤᬶᬡ᭄ᬥᬢ᭄ᬓᬾᬦ᭄ᬳᬶᬫᬘᬦ᭄᭞ᬗᬶᬸᬳᬶᬗᭂᬢ᭄ᬲᬦ᭄ᬓᬸᬤᬘᬳᬶ᭞ᬫᬳᬸᬢᬂᬧᬶᬘ᭄ᬮᬲ᭄᭞ᬚᬦᬶᬤᬶᬦᬶᬘᬳᬶᬫᬘᬦ᭄᭞ᬳᬶᬭ
ᬫᬓᬸᬢᬸᬕᬂᬓᬶᬂᬣᬶ᭞ᬮ᭄ᬯᬲ᭄ᬫᬲᬸᬲᬸᬧᬦ᭄᭞ᬧᬤᬡ᭄ᬥᬫᬮᬶᬄᬫᬫᬃᬕ᭄ᬕᬶ᭟ᬬᬾᬦ᭄ᬳᬸᬘᬧᭂᬦ᭄ᬦᬾᬮᬶᬦ᭄ᬢᬂᬮᬦ᭄ᬢᬲ᭄ᬲᬫ᭄ᬧᬶᬗᬦ᭄᭞ᬤᬾᬰᬤᬸᬲᬸᬦ᭄ᬫᬫᬶᬗ᭄ᬕᬶᬂ᭞ᬭᬯᬸᬄᬭᬶᬂᬫᬥᬸᬭ᭞ᬓᬢᬸᬚᬸᬳᬶᬳ᭄ᬦᬗ᭄ᬓᬭ᭞
ᬕᬶᬲᬸᬢ᭄ᬓᬫᬫᭂᬦ᭄ᬤᬓᬶᬦ᭄᭞ᬳᬚᬓ᭄ᬧᬦᬓ᭄ᬲᭀᬫᬄ᭞ᬲᬫ᭄ᬧᬸᬦ᭄ᬓᬢᬸᬭᬦ᭄ᬫᬮᬶᬗ᭄ᬕᬶᬄ᭟ᬧᬸᬧᬸᬄᬧᬗ᭄ᬓᬸᬃ᭞ᬓᭂᬫᬤᬩ᭄ᬤᬩᬂᬳᬬᬸᬦᬦ᭄᭞ᬳᬧᬶᬓ᭄ᬳᬧᬶᬓ᭄ᬳᬧᬂᬤᬭᬭᬩᭂᬦ᭄ᬓᬶᬓᬶᬢ᭄᭞ᬦᬾᬮᬸᬄ
[᭖᭗ 67B]
ᬫᬳᬾᬧᭀᬢᬦ᭄ᬳᬶᬚᬸ᭞ᬧᬤᬡ᭄ᬥᬭᬭᬶᬲ᭄ᬗᬦ᭄ᬤᬶᬓ᭞ᬳᬾᬫᬗ᭄ᬓᬭᬦᬾᬳᬤᬧᬗᬗ᭄ᬕᭀᬮᬸᬳᬸᬂ᭞ᬫᬘᬦᬾᬫᬫ᭄ᬩᬳᬂᬦᬶᬭ᭞ᬦᬾᬮᬤ᭄ᬤᬶᬲᬾᬫᬾᬭᬾᬫᬗ᭄ᬓᬶᬦ᭄᭟ᬫᬓᬧ᭄ᬬᬸᬢ᭄ᬳᬶᬫᬗ᭄ᬓᬭ᭞ᬫᬢᬸᬃ
ᬜᬸᬫ᭄ᬩᬄᬓᬮᬶᬦ᭄ᬢᬗᬫᬶᬢ᭄ᬭᬦᬶᬦ᭄᭞ᬲ᭄ᬯᬾᬘᬦᬾᬫᬯᬸᬯᬸᬄᬯᬸᬯᬸᬄ᭞ᬭᬶᬂᬚᬦ᭄ᬫᬦᬾᬤᬭᬶᬤ᭄ᬭ᭞ᬲᬯᬸᬃᬓᭂᬜᬸᬂᬧᬤᬡ᭄ᬥᬢᬦ᭄ᬳᬶᬢᬸᬂ᭞ᬤᬶᬚᬳᬤᬬᬾᬄᬧᬯᬶᬢ᭄ᬭ᭞ᬳᬶᬭᬫᬩᬸᬤᬶᬗᬶᬯᬲᬶᬦ᭄᭟
ᬳᬶᬭᬶᬓᬶᬯᬾᬦ᭄ᬢᭂᬦ᭄ᬧᬓᬸᬦ᭄ᬤᬦ᭄᭞ᬫᬧᬜ᭄ᬘᭀᬭᬦ᭄ᬫᬳᬸᬧᬘᬶᬭᬩ᭄ᬘᬶᬓ᭄᭞ᬢᬸᬫᬸᬮᬶᬧᬤᬡ᭄ᬥᬢᭂᬤᬸᬦ᭄᭞ᬦᬭᭀᬚᭀᬕ᭄ᬓᬧᬜ᭄ᬘᭀᬢᬦ᭄᭞ᬳᬾᬕᬃᬘᬦᭂᬂᬳᬶᬥᬧ᭄ᬳᬶᬫᬗ᭄ᬓᬭᬫᬸᬧᬸᬢ᭄᭞ᬩᬸ
ᬲᬦᬦᬾᬚ᭄ᬫᬓᬸᬲᬸᬲ᭄᭞ᬢᬍᬓ᭄ᬢᭂᬓᬂᬩᬸᬮᬓ᭄ᬩᬮᬶᬓ᭄᭟ᬢᬸᬦ᭄ᬤᬶᬓ᭄ᬲᭀᬫᬳᬾᬫᭀᬭᬳᬦ᭄᭞ᬳᬶᬄᬧᬗᬗ᭄ᬕᬾᬦ᭄ᬳᬶᬤᬦᬾᬭᬤᬾᬦ᭄ᬫᬦ᭄ᬢ᭄ᬭᬶ᭞ᬤᬾᬯᬢᬦᬸᬮᬸᬮᬶᬸᬧ᭄ᬤᬶᬕᬸᬦᬸᬂ᭞ᬦᬄᬢᬾ
