[᭖᭔ 64B]
᭖᭔᭞ᬦ᭄ᬳᬶᬫᬗ᭄ᬓᬭ᭟ᬲᬓᬶᬂᬫᬥᬸᬭᬧᬸᬭᬶ᭞ᬓᬮ᭄ᬬᬂᬧᬦ᭄ᬤᭀᬫᬃ᭞ᬬᬦ᭄ᬢᬸᬮᬸᬲ᭄ᬳᬶᬘᬦ᭄ᬧᬤᬩ᭄ᬥ᭞ᬓ᭄ᬦᬶᬭᬯᬸᬄᬫᬜᬶᬫ᭄ᬧᬗᬶᬦ᭄᭞ᬭᬶᬂᬫᬥᬸᬭᬭᬚ᭞ᬢᬶᬢ᭄ᬬᬂᬫᬳᬢᬸᬭᬦ᭄ᬓᬶᬤᬶᬓ᭄᭟ᬫᬲᬸᬘᬶᬳᬸᬲᬦ᭄ᬫᬯᬾᬤ᭄ᬥ
ᬗᬬᬸᬦᬂ᭞ᬓᬾᬦᬓᬂᬳᬸᬕᬶᬫᬗ᭄ᬓᬶᬦ᭄᭞ᬭᬶᬂᬚᬦ᭄ᬫᬦᬾᬦᬶᬱ᭄ᬝ᭞ᬢᬶᬢ᭄ᬬᬂᬗᬶᬭᬶᬂᬳᬸᬮᬄᬥᬃᬫ᭄ᬫ᭞ᬫᬲᬸᬭᬸᬤᬬᬸᬫᬓᬶᬦ᭄ᬓᬶᬦ᭄᭞ᬧᬤᬡ᭄ᬥᬗᬦ᭄ᬤᬶᬓ᭞ᬤᬶᬲᬸᬩᬦ᭄ᬩᬧᬦᬾᬫᬸᬮᬶᬄ᭟ᬳᬸᬮᬶᬮ᭄ᬯᬲ᭄ᬤᬶᬕᬯᬄᬫ
ᬢᬶᬣᬬᬢ᭄ᬭ᭞ᬤᬶᬢᬸᬩᬧᬜᬶᬫ᭄ᬧᬗᬶᬦ᭄᭞ᬓᬫᬥᬸᬭᬭᬚ᭞ᬧᬸᬦ᭄ᬳᬶᬫᬗ᭄ᬓᬭᬜᬸᬫ᭄ᬩᬄ᭞ᬫᬳᬢᬸᬃᬫᬧᬫᬶᬢ᭄ᬫᬸᬮᬶᬄ᭞ᬲᬸᬩᬳ᭄ᬦᭂᬤ᭄ᬚᬸᬫᬄ᭞ᬧᬦᬓ᭄ᬲᭀᬫᬄᬮᬸᬢ᭄ᬫᬗᭂᬮᬶᬂ᭟ᬩᬸᬓᬩ᭄ᬮᬄᬓ᭄ᬦᭂᬄᬲᭀᬫᬳᬾᬫ
ᬓᭂᬲ᭄ᬬᬂ᭞ᬍᬕᬦ᭄ᬳᬶᬦᬾᬢᬦ᭄ᬲᬶᬧᬶ᭞ᬩᬦᬾᬫᬭᬢ᭄ᬓ᭞ᬓᭀᬃᬣᬫᬢᬶᬳᬫᬄᬫᬘᬦ᭄᭞ᬲᬕᬾᬢ᭄ᬢᭂᬓᬚᬦᬶᬫᬸᬮᬶᬄ᭞ᬓᭂᬫ᭄ᬩᬂᬕᭂᬲᬶᬢ᭄ᬩ᭄ᬭᬕ᭄᭞ᬩᬸᬓᬢ᭄ᬯᬭᬗᭂᬮᬄᬕ᭄ᬢᬶᬄ᭟ᬲᭀᬫᬄᬳᬾᬜ᭄ᬘᭀᬂᬓ
[᭖᭕ 65A]
ᬧᬯᭀᬦ᭄ᬫ᭄ᬩᬸᬩᬸᬢᬂ᭞ᬧ᭄ᬭᬕᬢ᭄ᬫᬲᬕᬶᬲᬫ᭄ᬧᬸᬦ᭄ᬘᬯᬶᬲ᭄᭞ᬫᬤᬳᬃᬦᬦᬗ᭞ᬳᬧᬗᬩᬲᬗᬾᬓᭂᬫ᭄ᬩᬄ᭞ᬩᬸᬩᬸᬳᬾᬫᬮᬸᬤᬳᬭᬶᬦ᭄᭞ᬳᬧᬗᬳ᭄ᬤᬓ᭄ᬜᬢ᭄᭞ᬬᬾᬄᬦᬲᬶᬫᬓ᭄ᬭᬡᬲᬓᬶᬢ᭄᭟
ᬓᭀᬘᬧ᭄ᬓᬶᬲᬸᬢ᭄ᬳᬭᬸᬂᬩᬲᬗᬾᬚᬸᬫᬳᬦ᭄᭞ᬕᭂᬳᬾᬲᬬᬦ᭄ᬫᬢᬶ᭞ᬧᬗᬚᬄᬩᬮ᭄ᬬᬦ᭄᭞ᬳᬦ᭄ᬤᬄᬩᬦ᭄ᬩᬸᬩᬸᬄᬳᬲᬩ᭄᭞ᬳ᭄ᬤᬳᬶᬚᬸᬗᬶᬲᬶᬦᬶᬦ᭄ᬦᬲᬶ᭞ᬗᬦ᭄ᬤᬸᬄᬧᬢ᭄ᬮᬳᬦ᭄᭞ᬳᬧᬗᬳᬶᬤᬸᬧ᭄ᬫᬕᭂᬢᬶᬄ᭟ᬳ
ᬧᬳᬗ᭄ᬓᬜᬦᬦᬗᬾᬫᬓ᭄ᬮᭀᬳᬶᬮᬂ᭞ᬢ᭄ᬓᬓᬾᬦᬾᬧᬬᬄᬳᬭᬶᬕ᭄᭞ᬓᭂᬘᬸᬦ᭄ᬫᬬᬂᬤᭂᬓᬄ᭞ᬲᬶᬂᬜᬢᬾᬳᭂᬗ᭄ᬓᭂᬩᬂᬢᭀᬜ᭞ᬓᬳᭀᬂᬣᬦᬦᬗᬫᬢᬶ᭞ᬲᬸᬩᬳᬫᬄᬫᬘᬦ᭄᭞ᬢᬸᬢᬸᬭᬦ᭄ᬧᬗ
ᬗᭀᬦ᭄ᬲᬫ᭄ᬧᬶ᭟ᬳᬶᬘᬂᬮ᭄ᬬᬲ᭄ᬫᬗᬮᬶᬄᬧᬓᬸᬤᬶᬕᬯᬄ᭞ᬓᬮᬸᬦ᭄ᬢᬮᬸᬦ᭄ᬢᬧᬮᬶᬂ᭞ᬧ᭄ᬢᭂᬗᭂᬦ᭄ᬤᭂᬳᬮᬲ᭄᭞ᬢ᭄ᬓᬳᬗᬶᬦ᭄ᬓᬤᬶᬦᬯ᭞ᬫᬶᬜ᭄ᬘᭂᬭᬂᬳᬶᬭᬢᬸᬃᬫᬸᬲᬶᬂ᭞ᬮᬩᬸᬄᬫᬕ᭄ᬭᬾᬩᬕᬦ᭄᭞ᬤᬶᬲᬾᬫᬾᬃᬢᬾᬫ᭄ᬩᬾᬭᬾ
