[᭒᭑᭗ 217B]
᭒᭑᭗
ᬓᬳ᭄ᬬᬸᬦ᭄᭞ᬳᬸᬭᬶᬧ᭄ᬲᬦᬾᬓᬲᬸᬓᬬᬂ᭞ᬫᬧᬸᬫᬕᬶ᭞ᬭᬶᬂᬳᬶᬤᬲᬂᬭᬵᬫᬤᬾᬯ᭟᭖᭟ᬳᬶᬗ᭄ᬕᬶᬄᬭᬢᬸᬳ᭄ᬬᬂᬪᬝᬭ᭞ᬳᬶᬤᬾᬯᬗᬭᬦ᭄ᬲᬂᬳ᭄ᬬᬂᬕ᭄ᬦᬶ᭞ᬧᬸᬦᬶᬓᬶ
ᬢᬶᬢ᭄ᬬᬂᬧᬵᬥᭂᬫᬂ᭞ᬤ᭄ᬯᬦᬶᬂᬳᬶᬤᬾᬯᬢᬦ᭄ᬜᬓ᭄ᬱᬹ᭞ᬢᬦ᭄ᬗᬶᬘᬾᬦ᭄ᬮᭂᬕᬭᬶᬂᬫᬦᬄ᭞ᬫᬢᬶᬲᬓᬶᬢ᭄᭞ᬳᬓᭀᬢᭀᬢᬶᬢ᭄ᬬᬂᬪᬝᬭ᭟᭗᭟ᬗ᭄ᬕᬶᬄᬲ᭄ᬯᬾᬘᬦᬶ᭠
ᬦ᭄ᬢᬶᬢ᭄ᬬᬂᬪᬝᬭ᭞ᬢᭂᬫ᭄ᬯᬂᬥᬾᬯᬾᬓ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬦᬸᬦᬲ᭄ᬭᬶᬂᬲᬶᬗ᭄ᬕᬶᬄᬪ᭠ᬝᬭ᭞ᬲᬂᬭᬵᬫᬳᬸᬕᬶᬓᬧᬗ᭄ᬕᬸᬄ᭞ᬫᬗ᭄ᬤᬧ᭄ᬭᬲᬶᬥᬫᬧ᭄ᬭᬶᬬ᭞ᬫᬗ᭄ᬤᬓᬵᬧ᭄ᬢᬶ᭞ᬫ
ᬯᬰᬦᬢᬶᬢ᭄ᬬᬂᬢᬸᬱ᭄ᬝᬵ᭟᭘᭟ᬳᬲᬧᬸᬦᬶᬓᬫᬗᬬᬧ᭄᭞ᬫᬪᬓ᭄ᬢᬶᬭᬶᬂᬲᬂᬳ᭄ᬬᬂᬅᬕ᭄ᬦᬶ᭞ᬳᬶᬩᬸᬓ᭄ᬤᬦᬾᬫᬗᬦ᭄ᬢᭂᬦᬂ᭞ᬲᬂᬢ᭄ᬭᬶᬚᬝᬤᬳᬢ᭄ᬲᬸᬗ᭄ᬲᬸᬢ᭄
[᭒᭑᭘ 218A]
᭞ᬬᬾᬄᬧᬦᬶᬗᬮᬦᬾᬫᭂᬫ᭄ᬩᬄ᭞ᬫᬵᬢᬹᬃᬕᭂᬮᬶᬲ᭄᭞ᬲᬳᬦ᭄ᬢᬸᬓᬦ᭄ᬲᭂᬤᬶᬄᬮᬭ᭟᭙᭟ᬳᬸᬤᬸᬄᬧᬦᭂᬫ᭄ᬩᬳᬦ᭄ᬢᬶᬢ᭄ᬬᬂ᭞ᬲᬧᬲᬶᬭᬦᭀᬲᭂᬤᬶᬄ᭞ᬭᬶᬂᬚᬕᬢ᭄ᬭᬶᬂ
ᬲᬸᬭᬮᬬ᭞ᬭᬶᬂᬲᬢ᭄ᬯᬓᬹᬗ᭄ᬕᬳᬂᬲᬵᬫ᭄ᬧᬸᬦ᭄᭞ᬧᬭᬶᬦ᭄ᬤᬶᬓᬦ᭄ᬳᬯᬰᬦ᭞ᬳᭂ᭠ᬜ᭄ᬘᬾᬦ᭄ᬫᬮᬶᬄ᭞ᬢᬶᬭᬸᬦ᭄ᬳᬶᬤᬾᬯᬭᬶᬬᬶᬦᬦ᭄᭟᭑᭐᭟ᬭᬶᬂᬧᬸᬭᬡᬮᬦ᭄ᬳᬓ᭄ᬱᬭ᭞ᬦᬾ
ᬳᭂᬜ᭄ᬘᬾᬦ᭄ᬧᬸᬦᬶᬓᬭᬶᬬᬶᬦ᭄᭞ᬓᬤᬶᬲᬸᬗ᭄ᬲᬸᬢ᭄ᬫᬶᬯᬄᬮᬭ᭞ᬳᬸᬤᬸᬄᬓᬤᬳᬢᬦ᭄ᬢᬸᬳᬸ᭞ᬳᬦ᭄ᬢᬸᬓ᭄ᬕᭂᬫᭂᬲ᭄ᬳ᭄ᬬᬂᬪᬝᬭ᭞ᬢᬦ᭄ᬧᬗᬓ᭄ᬱᬶ᭞ᬭᬶᬢᬶᬗ᭄ᬓᬄᬳ᭠
ᬦᬓ᭄ᬲᬸᬰᬶᬮ᭟᭑᭑᭟ᬦᬶᬃᬤᭀᬦ᭄ᬢᬦ᭄ᬧᬕᬸᬡᬲᬢ᭄ᬬ᭞ᬦᬶᬃᬤᭀᬦ᭄ᬧᬢᬶᬩ᭄ᬭᬢᬮᬶᬄ᭞ᬫᬵᬦ᭄ᬢᬸᬓ᭄ᬭᬶᬂᬮᬸᬗ᭄ᬕᬸᬄᬪᬝᬭ᭞ᬦᬵᬗ᭄ᬳᬶᬂᬦᬾᬫᬕᬯᬾᬍᬢᬸᬄ᭞
Kaca:Bali-lontar-paparikan-ramayana-350ppi.pdf/218
Kaca puniki sampun kauji-wacén
