[᭒᭓ 23B]
᭒᭓
ᬦ᭄ᬧᬺᬡᬄᬫᬶᬂᬲᬶᬓᬶ᭞ᬲᬫᬶᬮᬸᬮᬸᬢ᭄᭞ᬪᬓ᭄ᬢᬶᬳᬲᬶᬄᬫᬲᬵᬦᬓᬦ᭄᭟ᬮᬫᬶᬲᬵᬫ᭄ᬧᬸᬦᬶᬂᬳᬭᬩ᭄ᬬᬦ᭄᭞ᬖᬭᬦᬾᬲᬓᬶᬂᬫᬵᬤᬾᬯᬶ᭞ᬳᬦᬯᭂᬢᬸᬯᬗ᭄ᬰᬦᬶᬭ᭞ᬮᬦᬂᬳᬶᬲ᭄ᬢ᭄ᬭᬶᬢᬶᬕᬂᬯᬶᬚᬶ᭞ᬳᬶᬓᬂᬳᬶᬲ᭄ᬢ᭄ᬭᬶᬲᬯᬶᬚᬶ᭞ᬯᬃᬡ᭄ᬦᬩᭂᬘᬶᬓ᭄ᬢᬸᬃ
ᬮᬶᬲ᭄ᬢ᭄ᬯᬬᬸ᭞ᬢᬸᬃᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬳᬦ᭄ᬯᬫ᭄᭞ᬓᬂᬳᬶᬲ᭄ᬢ᭄ᬭᬶᬫᬗ᭄ᬓᬶᬦ᭄ᬓᬯᬃᬡ᭄ᬦᬶ᭞ᬓᬵᬮᬧ᭄ᬖᬭ᭞ᬲᬓᬶᬂᬧᬺᬡᬄᬳᬫᬶᬂᬢᬶᬕ᭟ᬲᬓᬶᬂᬧ᭄ᬭᬪᬸᬫ᭄ᬬᬦ᭄ᬲᬶᬗ᭄ᬳᬵᬃᬱ᭞ᬓᬶᬦᬸᬘᬧ᭄ᬳᬰ᭄ᬭᬫᬾᬂᬘᬭᬶᬓ᭄᭞ᬲᬵᬫ᭄ᬧᬸᬦ᭄ᬯᬺᬤ᭄ᬥᬶᬯᬗ᭄ᬰᬦᬶᬭ᭞ᬳᬦᬾᬂ
ᬕ᭄ᬭᬶᬬᬘᬭᬶᬓ᭄ᬫᬗ᭄ᬓᬶᬦ᭄᭞ᬯᬸᬲ᭄ᬧᬸᬧᬸᬢ᭄ᬲᬂᬳᬭᬩᬶ᭞ᬲᬵᬦᬓᬾᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬲᬂᬳᬰ᭄ᬭᬫᬾᬂᬲᬶ᭠ᬩᭂᬢᬦ᭄᭞ᬳᬶᬓᬂᬧᬗᬸᬮᬸᬧᬹᬃᬯ᭄ᬯᬦᬶᬦ᭄᭞ᬲᬂᬚᬸᬚᬸᬮᬸᬓ᭄᭞ᬳᬶᬤᬩᬕᬸᬲ᭄ᬫᬥᬾᬲᭂᬮᬢ᭄᭟ᬢᬦ᭄ᬳᬦᬦᬶᬂᬯᬗ᭄ᬰᬦᬶ
ᬭ᭞ᬳᬦ᭄ᬢᬓᬳᬫᬹᬯ᭄ᬯᬾᬂᬢ᭄ᬭᬸᬡᬶ᭞ᬦᬾᬧᬮᬶᬂᬚ᭄ᬬᬾᬱ᭄ᬝᬳᬸᬘᬧᬂ᭞ᬦᬸᬭᬸᬦ᭄ᬧᬸᬱᬧᬶᬣᬦᬾᬯ᭄ᬬᬓ᭄ᬢᬶ᭞ᬤ᭄ᬯᬶᬚᬯᬬᬳᬦ᭄ᬧᬶᬦᬢᬶᬄ᭞ᬫᬵᬦᬹᬢ᭄ᬦᬵᬫᬭᬶᬲᬂᬕᬸᬭᬸ᭞ᬬᬦ᭄ᬩᬸᬯᬢ᭄ᬦᬶᬂᬓᬯᬶᬤᬕ᭄ᬥᬦ᭄᭞ᬧᬸᬢᬸᬲ᭄ᬓᬤ᭄ᬬᬢ᭄ᬫᬶᬓᬾᬂ᭠
[᭒᭔ 24A]
᭒᭔
ᬳᬚᬶ᭞ᬫᬾᬫ᭄ᬧᭂᬓᬬᬸᬦ᭄᭞ᬳᬚ᭄ᬜᬵᬡᬦᬾᬭᬶᬂᬲᬂᬭᬵᬫ᭛᭜᭛ᬧᬸᬧᬸᬄᬧᬗ᭄ᬓᬸᬃ᭛ᬧᬗ᭄ᬓᬸᬃᬭᬶᬂᬲᬂ᭠ᬳᬸᬗ᭄ᬕ᭄ᬯᬂᬢᬶᬢ᭄ᬬᬂ᭞ᬯᭀᬦ᭄ᬢᭂᬦ᭄ᬩ᭄ᬭᬬᬢᬸᬲ᭄ᬦᬶᬂᬗᬸᬭᬄᬢ᭄ᬮᬩᬄᬯ᭄ᬬᬓ᭄ᬢᬶ᭞ᬭᬶᬂᬧᬥᬂᬓᬯᬢ᭄ᬳᬓᬸᬯᬸ᭞ᬩᬜ᭄ᬚᬃᬜᬦᬾᬬᬾᬄ᭠
ᬩᬸᬗ᭄ᬳ᭞ᬳᬧᬧᬰᬶᬄᬕᬸᬲ᭄ᬢᬶᬚᬸᬗᬸᬢᬦ᭄ᬓᬯᬸᬯᬸᬲ᭄᭞ᬲᬸᬪᬓ᭄ᬢᬶᬦᬾᬭᬶᬂᬲᬂᬧᬵᬡ᭄ᬥ᭄ᬬ᭞ᬧᬤᬡ᭄ᬥᬯᬬᬦ᭄ᬧᬶ᭠ᬦᬢᬶᬄ᭟ᬓᬶᬦᬸᬘᬧ᭄ᬕᬸᬲ᭄ᬢᬶᬚᬸᬗᬸᬢᬦ᭄᭞ᬦᬸᬳᬸᬃᬳᬶᬤᬧᬤᬡ᭄ᬥᬯᬬᬦ᭄ᬧᬶᬦᬢᬶᬄ᭞ᬲᬄᬳᬗ᭄ᬕ᭄ᬯᬦᬾᬂᬕ᭄ᬭᬦᬶᬂᬕᬸᬦᬸᬂ᭞᭠
ᬭᬶᬂᬚᬸᬗᬸᬢᬦ᭄ᬓᬶᬦᬸᬘᬧ᭄᭞ᬫᬗᬰ᭄ᬭᬫᬶ᭞ᬚᬸᬫᭂᬦᭂᬂᬫᬓᬥᬂᬕᬸᬭᬸ᭞ᬳᬶᬤᬲᬸᬮᬸᬄᬭᬶᬂᬳᬕᬫ᭞ᬬᬸᬓ᭄ᬢᬶᬲᭂᬥᭂᬂᬫᬜᬹᬃᬬ᭄ᬬᬦᬶᬦ᭄᭟ᬓᬵᬢᬹᬃᬢᭂᬓᬾᬂᬧᬲᬯᬳᬦ᭄᭞ᬩᬩᬸᬓ᭄ᬢ᭄ᬬᬦ᭄ᬭᬬᬸᬦᬦ᭄ᬲᬂᬫᬵᬬᬢᬶ᭞ᬢᭂᬓᬦᬶᬂᬍᬫᬄᬧ
ᬓᬸᬯᬸᬦ᭄᭞ᬲᬫᬶᬳᬢᬸᬃᬳᬢᬸᬭᬦ᭄᭞ᬓᬦᬵᬫᬳᬶᬦ᭄ᬭᬶᬂᬉᬚᬸᬂᬳᬸᬢᬦ᭄ᬓᬲᬸᬳᬸᬃ᭞ᬳᬦᬫ᭄ᬯᬄᬳᬢᬸᬭᬦ᭄ᬭᬵᬚ᭞ᬳᬶᬕᬸᬲ᭄ᬢᬶᬫᬦ᭄ᬢᬸᬧᬧᬰᬶᬄ᭟ᬯᬸᬯᬸᬲᭂᬦ᭄ᬳᬶᬤᬫᬸᬦᬷᬦ᭄ᬤ᭄ᬭ᭞ᬳ᭄ᬬᬸᬦ᭄ᬕᬺᬳᬱ᭄ᬝᬫᬗ᭄ᬓᬶᬦ᭄ᬳᬗᬮᬧ᭄ᬭᬩᬶ᭞ᬲᬓᬶᬂ
