[᭒᭑᭘ 218B]
᭒᭑᭘
ᬲᬦᬾᬦᬶᬱ᭄ᬝᬮᬶᬯᬢ᭄ᬘᭀᬭᬄ᭞ᬦᬶᬓᬓᬵᬧ᭄ᬢᬶ᭞ᬫᬵᬦ᭄ᬢᬸᬓᬭᬶᬂᬯᬶᬥᬶᬘᭀᬭᬄ᭟᭑᭒᭟ᬧᬸᬦᬶᬓᬫᬵᬯᬶᬦᬦᬶᬦ᭄ᬫᬶᬦᬩ᭄᭞ᬮᬶᬂᬢᬶᬢ᭄ᬬᬂᬫᬡ᭄ᬥᬸᬭᬚᬵᬢᬶ᭞ᬭᬶᬳᬦ᭄ᬢᬸ᭠
ᬓ᭄ᬲᬾᬤᬦ᭄ᬲᬂᬦᬵᬣ᭞ᬮᬸᬯᬶᬤᬵᬦᬮᬸᬯᬶᬄᬲᬵᬥᬸ᭞ᬮᬸᬯᬶᬄᬧ᭄ᬭᬚ᭄ᬜᬦ᭄ᬕᬸᬡ᭠ᬫᬵᬦ᭄ᬢᬸ᭞ᬥᬸᬄᬓᬧᬢᬶ᭞ᬳᬸᬤᬸᬄᬮᬮᬸᬳ᭄ᬬᬂᬪᬝᬭ᭟᭑᭓᭟ᬭᬶᬓᬢᬸᬚᬸᬲᬂᬢ᭄ᬭᬶ
ᬚᬝ᭞ᬓᬤᬳᬢᬦ᭄ᬲᬸᬗ᭄ᬲᬸᬢ᭄ᬲᭂᬤᬶᬄ᭞ᬗᭂᬚᭂᬃᬫᬢᬦ᭄ᬦᬾᬧᬸᬦᬶᬓᬵ᭞ᬢᬦ᭄ᬭᬾᬭᬾᬦᬦ᭄ᬫᬗᭂᬚᬸᬢ᭄ᬚᬸᬢ᭄᭞ᬫᬵᬯᬶᬦᬦ᭄ᬓᭂᬡ᭄ᬥᭂᬮ᭄ᬭᬶᬂᬫᬦᬄ᭞ᬫᬵᬢᬹᬃᬭᬭᬶᬲ᭄
᭞ᬭᬶᬂᬲᬷᬢᬵᬤᬶᬕᬶᬡᬦ᭄ᬢ᭄ᬬᬵ᭟᭑᭔᭟᭚ᬧᬸᬧᬸᬄᬕᬶᬡᬦ᭄ᬢᬶ᭚ᬳᬶᬗ᭄ᬕᬶᬄᬭᬢᬸᬤᬾᬯᬷᬳᬬᬸ᭞ᬧᬸᬦᬶᬓᬶᬯᬾᬦ᭄ᬢᭂᬦ᭄ᬧ᭄ᬭᬘᬶᬭᬶ᭞ᬩᭂᬘᬶᬓ᭄ᬓᭂᬫᬦᬳᬂᬢᬶ
[᭒᭑᭙ 219A]
ᬢ᭄ᬬᬂ᭞ᬗᭂᬚᭂᬃᬧᬸᬦᬶᬓᬢᬦ᭄ᬫᬭᬶ᭞ᬲᬦᬾᬳᬦᬾᬄᬫᬢᬦ᭄ᬢᬶᬢ᭄ᬬᬂ᭞ᬲᬦᬾᬫ᭠ᬕᭂᬦᬄᬭᬶᬂᬓᬶᬭᬶ᭟᭑᭟ᬳᬶᬗ᭄ᬕᬶᬄᬭᬳᬤ᭄ᬬᬦ᭄ᬲᬗ᭄ᬳᬸᬮᬸᬦ᭄᭞ᬫᬵᬯᬶᬦᬦ᭄ᬳᬲᬧᬸᬦᬶ
ᬓᬶ᭞ᬦᬧᬶᬨᬮᬦᬾᬧᬸᬦᬶᬓ᭞ᬯᬶᬭᬾᬄᬫᬢᬦᬾᬳᬲᬶᬓᬶ᭞ᬢᬦ᭄ᬫᬭᬶᬧᬸᬦᬶᬓᬫᭀᬮᬄ᭞ᬓᬮᬶᬯᬢ᭄ᬢᬦ᭄ᬲᬶᬧᬶᬲᬶᬧᬶ᭟᭒᭟ᬓᬾᬯᬦ᭄ᬢᭂᬦᬢᬶᬢ᭄ᬬᬂᬫᬮ᭠
ᬓᬸ᭞ᬭᬯᬸᬄᬓᬰ᭄ᬯᬾᬮᬕᬶᬭᬶ᭞ᬮᬸᬗ᭄ᬳᬦᬾᬳᬚᬳᬦ᭄ᬧᬶᬲᬦ᭄᭞ᬚᬕᬢᬶ᭠ᬢ᭄ᬬᬂᬫᬦᭂᬮᭀᬓᬶᬦ᭄᭞ᬩᬗᬦ᭄ᬢᬶᬢ᭄ᬬᬗᬾᬇᬭᬶᬓ᭞ᬬᬾᬦ᭄ᬧᬤᬾᬓᬭᬶᬫᬉᬭᬶ
ᬧ᭄᭟᭓᭟ᬓᬩ᭄ᬯᬢᬦᬾᬢᬶᬢ᭄ᬬᬂᬫᬵᬢᬹᬃ᭞ᬗᬸᬦᬶᬗᬬᬂᬧᬘᬂᬫᬢᬶ᭞ᬗᬶᬭᬶᬂᬧᬮᬸᬗ᭄ᬕᬸᬄᬳᬶᬤᬾᬯ᭞ᬧᬤᬾᬳᬶᬤᬲᬵᬫ᭄ᬧᬸᬫ᭄ᬫᬢᬶ᭞ᬧᬸᬧᬸᬢ᭄ᬲᬵᬫ᭄ᬧᬸᬫ᭄ᬫᬦᬄ
Kaca:Bali-lontar-paparikan-ramayana-350ppi.pdf/219
Kaca puniki sampun kauji-wacén
