[᭒᭗ 27B]
᭒᭗
ᬢ᭄ᬳᬶᬲ᭄ᬢ᭄ᬭᬶᬳᬬᬸ᭞ᬲᬓᬶᬂᬢᬶᬫ᭄ᬩᬸᬮ᭄ᬩᬸᬗᬳ᭄ᬬ᭞ᬲᬂᬩ᭄ᬭᬵᬳ᭄ᬫᬡᬶᬳᬗ᭄ᬳᬶᬂᬫᬤᬾᬯᬶᬓᬯᬸᬯᬸᬲ᭄᭞ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬧᬸᬢ᭄ᬭᬦᬶᬭ᭞ᬘᬢᬹᬃᬤᬶᬭᬶᬮᬦᬂᬳᬶᬲ᭄ᬢ᭄ᬭᬶ᭟ᬦᬾᬧᬮᬶᬂᬤᬸᬳᬸᬃᬓᬣᬫ᭄ᬯᬄ᭞ᬓᬡ᭄ᬬᬳᬦ᭄ᬯᬫ᭄ᬤᬬᬸᬧᬹᬃᬡ᭄ᬦᬶᬧᬧᬰᬶᬄ
᭞ᬧᬸᬦᬂᬲᬂᬳᬭᬶᬚᬸᬚᬸᬮᬸᬓ᭄᭞ᬳᬶᬤᬵᬬᬸᬫᬥᬾᬕ᭄ᬭᬶᬬ᭞ᬭᬶᬂᬳᬰᬸᬚᬶᬳᬶᬤᬵᬬᬸᬜᭀᬫᬦ᭄ᬓᬫᭂᬦᬸᬄ᭞ᬢᬦ᭄ᬳᬦᬦᬶᬂᬯᬗ᭄ᬰᬦᬶᬭ᭞ᬳᬸᬘᬧᬂᬳᬭᬶᬦᬾᬫᬗ᭄ᬓᬶᬦ᭄᭟ᬳᬶᬤᬓ᭄ᬢᬸᬢ᭄ᬓᬸᬫᭂᬦᬸᬄᬧᬭᬩ᭄᭞ᬗᬮᬧ᭄ᬭᬩᬶᬯ
ᬮᬓᬲᬂᬩ᭄ᬭᬵᬳ᭄ᬫᬡᬶ᭞ᬧᬺᬡᬄᬫᬶᬂᬲᬶᬓᬶᬧᬸᬦᬶᬓᬸ᭞ᬲᬓᬶᬂᬧᬸᬭᬸᬱᬧᬶᬲᬦ᭄᭞ᬳᬦᬓ᭄ᬲᬓᬶᬂᬳᬶ᭠ᬤᬩᬕᬸᬲ᭄ᬜᭀᬫᬦ᭄ᬕᬸᬦᬸᬂ᭞ᬫᬧᬭᬩ᭄ᬳᬬᬸᬧᬶᬥᬥᬵ᭞ᬲᬓᬶᬂᬕ᭄ᬭᬶᬬᬢᭂᬗᬄᬗᬹᬦᬶ᭟ᬲᬵᬫ᭄ᬧᬸᬦ᭄ᬳᬤ᭄ᬭᬸ
ᬯᬾᬢᬦᬬ᭞ᬢᬶᬕᬂᬯᬶᬚᬶᬯᬦ᭄ᬢᬄᬚᬮᬸᬚᬮᬸᬲᬫᬶ᭞ᬓᬣᬳᬶᬓᬂᬧᬮᬶᬂᬤᬸᬳᬸᬃ᭞ᬳᬶᬤᬩᬕᬸ᭠ᬲ᭄ᬧᬶᬥᬥ᭞ᬯᬃᬡ᭄ᬦᬩᬗ᭄ᬓᬶᬢ᭄ᬳᬗ᭄ᬳᬶᬂᬢᬦᬵᬤ᭄ᬭᬸᬯᬾᬲᬸᬦᬸ᭞ᬳᬭᬶᬲᬂᬧᬮᬶᬂᬫᬦᭂᬗᬄ᭞ᬤᬵᬩᬕᬸᬲ᭄ᬕᭀᬂ
[᭒᭘ 28A]
᭒᭘
ᬓᬧᬰᬶᬳᬶᬦ᭄᭟ᬢᬸᬃᬲᬵᬫ᭄ᬧᬸᬦ᭄ᬳᬤᬺᬯᬾᬖᬭ᭞ᬢᬹᬲ᭄ᬦᬶᬂᬧᬲᭂᬓ᭄ᬚ᭄ᬭᭀᬢᬫᬦ᭄ᬓᬡ᭄ᬥᬶᬓᬳᬶᬦ᭄᭞᭠ᬳᬗ᭄ᬳᬶᬂᬢᬦᬵᬤᬺᬯᬾᬲᬸᬦᬸ᭞ᬢ᭄ᬮᬲ᭄ᬧᬸᬢᬸᬂᬓᬳᬸᬘᬧᬂ᭞ᬳᬶᬓᬂᬳᬭᬶᬧᬭᬩᬾᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬤᬵᬩᬕᬸᬲ᭄
ᬯᬬᬦ᭄ᬳᬶᬦ᭄ᬢᬭᬦ᭄᭞ᬓᬓᬮᬶᬄᬭᬩᬶᬦᬾᬯ᭄ᬬᬓ᭄ᬢᬶ᭟ᬧᬸᬦᬶᬓᬲᬦᬾᬳᬮᬶᬢᬦ᭄᭞ᬲᬂᬩ᭄ᬭᬵᬳ᭄ᬫᬡᬶᬤᬬᬸᬫᬶᬓᬵᬧᬧᬰᬶᬄ᭞ᬫᬮᬃᬢᬦᬤᬺᬯᬾᬲᬸᬦᬸ᭞ᬭᬩᬶᬦᬾᬲᬓᬶᬂᬮᬫᬓ᭄᭞ᬓᬡ᭄ᬤᬶᬓᬳᬶᬦ᭄ᬚ᭄ᬭᭀᬓᬚᬦ
ᬦ᭄ᬚᬚᬸᬮᬸᬓ᭄᭞ᬳᬦᬯᬗ᭄ᬰᬳᬶᬲ᭄ᬢ᭄ᬭᬶᬢᬸᬗ᭄ᬕᬮ᭄᭞ᬢᬸᬃᬲᬵᬫ᭄ᬧᬸᬦ᭄ᬓᬳᬮᬧ᭄ᬭᬩᬶ᭟ᬢ᭄ᬮᬲᬶᬂᬲᬧᭀᬢ᭄ᬭᬓᬦᬶᬭ᭞ᬲᬓᬶᬂᬳᬶᬤᬩᬕᬸᬲ᭄ᬚᬸᬗᬸᬢᬦ᭄ᬯ᭄ᬬᬓ᭄ᬢᬶ᭞ᬳᬚᬶᬦᬶᬭᬲᬂᬫᬵᬯᬶᬓᬸ᭞ᬫ᭄ᬧᬸᬧᬶᬦᬢᬶᬄᬓᬶᬦᬸᬘᬧ᭄᭞ᬫ
ᬮᬶᬄᬗᬫᬾᬢ᭄ᬳᬶᬲ᭄ᬢ᭄ᬭᬶᬲᬓᬶᬂᬩᬜ᭄ᬚᬃᬫᬸᬓᬸ᭞ᬤᬾᬰᬧ᭄ᬭᬶᬗᬮᭀᬢ᭄ᬓᬶᬦᬸᬘᬧ᭄᭞ᬳᬦᬓ᭄ᬤᬾᬩᬡ᭄ᬥᬾᬰᬓ᭄ᬮᬘᬶ᭟ᬢᬹᬲ᭄ᬦᬶᬂᬢ᭄ᬯᬶᬩᬡ᭄ᬥᬾᬰᬋᬡ᭄ᬤᬂ᭞ᬓᬧᬭᬩᬶᬦ᭄ᬤᬦᬾᬚ᭄ᬭᭀᬧᬸᬢᬸᬤᬗᬶᬦ᭄᭞ᬢᬦ᭄ᬘᬭᬶᬢᬦᬶᬂᬧᬘᬸᬫ᭄ᬩᬸ
