[᭒᭒ 22B]
᭒᭒
ᬢᬶᬫ᭄ᬩᬸᬮ᭄ᬓᬯᬸᬯᬸᬲ᭄᭞ᬮᬯᬦ᭄ᬧᬸᬢ᭄ᬭᬓᬢᬶᬕᬵᬦ᭄᭞ᬗᬶᬭᬶᬂᬳᬶᬤᬲᬂᬫᬵᬬᬢᬶ᭞ᬗᬸᬗ᭄ᬲᬶᬮᬸᬗ᭄ᬕᬸᬄ᭞ᬓᬦ᭄ᬢᬸᬦ᭄ᬯᭂᬗ᭄ᬓ᭄ᬯᬦᬶᬂᬲᬶᬩᭂᬢᬦ᭄᭟ᬧᬸᬢ᭄ᬭᬦᬾᬯᬮ᭄ᬬᬘ᭄ᬭᬶᬢᬬᬂ᭞ᬫᬲᬫᭂᬢᭀᬦ᭄ᬲᬫᬶᬳᬲᬶᬄ᭞ᬢᬦ᭄ᬳᬦᬯᬦᬶᬧᬶᬢᬸᬗ᭄ᬓᬲ᭄᭞
ᬫᬓᬵᬤᬶᬭᬶᬂᬳᬶᬩᬸᬳᬚᬶ᭞ᬓᬃᬬ᭄ᬬᬫᬳᬸᬭᬸᬓ᭄ᬲᬳᬶ᭞ᬢᬢ᭄ᬯᬥ᭄ᬬᬢ᭄ᬫᬶᬓᬾᬂᬧᬗᬯ᭄ᬭᬸᬄ᭞ᬲᬤᬶᬦᬵᬫᬗ᭄ᬬᬰᬬᬂ᭞ᬗᬺᬤ᭄ᬥᬦᬳᬶᬤᬳ᭄ᬬᬂᬯᬶᬥᬶ᭞ᬲᬶᬤ᭄ᬥᬳᬲᬸᬂ᭞ᬪᬝᬵᬭᬯᬾᬄᬓᬰᬓ᭄ᬢ᭄ᬬᬦ᭄᭟ᬤᬸᬭᬸᬂᬳᬶᬤᬳᬧᭀᬤ᭄ᬕᬮ᭞ᬳᬶᬤ᭠
ᬯᬬᬳᬦ᭄ᬧᬶᬦᬢᬶᬄ᭞ᬧᬸᬱ᭄ᬧᬶᬣᬦᬾᬫᬓᬘᬶᬳ᭄ᬦᬦ᭄᭞ᬧᬵᬫ᭄ᬩᬶᬮᬦ᭄ᬳᬶᬤᬲᬂᬳᬚᬶ᭞ᬧᬓᬾᬮᬶᬂᬲᬓᬶᬂ᭠ᬩᬶᬩᬶ᭞ᬓᬦ᭄ᬢᭀᬲ᭄ᬭᬯᬸᬳᬶᬂᬫᬦᬸᬭᬸᬦ᭄᭞ᬢ᭄ᬯᬭᬤᬤᬶᬧᬲᬳᬂ᭞ᬯᬾᬦ᭄ᬢᭂᬦ᭄ᬦᬵᬫᬦᬾᬧᬶᬦᬢᬶᬄ᭞ᬫᬗ᭄ᬤᬗᬦᬸᬢ᭄᭞ᬩᬶ
ᬩᬶᬢ᭄ᬧᬶᬦᬢᬶᬄᬭᬶᬂᬲᬸᬮᬂ᭟ᬳᬭᬶᬦᬾᬫᬮᬶᬄᬳᬸᬘᬧᬂ᭞ᬳᬶᬤᬜᭀᬫᬦ᭄ᬩᬸᬭᬸᬯᬦ᭄ᬧᬧᬰᬶᬄ᭞ᬢᬶᬦᬸᬳᬸᬃᬫᬓᬩᬹᬤᬡ᭄ᬥ᭞ᬢᬸᬫᬶᬩᬾᬂᬳᬕ᭄ᬭᬦᬶᬂᬉᬓᬶᬃ᭞ᬳᬗᬶᬤᬸᬮᬶᬂᬧᬤᬮᬶᬢ᭄᭞ᬳᬭᬦ᭄ᬕ᭄ᬭᬶᬬᬩᬸᬓᬶᬢ᭄ᬘ
[᭒᭓ 23A]
᭒᭓
ᬢᬸ᭞ᬳᬦᬯᬺᬤ᭄ᬥᬶᬯᬗ᭄ᬰᬦᬶᬭ᭞ᬯᬾᬦ᭄ᬢᭂᬦ᭄ᬲᬄᬧᬸᬢ᭄ᬭᬓᬫᬗ᭄ᬕᬶᬲ᭄᭞ᬢᬸᬃᬳᬓᬸᬯᬸ᭞ᬭᬶᬂᬕ᭄ᬭᬶᬬᬘᬭᬶᬓ᭄ᬓᬳᬸ᭠ᬘᬧ᭄᭟ᬳᬶᬓᬂᬧᬫᬸᬗ᭄ᬰᬸᬳᬸᬘᬧᬂ᭞ᬧᬤᬡ᭄ᬥᬓ᭄ᬢᬸᬢ᭄ᬧᬶᬦᬢᬶᬄ᭞ᬗᬯᬾᬢᬦ᭄ᬳᬶᬤᬗᬰ᭄ᬭᬫ᭞ᬲᬂᬫᬭᬶᬂᬪᬹᬫᬶᬚᬹᬓ᭄ᬫᬦᬶᬲ᭄᭞
ᬲᬵᬫ᭄ᬧᬸᬦ᭄ᬳᬯᬗ᭄ᬰᬯᬺᬤ᭄ᬥᬶ᭞ᬭᬶᬂᬚᬸᬓ᭄ᬫᬦᬶᬲ᭄ᬓᬲᬸᬂᬲᬸᬂ᭞ᬯᬮ᭄ᬬᬦᬶᬦᬶᬓᬂᬓᬣ᭞ᬧᬤᬡ᭄ᬥᬯᬬᬦ᭄ᬧᬶᬦᬢᬶᬄ᭞ᬧᬮᬶᬂᬤᬸᬳᬸᬃ᭞ᬲᬵᬫ᭄ᬧᬸᬦ᭄ᬳᬶᬤᬗᬮᬧ᭄ᬕᬭ᭟ᬲᬓᬶᬂᬲᬸᬩᬕᬦ᭄ᬧᬰ᭄ᬭᬫᬦ᭄᭞ᬧᬸᬢ᭄ᬭᬶᬓᬸᬫᭂᬦᬸᬄᬲᬸᬚᬢᬶ᭞ᬫᬓᬧ
ᬢ᭄ᬦᬶᬦ᭄ᬬᬢᬷᬯᬭ᭞ᬫᬓᬳᬃᬤ᭄ᬥᬵᬦᬭᬾᬰ᭄ᬯᬭᬶ᭞ᬲᬵᬫ᭄ᬧᬸᬦ᭄ᬳᬧᬸᬢ᭄ᬭᬓᬮᬶᬄ᭞ᬮᬦᬂᬮᬦᬂᬲᬫᬶᬩᬕᬸ᭠ᬲ᭄᭞ᬧᬯᬶᬚᬶᬮᬶᬂᬲᬸᬩᬕᬦ᭄᭞ᬤ᭄ᬯᬶᬚᬓᬸᬫᭂᬦᬸᬄᬧᬧᬰᬶᬄ᭞ᬦᬾᬧᬫ᭄ᬭᬸᬚᬸᬦ᭄᭞ᬳᬶᬤᬩᬕᬸᬲ᭄ᬕ᭄ᬥᬾᬧᬭᬩ᭄᭟
ᬳᬦᬓᬶᬦᬸᬘᬧ᭄ᬭᬶᬂᬲᭂᬮᬢ᭄᭞ᬢᬸᬲ᭄ᬦᬶᬂᬩ᭄ᬭᬳ᭄ᬫᬡᬶᬓᬸᬫᭂᬦᬸᬄ᭞ᬯᬃᬡ᭄ᬦᬳᬬᬸᬮ᭄ᬯᬶᬃᬳ᭄ᬬᬂᬯᬸᬮᬦ᭄᭞ᬓᬳᬫ᭄ᬩᬶᬮ᭄ᬳ᭠ᬦ᭄ᬢᬸᬓ᭄ᬱᬂᬬᬢᬶ᭞ᬚᬸᬫᭂᬦᭂᬂᬭᬶᬂᬫᬵᬥᬾᬯᬶ᭞ᬓᬮᬶᬄᬖᬭᬦᬾᬫᬳᬵᬫ᭄ᬧᬸ᭞ᬲᬂᬧᬢ᭄ᬦᬶᬫ᭄ᬯᬂᬫᬵᬤᬾᬯ᭄ᬬ᭞ᬫᬫᭂᬜ᭠
