[᭒᭘ 28B]
᭒᭘
᭞ᬢᬦ᭄ᬤ᭄ᬯᬲᬵᬫ᭄ᬧᬸᬦ᭄ᬳᬯᬗ᭄ᬰ᭞ᬢᬶᬕᬂᬯᬶᬚᬶᬮᬦᬂᬮᬦᬂᬲᬫᬶᬩᬕᬸᬲ᭄᭞ᬯᬶᬤᬕ᭄ᬥᬭᬶᬂᬦᬶᬢᬶᬰᬭᬵ᭞ᬩᬸᬭᬸᬄᬮᬸᬗ᭄ᬳᬵᬗᬸᬱᬥᬦᬶᬦ᭄᭟ᬤᬸᬄᬳᬶᬤᬲᬂᬧᬮᬶᬂᬚ᭄ᬬᬾᬱ᭄ᬝ᭞ᬢᭂᬗ᭄ᬭᬦ᭄ᬳᬶᬤᬤ᭄ᬯᬶᬚᬫᬥᬾᬧᬶᬦᬢᬶᬄ᭞ᬲᬂᬳᬭᬶᬤᬵᬜᭀ
ᬫᬦ᭄ᬕᬸᬦᬸᬂ᭞ᬗ᭄ᬳᬶᬂᬤᬸᬭᬸᬂᬳᬧᭀᬤ᭄ᬕᬮ᭞ᬲᬂᬓᬢ᭄ᬭᬶᬡᬶᬩ᭄ᬭᬵᬳ᭄ᬫᬡᬾᬂᬯᬮᬓᬳᬶᬓᬸ᭞ᬳᬶᬤᬓ᭄ᬢᬸᬢ᭄ᬜᬮ᭄ᬬᬦ᭄ᬧᬭᬩ᭄᭞ᬲᬾᬤᬓᬦ᭄ᬢᬸᬦ᭄ᬫᬸᬃᬯ᭄ᬯᬾᬂᬢ᭄ᬭᬸᬡᬶ᭟ᬤᬵᬜᭀᬫᬦ᭄ᬕᬸᬦᬸᬂᬳᬸᬘᬧᬂ᭞ᬲᬂᬚᬸᬫᭂᬦᭂᬓ᭄ᬭᬶᬂᬕ᭄ᬭᬶᬬᬢᭂᬗᬄᬗᬰ᭄ᬭᬫᬶ᭞
ᬳᬓ᭄ᬯᬾᬄᬓᬂᬳᬯᬺᬤ᭄ᬥᬶᬲᬸᬦᬸ᭞ᬓᬦ᭄ᬢᬸᬦᬾᬂᬕ᭄ᬭᬶᬬᬢᭂᬗᬄ᭞ᬳᬦᬫᬗ᭄ᬓᬶᬦ᭄ᬧᭀᬢ᭄ᬭᬓᬦᬶᬭᬳᬳᬸᬃᬳᬸᬃ᭞ᬯᬮ᭄ᬬᬦᬶᬦ᭄ᬲᬦᬓᬾᬫᬸᬯᬄ᭞ᬧᬤᬡ᭄ᬥᬫᬥᬾᬧᬶᬦᬢᬶᬄ᭟ᬲᬵᬫ᭄ᬧᬸᬦ᭄ᬳᬶᬤᬗᬮᬧ᭄ᬭᬩ᭄ᬬᬵ᭞ᬲᬂᬩ᭄ᬭᬵᬳ᭄ᬫᬡᬶᬯᬃᬡ᭄ᬦ
ᬳᬬᬸᬫᬗ᭄ᬭᬯᬶᬢ᭄᭞ᬧᬭᬩ᭄ᬳᬶᬤᬦᬾᬓᬯᬸᬯᬸᬲ᭄᭞ᬧᬵᬡ᭄ᬥ᭄ᬬᬳᬶᬲ᭄ᬢ᭄ᬭᬶᬓᬮᬾᬭᬦ᭄᭞ᬓᬯᬶᬢ᭄ᬲᬓᬶᬂᬮᭀᬭᬶᬂᬫᬃᬕ᭄ᬕᬶᬕ᭄ᬭᬶᬬᬢᬶᬫ᭄ᬩᬸᬮ᭄᭞ᬫᬓᬧᬢ᭄ᬦᬶᬦ᭄ᬬᬢᬶᬯᬭ᭞ᬧᬤᬡ᭄ᬥᬫᬥᬾᬧᬶᬦᬢᬶᬄ᭟ᬲᬵᬫ᭄ᬧᬸᬦᬶ
[᭒᭙ 29A]
᭒᭙
ᬭᬳᬧᬸᬧᬸᬢ᭄ᬭ᭞ᬧᭀᬱ᭄ᬬᬤᬶᬭᬶᬫᬲᬵᬦᬓ᭄ᬮᬦᬂᬳᬶᬲ᭄ᬢ᭄ᬭᬶ᭞ᬲᬵᬚ᭄ᬜᬦᬾᬲᬂᬧᬮᬶᬂᬤᬸᬳᬸᬃ᭞ᬧᬤᬡ᭄ᬥᬯ᭠ᬬᬦ᭄ᬩᬸᬭ᭄ᬯᬦ᭄᭞ᬳᬶᬓᬂᬳᬭᬶᬓᬶᬦᬸᬘᬧ᭄ᬲᬵᬫ᭄ᬧᬸᬦ᭄ᬳᬯᬶᬓᬸ᭞ᬤ᭄ᬯᬶᬚᬳᬶᬲ᭄ᬢ᭄ᬭᬶᬭᬳᬶᬧᬭᬩ᭄᭞ᬲᬵᬫ᭄ᬧᬸ᭠
ᬦ᭄ᬳᬶᬤᬓᬵᬮᬧ᭄ᬭᬩᬶ᭟ᬫᬓᬩ᭄ᬭᬵᬳ᭄ᬫᬡᬶᬦ᭄ᬲᬂᬧᬡ᭄ᬥ᭄ᬬ᭞ᬲᬂᬫᬬᬢᬶᬜᭀᬫᬦ᭄ᬓᬮᬾᬃᬧᬧᬰᬶᬄ᭞ᬯᬮ᭄ᬬᬦᬶᬦ᭄ᬳᬭᬶᬲᬂᬚᬶᬱ᭄ᬡᬸ᭞ᬤᬵᬜᭀᬫᬦ᭄ᬕ᭄ᬥᬾᬢᭂᬗ᭄ᬭᬦ᭄᭞ᬭᬶᬂᬧ᭄ᬭᬮᬶᬦ᭄ᬢᬶᬄ᭞ᬯ᭄ᬬᬓ᭄ᬢᬶᬢᬦᬵᬤᬺᬯᬾᬲᬸᬦᬸ᭞ᬭ
ᬭᬶᬦᬶᬭᬭᬶᬂᬓᬃᬢ᭄ᬢᬶᬓ᭞ᬤᬵᬓ᭄ᬢᬸᬢ᭄ᬕ᭄ᬥᬾᬧᬧᬰᬶᬄ᭟ᬳᬭᬶᬦᬶᬭᬭᬶᬂᬓᬮᬶᬫ᭞ᬳᬶᬤᬳᬬᬸᬫᬥᬾᬰᬰᬶᬄᬧᬧᬰᬶᬄ᭞ᬫᬯᬃᬡ᭄ᬦᬩᬗ᭄ᬓᬶᬢ᭄ᬮᬶᬲ᭄ᬢ᭄ᬯᬬᬸ᭞ᬲᬵᬫ᭄ᬧᬸᬦ᭄ᬳᬶᬤᬳᬭᬩᬶᬬᬦ᭄᭞ᬭᬶᬂᬚᬹᬓ᭄ᬫᬦᬶᬲ᭄ᬭᬶᬂᬳᬶᬤᬩ
ᬕᬸᬲ᭄ᬕᬸᬦᬸᬂ᭞ᬫᬓᬧᬢ᭄ᬦᬶᬦᬭᬾᬰ᭄ᬯᬃᬬ᭄ᬬ᭞ᬚᬸᬫᭂᬦᭂᬂᬭᬶᬂᬚᬸᬯᬸᬓ᭄ᬫᬦᬶᬲ᭄᭟ᬢᬸᬮᬓᬶᬦ᭄ᬲᬢ᭄ᬯᬦᬾᬫᬸᬯᬄ᭞ᬓᬂᬓᬶᬦᬸᬘᬧ᭄ᬧᬸᬢ᭄ᬭᬦᬾᬭᬶᬂᬲᬤ᭄ᬯᬶᬚᬶ᭞ᬲᭂᬥᭂᬂᬳᬦ᭄ᬯᬫ᭄ᬢᬸᬃᬳᬩᬕᬸᬲ᭄᭞ᬤᬵᬓ᭄ᬢᬸᬢ᭄ᬚᬸᬭᬶᬢ᭄ᬢᭂᬗ᭄ᬭ᭠
