[᭒᭑ 21B]
᭒᭑
ᬦ᭄ᬭᬶᬂᬫᬳᬵᬫ᭄ᬧᬸ᭞ᬧᬘᬶᬗᬯᬺᬤ᭄ᬥ᭄ᬬᬂᬯᬗ᭄ᬰ᭞ᬢᬦ᭄ᬤ᭄ᬯᬧᬸᬢ᭄ᬭᬶᬦᬾᬓᬳᬫ᭄ᬩᬶᬮ᭄᭞ᬮᬾᬤᬂᬓᬬᬸᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬧᬲ᭄ᬯᬫᬶᬬᬦ᭄᭟ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬳᬧᬸᬧᬸᬢ᭄ᬭ᭞ᬭᭀᬭᭀᬮᬓᬶᬮᬓᬶᬲᬫᬶ᭞ᬦᬾᬧᬮᬶᬂᬚ᭄ᬬᬾᬱ᭄ᬝᬳᬸ
ᬘᬧᬂ᭞ᬧᬤᬡ᭄ᬥᬲᬭᬾᬦ᭄ᬧᬧᬰᬶᬄ᭞ᬳᬦᬯᬗ᭄ᬰᬦᬶᬭᬯᬺᬤ᭄ᬟᬶ᭞ᬭᬶᬂᬕ᭄ᬭᬶᬬᬓᬯᬦ᭄ᬓᬯᬸᬯᬸᬲ᭄᭞ᬧᬶᬢᭂᬓᭂᬢᬾᬭᬶᬂᬲᬚᬭᬄ᭞ᬧᬩ᭄ᬮᬲ᭄ᬲᬫᭂᬢᭀᬦᬾᬓᬮᬶᬄ᭞ᬳᬦᬓ᭄ᬧᬸᬢᬸ᭞ᬢᬢᬲ᭄ᬳᬸᬦᬶᬂᬓᬳᬸᬗ᭄ᬓᬸᬭᬦ᭄᭟ᬫᬗ᭄ᬓᬶᬦ᭄ᬲᬂᬳ
ᬭᬶᬫᬧᬭᬩ᭄᭞ᬤ᭄ᬯᬶᬚᬫᬥᬾᬲᬭᬾᬦ᭄ᬰᬓ᭄ᬢᬶ᭞ᬳᬫᬮᬓ᭄ᬯᬂᬥᬃᬫ᭄ᬫᭀᬱᬥ᭞ᬲᬓᬶᬂᬧᬯᬭᬄᬲᬂᬳᬚᬶ᭞ᬳᬲ᭄ᬢᬸᬲᬓᭂᬘᬧ᭄ᬫᬦ᭄ᬤᬶ᭞ᬓᬲᬸᬩ᭄ᬲᬶᬓᭂᬢᬶᬂᬧᬗᬯ᭄ᬭᬸᬄ᭞ᬓᬮᬶᬄᬤᬍᬫ᭄ᬫᬗᬾᬫᬦ᭄᭞ᬓᬗ᭄ᬕᬾᬳᬸᬱᬥᬾᬂᬭᬶᬂᬧᬸ
ᬭᬶ᭞ᬲᬬᬦ᭄ᬓᬲᬸᬩ᭄᭞ᬧᬫᬃᬕᬶᬦᬾᬫᬢᬢᬫ᭄ᬩᬦ᭄᭟ᬢᬦ᭄ᬤ᭄ᬯᬯᬾᬦ᭄ᬢᭂᬦ᭄ᬢᬢ᭄ᬭᬶᬫᬾᬦᬦ᭄᭞ᬳᬲᬸᬂᬤ᭠ᬍᬫ᭄ᬭᬶᬂᬲᬂᬬᬢᬶ᭞ᬗᬸᬭᬄᬧᬸᬢ᭄ᬭᬶᬲᬓᬶᬂᬲᬸᬮᬂ᭞ᬯᬗ᭄ᬰᬦᬾᬕᬸᬲ᭄ᬢᬶᬧᬶᬦᬢᬶᬄ᭞ᬳᬬᬸᬦᬾᬢᬶᬤᭀᬂᬕᬶᬕᬶᬲ᭄᭞
[᭒᭒ 22A]
᭒᭒
ᬢᬸᬯᬶᬥᬥᬭᬶᬫᬦᬸᬭᬸᬦ᭄᭞ᬲᬂᬬᬢᬶᬯᬭᬳᬫᬶᬦ᭄ᬢ᭞ᬳᬯᬾᬄᬳᬶᬭᬦᬾᬲᬂᬳᬚᬶ᭞ᬲᬫᬶᬮᬸᬮᬸᬢ᭄᭞ᬮᬾᬤᬂᬲᬚ᭄ᬭᭀᬦᬶᬂᬧᬘᬸᬫ᭄ᬩ᭄ᬯᬦ᭄᭟ᬢᬸᬃᬲᬵᬫ᭄ᬧᬸᬦ᭄ᬮᬫᬶᬧᬲ᭄ᬯᬫ᭄ᬬᬦ᭄᭞ᬳᬦᬲᬸᬢᬦᬾᬲᬂᬬᬢᬶ᭞ᬓᬢ᭄ᬭᬶᬡᬶ
ᬲᬫ᭄ᬯᬦᬶᬂᬯᬗ᭄ᬰ᭞ᬯᬶᬚᬶᬮᬶᬂᬕᬸᬲ᭄ᬢᬶᬧᬶᬦᬢᬶᬄ᭞ᬗ᭄ᬳᬶᬂᬮᬓᬶᬮᬓᬶᬲᬫᬶ᭞ᬦᬾᬧᬮᬶᬂᬚ᭄ᬬᬾᬱ᭄ᬝᬭᬸᬫᬸᬳᬸᬦ᭄᭞ᬧᬸᬱ᭄ᬧᬶᬣᬦᬾᬳᬸᬘᬧᬂ᭞ᬳᬶᬤᬯᬬᬳᬦ᭄ᬧᬶᬦᬢᬶᬄ᭞ᬰᬓ᭄ᬢᬶᬢᬸᬳᬸ᭞ᬚᬾᬦ᭄ᬤ᭄ᬭᬮᬾᬳᬕᬸᬂᬲᬶᬩᭂᬢᬦ᭄᭟ᬢᬦ᭄ᬳᬦᬩᬶᬢᬾᬂ
ᬧᬮᬕᬦ᭄᭞ᬦᭀᬭᬫᬸᬦ᭄ᬤᬸᬭᬾᬂᬲᬢᬫ᭄ᬧᬶᬓ᭄᭞ᬘᬸᬤ᭄ᬥᬫᬡᬶᬭᬶᬂᬧᬧ᭄ᬭᬗᬦ᭄᭞ᬤᬸᬫᬶᬮᬄᬓᬢᭀᬦ᭄ᬫᬗᭂᬦ᭄ᬤᬶᬄ᭞ᬭᬶᬧᬸᬦᬾᬗᬦ᭄ᬢᭂᬦᬶᬦ᭄᭞ᬮ᭄ᬯᬶᬃᬲᬶᬗ᭄ᬳᬵᬭᭀᬤ᭄ᬭᬫᬗᭂᬫ᭄ᬩᬸᬲ᭄᭞ᬧᬾᬦ᭄ᬤᬄᬘᬮᬶᬂᬓᬵᬮᬫᬗ᭄ᬳᬧ᭄᭞ᬧᬸᬭᬸᬱᬳᬢᬦ᭄ᬤᬶᬂ᭠
ᬚᬸᬭᬶᬢ᭄᭞ᬢ᭄ᬯᬶᬓᬲᬸᬫ᭄ᬩᬸᬂ᭞ᬧᬦᬫ᭄ᬧᬶᬄᬳᬕᬸᬂᬲᬶᬩᭂᬢᬦ᭄᭟ᬯᬮ᭄ᬬᬦᬶᬦ᭄ᬳᬚᬶᬦᬾᬫᬸᬯᬄ᭞ᬤ᭄ᬯᬶᬚᬫᬥᬾᬲᬭᬾᬦ᭄ᬰᬓ᭄ᬢᬶ᭞ᬓᬾᬲᬄᬲᬓᬶᬂᬕ᭄ᬭᬦᬶᬂᬓᬯᬦ᭄᭞ᬫᬗᬮᭀᬃᬳᬶᬤᬗᬰ᭄ᬭᬫᬶ᭞ᬳᬦᬭᬶᬂᬤ᭄ᬮᭀᬤ᭄ᬫᬃᬕ᭄ᬕᬶ᭞ᬭᬶᬂᬕ᭄ᬭᬶᬬ᭠
