[᭒᭕ 25B]
᭒᭕
ᬲ᭄ᬘ᭄ᬭᬶᬢᬦᬶᬂᬚᬹᬓ᭄ᬫᬦᬶᬲ᭄᭟ᬯᬮ᭄ᬬᬢᬶᬓᬂᬓᬣᬫᬸᬯᬄ᭞ᬤ᭄ᬯᬶᬚᬯᬬᬦ᭄ᬲᬶᬤᬶᬫᬦ᭄ᬢ᭄ᬭᬧᬶᬦᬢᬶᬄ᭞ᬕᬺ᭠ᬳᬱ᭄ᬝᬦ᭄ᬳᬶᬤᬦᬾᬲᬵᬫ᭄ᬧᬸᬦ᭄᭞ᬧᬜ᭄ᬚᬂᬧᬸᬦᬂᬘᬭᬶᬢ᭞ᬧ᭄ᬭᬚ᭄ᬜᬾᬂᬳᬚᬶᬢᬢ᭄ᬯᬓᬥ᭄ᬬᬵᬢ᭄ᬫᬶᬓᬾᬂᬢᬸᬢᬸᬃ᭞ᬢᭂᬕᬸᬄᬢᬸᬭᬶᬂ
ᬫᬯᬶᬰᬾᬱ᭞ᬫᬗ᭄ᬬᬰᬬᬂᬮᬸᬗ᭄ᬳᬲᬳᬶ᭟ᬢᬸᬃᬯᬶᬤᬕ᭄ᬥᬭᬶᬂᬓᬸᬱᬥᬦ᭄᭞ᬓᬲᬸᬩ᭄ᬲᬶᬓᭂᬢ᭄ᬩᬮ᭄ᬬᬦ᭄ᬯ᭄ᬭᬸᬄᬗᬸᬱᬥᬦᬶᬦ᭄᭞ᬦᬵᬕᬭᬤᬾᬰᬫ᭄ᬯᬂᬤᬸᬲᬸᬦ᭄᭞ᬯᬸᬲ᭄ᬢᬢᬲ᭄ᬳᬦ᭄ᬢᬸᬓ᭄ᬳᬶᬤ᭞ᬗᬫᬃᬕ᭄ᬕᬶᬦᬶᬦ᭄ᬫᬳᬶᬍᬄᬲᬕᬸᬩᬸᬕ᭄ᬕᬸᬩᬸ
ᬕ᭄᭞ᬳᬲᬶᬂᬳᬦᬯᭀᬂᬓᬕ᭄ᬭᬶᬗᬦ᭄᭞ᬓᬢᬸᬳᬸᬃᬳᬶᬤᬦᬫ᭄ᬩᬦᬶᬦ᭄᭟ᬓᬦ᭄ᬤᬸᬕᬶᬓᬰᬾᬮᬧᬭᬂ᭠ᬫᬢᬢᬫ᭄ᬩᬦ᭄ᬲᭂᬥᭂᬂᬓᬗ᭄ᬕᬾᬭᬶᬂᬧᬸᬭᬶ᭞ᬢᬦ᭄ᬧᬗᬾᬢᬂᬪᬬᬓᬾᬬᬸᬄ᭞ᬧᬸᬧᬸᬢᬶᬂᬚ᭄ᬜᬵᬡᬲᬹᬓ᭄ᬱ᭄ᬫ᭞ᬫᬳᬵᬰᬓ᭄ᬢᬶ
ᬳᬚ᭄ᬜᬵᬡᬦ᭄ᬳᬶᬤᬫᬳᬵᬫ᭄ᬧᬸ᭞ᬬᬦ᭄ᬳᬦᬯᭀᬂᬫᬦ᭄ᬭᬜ᭄ᬚᬡᬦ᭄᭞ᬭᬸᬲᬓ᭄ᬳᬦ᭄ᬢᬸᬓ᭄ᬳᬶᬤᬯ᭄ᬬᬓ᭄ᬢᬶ᭟ᬓᬣᬫ᭄ᬯᬄᬧᬸᬦᬂᬘᬭᬶᬣ᭞ᬤ᭄ᬯᬶᬚᬯᬬᬦ᭄ᬲᬶᬤᬶᬫᬦ᭄ᬢ᭄ᬭᬧᬶᬦᬢᬶᬄ᭞ᬢ᭄ᬯᬶᬲᬵᬫ᭄ᬧᬸᬦ᭄ᬳᬤ᭄ᬯᬾᬲᬸᬦᬸ᭞ᬧᬜ᭄ᬘᬧᬲ
[᭒᭖ 26A]
᭒᭖
ᬫ᭄ᬯᬦᬶᬭ᭞ᬮᬓᬶᬳᬶᬲ᭄ᬢ᭄ᬭᬶᬳᬸᬘᬧᬂᬦᬾᬧᬮᬶᬂᬤᬸᬳᬸᬃ᭞ᬧᬭᬩ᭄ᬳᬶᬤᬦᬾᬓᬮᬸᬫ᭄ᬩ᭄ᬭᬄ᭞ᬧᬤᬡ᭄ᬥᬯᬬᬦ᭄ᬧᬶᬦᬢᬶᬄ᭟ᬫᬮᬃᬬᬦ᭄ᬭᬶᬂᬓᬧ᭄ᬭᬚ᭄ᬜᬵᬡᬦ᭄᭞ᬯᬶᬘᬓ᭄ᬱᬡᬯ᭄ᬭᬸᬳᬶᬂᬳᬕᬫᬳᬚᬶ᭞ᬭᬳᬶᬦᬵᬯᭂᬗᬶᬫᬧᬳᬸ
ᬭᬸᬓ᭄᭞ᬫᬗᬺᬫ᭄ᬩᬸᬓᬂᬳᬓ᭄ᬱᬭ᭞ᬲᬶᬤ᭄ᬥᬾᬂᬓᬵᬧ᭄ᬢᬶᬫᭀᬮᬶᬳᬚ᭄ᬜᬵᬡᬦᬾᬓᬲᬸᬩ᭄᭞ᬉᬱᬥᬾᬂᬫᬢᬢᬫ᭄ᬩᬦᬦ᭄᭞ᬓᬲᬶᬤ᭄ᬬᬦ᭄ᬲᬓᬶᬂᬳ᭄ᬬᬂᬯᬶᬥᬶ᭟ᬓᬸᬦᬂᬢᬵᬳᬭᬶᬫᬦᭂᬗᬄ᭞ᬳᬶᬤᬩᬕᬸᬲ᭄ᬫᬥᬾᬩᬸᬭᬸᬦ᭄ᬧ
ᬧᬰᬶᬄ᭞ᬳᭀᬮᬶᬄᬓᬩᬡ᭄ᬥᭂᬫ᭄ᬳᬓᬸᬯᬸ᭞ᬤᭀᬦᬶᬂᬳᬾᬮᬶᬂᬓᬩ᭄ᬭᬬᬦ᭄᭞ᬭᬾᬄᬦᬾᬗᬹᬦᬶᬩᬶᬩᬶᬢ᭄ᬲᬓᬶᬂᬢᬹᬲ᭄ᬦᬶᬂᬤᬯᬸᬄ᭞ᬤᬦᬾᬢ᭄ᬯᬄᬫᬦᬸᬳᬸᬃᬳᬶᬤ᭞ᬫᬗ᭄ᬤᬓᬩᬡ᭄ᬥᭂᬫ᭄ᬗᬰ᭄ᬭᬫᬶ᭟ᬩᬹᬫᬭᬳᬶᬤᬫᬓᭀᬫ᭄ᬧ᭄ᬬᬂ᭞ᬢ᭄ᬮ᭠
ᬲ᭄ᬘᬫ᭄ᬧᬸᬢ᭄ᬢᬦ᭄ᬳᬦᬂᬯᬗ᭄ᬰᬫᬮᬶᬄ᭞ᬭᬶᬂᬚᬸᬗᬸᬢᬦ᭄ᬫᬗ᭄ᬓᬾᬓᬯᬸᬯᬸᬲ᭄᭞ᬳᬭᬶᬦᬾᬓᬧᬶᬂᬢᬶᬕ᭞ᬯᬸᬲ᭄᭠ᬲᬸᬮᬶᬗ᭄ᬕᬶᬄᬓᬡ᭄ᬬᬲᬸᬩ᭄ᬭᬢᬶᬫᬵᬯᬶᬓᬸ᭞ᬧᬡ᭄ᬥ᭄ᬬᬳᬶᬲ᭄ᬢ᭄ᬭᬶᬧᬸᬢᬸᬧᬭᬩ᭄᭞ᬳᬭᬶᬲᬂᬘᬢᬹᬃᬓᬯᬃᬡ᭄ᬦᬶ᭟ᬳᬶᬤᬓ᭄ᬢᬸᬢ᭄ᬚᬮᬤ᭠
