[᭒᭑᭙ 219B]
᭒᭑᭙
ᬕᬶᬡᬤ
ᬢᬶᬢ᭄ᬬᬂ᭞ᬲᬶᬭᬫᬮᬶᬄᬦᬾᬢᬺᬱ᭄ᬡᬳᬶᬦ᭄᭟᭔᭟ᬳᬶᬗ᭄ᬕᬶᬄᬲᬧᬸᬦᬶᬓᬭᬢᬸ᭞᭠ᬲᬗ᭄ᬓᬾᬢᬦ᭄ᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬫᬵᬚᭂᬂᬭᬶᬂᬭᬵᬕᬦ᭄ᬳᬶᬤᬾᬯ᭞ᬲᬵᬫ᭄ᬧᬸᬦᬂᬤᬸᬫᬸᬦ᭄ᬳᬶ
ᬕᬸᬲ᭄ᬢᬶᬲᬾᬤᬫᬮᬩᬸᬄᬧᬯᬓ᭞ᬓᬯᭀᬦᬶᬦ᭄ᬢᬶᬢ᭄ᬬᬂᬓᬕᬶᬭᬶ᭟᭕᭟ᬫᬗ᭄ᬤᬚᬦ᭄ᬢᭀᬲ᭄ᬳᬸᬕᬶᬤᬸᬫᬸᬦ᭄᭞ᬲᬭᬯᬸᬄᬢᬶᬢ᭄ᬬᬂᬫᬯᬮᬶ᭞ᬳᬶᬤᬾᬯᬲᬸᬫ
ᬗ᭄ᬤᬾᬦ᭄ᬲ᭄ᬯᬾᬘ᭄ᬙ᭞ᬓᬵᬮᬳᬶᬭᬶᬓᬬᬦ᭄ᬫᬢᬶ᭞ᬧᬮᬸᬗ᭄ᬕᬸᬄᬳᬶᬤᬾᬯᬲᬾᬤᬵ᭞ᬢᬶᬢ᭄ᬬᬂᬲᬋᬂᬗᬶᬭᬶᬂᬫᬢᬶ᭟᭖᭟᭚ᬧᬸᬄᬕᬶᬡᬤ᭚ᬲᬂᬢ᭄ᬭᬶᬚᬝ
ᬲᬧᬸᬦᬶᬓ᭞ᬳᬢᬹᬃᬳᬶᬧᬸᬦ᭄ᬤᬳᬢ᭄ᬪᬓ᭄ᬢᬶ᭞ᬧᬸᬦᬶᬓᬫᬵᬯᬶᬦᬦ᭄ᬧᭂᬲᬢ᭄᭞ᬭᬭᬶᬲ᭄ᬕᭂᬮᬶᬲ᭄ᬳᬶᬧᬸᬦ᭄ᬫᬩᬸᬃ᭞ᬭᬯᬸᬄᬫᬭᬶᬂᬭᬢ᭄ᬦᬲᬸᬯᬾᬮ᭞ᬭᬭᬶᬲ᭄ᬧᬗ᭄ᬕᬶᬄ᭞ᬫᬓ
[᭒᭒᭐ 220A]
ᬝᬄᬧ᭄ᬮᬯᬖᬇᬭᬶᬓ᭟᭑᭟ᬧᬗ᭄ᬕᬶᬄᬳᬶᬩᬧᬳᬶᬭᬶᬓ᭞ᬩᬢᬸᬮᬾᬫ᭄ᬧᬾᬄᬓᬮᬶᬗ᭄ᬕᬶᬳᬶᬦ᭄᭞ᬲᬸᬰᬶᬮᬲᬵᬥᬭᬳᬶᬤ᭞ᬳᬶᬤᬤᬾᬯᬳᬕᬸᬂᬭ
ᬖᬸ᭞ᬯᬾᬦ᭄ᬢᭂᬦ᭄ᬭᬶᬂᬩᬮᬾᬦᬾᬳᬶᬤ᭞ᬮᬓ᭄ᬱ᭄ᬫᬡᬵᬭᬶ᭞ᬭᬶᬂᬲᭀᬭᬦ᭄ᬳᬶᬤ᭠ᬫᬰᬶᬮ᭟᭒᭟ᬳᬶᬤᬳᬦᬓ᭄ᬳᬕᬸᬂᬭᬵᬫ᭞ᬢᬦ᭄ᬧᬺᬲᬶᬥᬲᬶᬋᬧ᭄ᬯ᭄ᬬᬓ᭄ᬢᬶ᭞ᬫᬜᬶ᭠
ᬗᬓᬶᬦ᭄ᬯᬦᬵᬭ᭞ᬤᬳᬢ᭄ᬗᬕᬯᭀᬓᬶᬦ᭄ᬢᬸᬳᬸ᭞ᬲᬓᭂᬮᭀᬫ᭄ᬧᭀᬓ᭄ᬫᬗᬾᬤᬾᬗᬂ᭞ᬭᬶᬭᬶᬄᬭᬶᬭᬶᬄ᭞ᬓᬲᬾᬩᭂᬢᬦ᭄ᬜᬭᬶᬂᬭᬡ᭟᭓᭟ᬳᬶᬢ᭄ᬭᬶᬚᬝᬫᬗᬋᬧᬂ᭞
ᬢᬗ᭄ᬓᬶᬮ᭄ᬭᬯᬸᬄᬭᬶᬂᬳᬶᬳᬚᬶ᭞ᬧᬺᬡᬫ᭄ᬬᬫᬵᬢᬹᬃᬳᬸᬦᬶᬗ᭞ᬓᬩᬢᭂᬓ᭄ᬩᬵᬦ᭄ᬲᭂᬤᬶᬄᬳᬶᬧᬸᬦ᭄᭞ᬲᬳᬦ᭄ᬢᬸᬓᬦ᭄ᬚᬕᬲᬾᬤ᭞ᬳᬶᬤᬤ᭄ᬬᬄᬤᬾᬯᬶ᭞ᬭᬶᬂᬅᬕ᭄ᬦᬶᬲ
Kaca:Bali-lontar-paparikan-ramayana-350ppi.pdf/220
Kaca puniki sampun kauji-wacén
