Kaca:Bali-lontar-paparikan-plalintih-brahmana-300ppi.pdf/27

[᭒᭖ 26B]
᭒᭖
ᬢᭂᬗ᭄ᬭᬦ᭄᭞ᬗᬫᬾᬢ᭄ᬳᬶᬲ᭄ᬢ᭄ᬭᬶᬩ᭄ᬭᬵᬳ᭄ᬫᬡᬶᬓᬧᬢ᭄ᬦᬶ᭞ᬲᬓᬶᬂᬘᬗᬧᬶᬢ᭄‌‌ᬧᬸᬦᬶᬓᬸ᭞ᬧ᭄ᬭᬪᬸᬫ᭄ᬬᬦᬶᬂᬲᬶᬗ᭄ᬳᬃᬱ᭞᭠ᬲᬂᬳᬭᬩᬶᬲᬵᬫ᭄ᬧᬸᬦ᭄ᬭᬶᬦᭀᬯᬂᬲᬮᬸᬮᬸᬢ᭄᭞ᬢᬦ᭄ᬤ᭄ᬯᬳᬦᬧᬸᬢ᭄ᬭᬦᬶᬭ᭞ᬳᬗ᭄ᬳᬶᬂᬳᬶᬲ᭄ᬢ᭄ᬭᬶᬢ᭄ᬯᬄᬲᬯᬶᬚᬶ᭟ᬲᬵᬫ᭄ᬧᬸᬦ᭄ᬳᬶᬤᬓᬵ
ᬮᬧ᭄ᬭᬩ᭄ᬬ᭞ᬓᬲᬶᬤᭂᬫᭂᬦ᭄‌‌ᬕ᭄ᬭᬶᬬᬘᬗᬧᬶᬢ᭄ᬮᬕᬶ᭞ᬧᬺᬡᬄᬫᬶᬲᬦ᭄ᬲᬓᬶᬂᬯᬥᬸ᭞ᬦᬾᬗᬫ᭄ᬩᬶᬮ᭄‌‌ᬗᬗ᭄ᬕᬾᬦ᭄ᬖᬭ᭞ᬧᬹᬃᬯ᭄ᬯᬫᬮᬶᬄᬳᬭᬶᬦᬾᬧᬮᬶᬂᬧᬫ᭄ᬭᬸᬚᬸᬦ᭄᭞ᬳᬶᬤᬯᬬᬳᬦ᭄ᬓᬮᬾᬭᬦ᭄᭞ᬓᬦ᭄ᬢᬸᬦ᭄ᬳᬶᬭᬵᬫᬹᬃᬯ᭄ᬯᬾᬂᬢ᭄ᬭᬸᬡᬶ᭟ᬳᬶᬤ
ᬓᬤᬥᬫᬧᬸᬢ᭄ᬭ᭞ᬳᬗ᭄ᬕᬦ᭄ᬢ᭄ᬬᬦᬶᬦ᭄‌‌ᬯᬶᬃᬬ᭄ᬬᬕᬦᬶᬂᬚᬹᬓ᭄ᬫᬦᬶᬲ᭄᭞ᬲᬵᬫ᭄ᬧᬸᬦ᭄‌‌ᬯᬺᬤ᭄ᬥᬶᬓᬂᬲᬸᬦᬸ᭞ᬢᬦ᭄ᬘᬭᬶᬢᬦᬶᬂᬧᭀᬢ᭄ᬭᬓᬦ᭄᭞ ᭞ ᭞ᬭᬶᬂᬚᬸ
ᬗᬸᬢᬦ᭄‌‌ᬧᬹᬃᬯ᭄ᬯᬫᬮᬶᬄ᭟ᬲᬫᭂᬢᭀᬦᬾᬧᬮᬶᬂᬚ᭄ᬬᬾᬱ᭄ᬝ᭞ᬦᬾᬫᬧᬭᬩ᭄‌‌ᬤ᭄ᬯᬶᬚᬯᬬᬦ᭄ᬧᬶᬦ᭠ᬢᬶᬄ᭞ᬲᬂᬚᬸᬫᭂᬦᭂᬂᬕ᭄ᬭᬦᬶᬂᬕᬸᬦᬸᬂ᭞ᬭᬶᬂᬚᬸᬗᬸᬢᬦ᭄ᬓᬶᬦᬸᬘᬧ᭄᭞ᬢᬦ᭄ᬤ᭄ᬯᬕᭂᬮᬶᬲ᭄‌‌ᬲᬵᬫ᭄ᬧᬸᬦᬶᬂᬳᬗᬮᬧ᭄‌‌ᬖᬭᬸ᭞᭠

[᭒᭗ 27A]
᭒᭗
ᬩ᭄ᬭᬵᬳ᭄ᬫᬡᬶᬲᬓᬶᬂᬲᬸᬩᬕᬦ᭄᭞ᬢᬹᬲ᭄ᬦᬶᬂᬓᬸᬫᭂᬦᬸᬄᬲᬸᬚᬢᬶ᭟ᬢᬦ᭄ᬓᬘᬭᬶᬢᬾᬂᬧᬘᬸᬫ᭄ᬩ᭄ᬯᬦ᭄᭞ᬢᬦ᭄ᬤ᭄ᬯ᭠ᬫᭂᬢᬸᬲᬸᬢᬮᬓᬶᬲᬯᬶᬚᬶ᭞ᬓᬣᬫ᭄ᬯᬄᬧᬸᬦᬂᬚᬸᬚᬸᬮᬸᬓ᭄᭞ᬳᬶᬤᬩᬕᬸᬲ᭄‌‌ᬚᬸᬗᬸᬢᬦ᭄᭞ᬯᬃᬡ᭄ᬦᬶᬬᭀᬡᬶ᭞ᬚᬚ᭠
ᬓᬳᬦᭀᬫ᭄ᬳᬩᬕᬸᬲ᭄᭞ᬭᬭᬶᬲ᭄ᬳᬶᬤᬗᬫᬾᬢ᭄‌‌ᬖᬭ᭞ᬳᬦᬾᬂᬲᬸᬩᬕᬦ᭄ᬗᬰ᭄ᬭᬫᬶ᭟ᬫᬓᬧᬢ᭄ᬦᬶᬦᬭᬾᬰ᭄ᬯᬃᬬ᭄ᬬ᭞ᬧᬺᬡᬄᬳᬶᬤᬩᬹᬫᬭᬫᬫᬶᬂᬲᬶᬓᬶ᭞ᬳᬗ᭄ᬳᬶᬂᬫᬶᬲᬦ᭄ᬲᬓᬶᬂᬯᬥᬸ᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬳᬧᬸᬢ᭄ᬭ᭞ᬳᬶᬲ᭄ᬢ᭄ᬭᬶᬳᬶᬲ᭄ᬢ᭄ᬭᬶ
ᬧᬲᬾᬗᬦᬾᬧᬮᬶᬂᬤᬸᬳᬸᬃ᭞ᬤᬵᬬᬸᬭᬓᬓᬮᬸᬫ᭄ᬩ᭄ᬭᬳᬂ᭞ᬦᬾᬳᬮᬶᬢᬦ᭄‌‌ᬤᬵᬬᬸᬭᬳᬶ᭟ᬦᬾᬫᬧᬭᬩ᭄‌‌ᬅᬬᬸᬭᬓ᭞ᬯᬸᬲ᭄ᬳᬭᬩ᭄ᬬᬦ᭄ᬳᬦᬾᬂᬧ᭄ᬭᬪᬸᬫ᭄ᬬᬦᬶᬂᬫᬗ᭄ᬕᬶᬲ᭄᭞ᬳᬓᬸᬯᬸᬭᬶᬂᬩᬸᬓᬶᬢ᭄ᬘᬢᬸ᭞ᬳᬶᬓᬂᬳᬭᬶᬧᬦᭂᬗᬄ
᭞ᬤᬬᬸᬭᬳᬶᬳᬸᬫᬶᬦ᭄ᬢᬃᬤᭀᬄᬓᬵᬮᬧ᭄‌‌ᬖᬭᬸ᭞ᬓᬩᬸᬧᬢ᭄ᬬᬦ᭄‌‌ᬲᬶᬗ᭄ᬳᬵᬤ᭄ᬯᬮ᭞ᬰᬶᬫᬦᬾᬕ᭄ᬭᬶᬬᬤᬾᬦ᭄ᬘᬭᬶᬓ᭄᭟ᬢᬸᬮᬓᬶᬦ᭄ᬧᬸᬦᬂᬘᬭᬶᬣ᭞ᬳᬶᬤᬩᬕᬸᬲ᭄‌‌ᬚᬸᬗᬸᬢᬦ᭄ᬦᬾᬓᬯᬃᬡ᭄ᬦᬶ᭞ᬮᬕ᭄ᬬᬵᬗᬫᬾ