[᭘᭐ 80B]
᭘᭐
ᬤᬶᬜᬳᬶᬧ᭄ᬭᬲᬦ᭄ᬢᬵ᭞ᬫᬳᬦ᭄ᬧᬗ᭄ᬓᬢ᭄ᬫᬦ᭄ᬤᬤᬶᬫᬜ᭄ᬘᬵᬫᬵᬦ᭄ᬢ᭄ᬭᬶ᭞ᬢᬸᬢᬶᬂᬢᬢ᭄ᬭᬶᬫᬾᬦᬦ᭄ᬲᬵᬫ᭄ᬧᬸᬦ᭄᭞ᬦᬾᬫᬤᬦᬶᬓᬾᬦ᭄ᬫᭀᬦᭂᬂ᭞ᬫ᭄ᬯᬄᬳᬶᬧᬸᬦ᭄ᬢᬵᬲᬶᬸᬓᬲ᭄ᬯᬾᬦ᭄ᬤᬤᬶᬢᬸᬫᭂᬗ᭄ᬕᬸᬂ᭞ᬫᬰᬶᬄᬘᬾᬦ᭄ᬢᬢ᭄ᬭᬶ
ᬫᬾᬦᬦ᭄᭞ᬦᬶᬓᬾᬦ᭄ᬧᬲᬶᬭ᭄ᬬᬦ᭄ᬲᬯ᭄ᬬᬓ᭄ᬢᬶ᭟ᬜᬦ᭄ᬤᬂᬓᬲᬫ᭄ᬧᭀᬮᬶᬄᬧᬶᬲᬦ᭄᭞ᬦᬾᬦᬾᬧᬢ᭄ᬧᬢ᭄ᬓᬍᬩᬂᬍᬩᬂᬗᬶᬭᬶᬂ᭞ᬲᬢᬶᬩᬵᬧᬭᬦᬶᬂᬮᬓᬸ᭞ᬯᬦᬾᬦ᭄ᬤᬶᬧᬲ᭄ᬬᬢᬦ᭄᭞ᬢ᭄ᬯᬭᬵᬧᬶᬲᬦ᭄ᬩᬶᬱᬵᬫᬓᬶᬭᬶᬕ᭄ᬳ
ᬓᬸᬓᬸ᭞ᬳᬶᬧᬸᬦ᭄ᬢᬵᬮᬦ᭄ᬳᬶᬧ᭄ᬭᬲᬦ᭄ᬢᬵ᭞ᬳᬶᬓᬃᬢ᭄ᬢᬮᬵᬫ᭄ᬯᬄᬳᬶᬚ᭄ᬭᬸᬤᬶ᭟ᬤᬾᬦᬶᬂᬲᬸᬩᬵᬲᬸᬳᬸᬤ᭄ᬓᬃᬬ᭄ᬬ᭞ᬲᬂᬧ᭄ᬭᬪᬹᬫᬦ᭄ᬢᬸᬓ᭄ᬦᬾᬫᬗ᭄ᬓᬶᬦ᭄᭞ᬫᬩ᭄ᬭᬶᬬᬸᬓ᭄ᬜᭂᬫ᭄ᬩᬄᬫᬗᬸᬦ᭄ᬢᬸᬓ᭄᭞ᬕᬮᬸᬄᬘᬶᬡ᭄ᬥ᭄ᬭᬓᬶᬭᬡᬵ᭞ᬫᬶᬯᬄ
ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶᬲᬵᬫ᭄ᬧᬸᬦ᭄᭞ᬲᬂᬧ᭄ᬭᬪᬹᬭᬭᬶᬲ᭄ᬫᬫᬃᬕ᭄ᬕᬵ᭞ᬫᬓᬵᬫᬶᬯᬄᬫᬳᬵᬤᬾᬯᬶ᭟ᬫᬳᬵᬮᬶᬓᬸᬫᬰᬶᬄᬩᬸᬤᬮ᭄᭞ᬧᬫᬃᬕ᭄ᬕᬶᬦᬾᬲᬕᬾᬢ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬤ᭄ᬳᬵᬳᬶᬤᬵᬲᬂᬧ᭄ᬭᬪᬹ
[᭘᭑ 81A]
ᬫᬳᬵᬤᬾᬯᬶᬓᬤᬺᬫᬦᬂ᭞ᬦᬗ᭄ᬳᬶᬂᬫᬳᬵᬮᬶᬓᬸᬢ᭄ᬯᬭᬵᬤᬵᬓᬭᬸᬗᬸ᭞ᬭᬾᬄᬕᬸᬡ᭄ᬦᬵᬦᬾᬲᬸᬩᬵᬳᬶᬮᬂ᭞ᬮᬯᬸᬢ᭄ᬫᬳᬵᬮᬶᬓᬸᬚᬦᬶ᭟ᬗ᭄ᬲᬾᬗᬶᬦ᭄ᬲᬫ᭄ᬢᭀᬦ᭄ᬳᬾᬗ᭄ᬕᬮ᭄᭞ᬲᬕᬾᬢ᭄ᬭᬯᬸᬄ
ᬦᬾᬫᬧᬭᬩ᭄ᬚᬓ᭄ᬱᬵᬫᬵᬦ᭄ᬢ᭄ᬭᬶ᭞ᬭᬭᬶᬲ᭄ᬗᬸᬘᬧ᭄ᬫᬳᬵᬮᬶᬓᬸ᭞ᬓ᭄ᬫᬵᬮ᭄ᬯᬲ᭄ᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭞ᬦᬸᬦᬲ᭄ᬲ᭄ᬧᬄᬲᬶᬕ᭄ᬢᭀᬗᭀᬲᬾᬦᬾᬦᬾᬫᬮᬸ᭞ᬚᬓ᭄ᬱᬵᬫᬵᬦ᭄ᬢ᭄ᬭᬶᬮᬸᬫ᭄ᬫᬚᬮᬦ᭄᭞ᬢᬸᬫᬸᬮᬶᬲᬵᬫ᭄ᬧᬸᬦ᭄
ᬧ᭄ᬭᬧ᭄ᬢᬶ᭟ᬤᬶᬩᭀᬗ᭄ᬓᭀᬮ᭄ᬕᬸᬦᬸᬗᬾᬳᬸᬚᬦ᭄᭞ᬳᬗᬶᬦ᭄ᬮᬶᬮᬸᬲ᭄ᬤᬸᬮᬸᬭᬶᬦ᭄ᬓ᭄ᬭᬸᬕ᭄ᬮᬦ᭄ᬢᬢᬶᬢ᭄᭞ᬓᬶᬮᬧ᭄ᬫᬜᬦ᭄ᬤᭂᬃᬫᬲ᭄ᬧᬸᬓ᭄᭞ᬮ᭄ᬬᬸᬧᬸᬜᬦ᭄ᬓᬬᬸᬧᬸᬗ᭄ᬓᬢ᭄᭞ᬢ᭄ᬯᬭᬵᬳᬤᬵᬢᭀᬗᭀᬲ᭄ᬫᬾᬫ᭄ᬩᭀ
ᬦ᭄ᬧ᭄ᬢᭂᬂᬳᬶᬩᬸᬢ᭄᭞ᬚᬓ᭄ᬱᬵᬫᬦ᭄ᬢ᭄ᬭᬶᬲᬦ᭄ᬤᭂᬓᬶᬮᬧ᭄᭞ᬩᬸᬗ᭄ᬮᬸᬄᬮᬬᭀᬦᬾᬗᬸᬮᬶᬡ᭄ᬝᬶᬓ᭄᭟ᬫᬳᬵᬮᬶᬓᬸᬓᬘᬭᬶᬢ᭄ᬣᬵ᭞ᬩᬳᬸᬫᬭᬵᬫᬶᬋᬂᬳᭀᬃᬢ᭄ᬢᬦᬾᬚᬦᬶ᭞ᬭᬳᬶᬦᬾᬤᬶᬩᭀᬗ᭄ᬓᭀ
Kaca:Bali-lontar-paparikan-panji-semirang-250ppi.pdf/81
Kaca puniki sampun kauji-wacén
