[᭘᭑ 81B]
᭘᭑
ᬮ᭄ᬕᬸᬦᬸᬂ᭞ᬦ᭄ᬤᬾᬯᬢ᭄ᬣᬲᬦ᭄ᬤᭂᬃᬓᬶᬮᬧ᭄᭞ᬤᬤᬶᬕ᭄ᬮᬸᬫᬧᬗ᭄ᬲᭂᬕᬦ᭄ᬗ᭄ᬮᬸᬢ᭄ᬳᭂᬦ᭄ᬢᬸᬤ᭄᭞ᬢ᭄ᬯᬭᬵᬧᬶᬲᬦ᭄ᬗᭂᬮᬄᬓᬡ᭄ᬥᬵ᭞ᬳᬶᬩᬸᬓ᭄ᬓᬬᬸᬦᬾᬢᬦ᭄ᬲᬶᬧᬶ᭟ᬳᬓ᭄ᬤᬧ᭄ᬲᬕᬾᬢᬦ᭄ᬳᬶᬮᬂ᭞ᬤᬸᬓᬶᬢᬦᬾᬓᬾᬦᬾᬧᬫᬶᬦᭂᬄ
ᬤᬶᬳᬢᬶ᭞ᬯᬶᬭᬾᬄᬗ᭄ᬮᬄᬜᬫᬮᬘᬹᬃ᭞ᬲᬶᬜᬢᬾᬓᬲᬬᬗᬂ᭞ᬭᬶᬂᬲᬂᬦᬵᬣᬵ᭞ᬭᬾᬄᬗ᭄ᬮᬄᬜᬫᬵᬳᬳᬸᬓᬸᬤ᭄᭞ᬲᬸᬩᬵᬫᬢᬶᬲᬦ᭄ᬤᭂᬃᬓᬶᬮᬧ᭄᭞ᬯᬬᬂᬧᬤᬍᬫᬚᬦᬶ᭟ᬓᬾᬢᭀᬧᬧᬶᬦᭂᬄᬗ᭄ᬭᬕᬵ᭞ᬗ᭄ᬳᬶᬂ
ᬲᬂᬦᬵᬢ᭄ᬣᬵᬜᬸᬫᬶᬗ᭄ᬓᬶᬦ᭄ᬢ᭄ᬯᬭᬵᬦᭀᬮᬶᬄ᭞ᬤᬤ᭄ᬬᬜᬫᬯᬸᬯᬸᬄᬯᬸᬯᬸᬄ᭞ᬫᬳᬵᬮᬶᬓᬸᬲᬓᬶᬢ᭄ᬫᬦᬄ᭞ᬭᬾᬄᬲ᭄ᬧᬳᬾᬦᬾᬦᬾᬫᬮᬸᬲᬸᬩᬵᬳ᭄ᬢᬸᬄ᭞ᬢᬹᬃᬲᬸᬩᬵᬫᬩᬕᬶᬤ᭄ᬯᬵ᭞ᬕᬮᬸᬄᬳᬚᭂᬂᬜ᭄ᬯᬂᬳᬩᬕᬶ
᭟᭛᭐᭛ᬤᬂᬤᬂ᭛᭐᭛ᬲᬵᬫ᭄ᬧᬸᬭᬵᬲᬸᬦ᭄ᬭᬶᬂᬳᬶᬤᬵᬤᬦᬾᬲᬫᬶ᭞ᬦᬸᬦᬲ᭄ᬲ᭄ᬯᬾᬘᬵ᭞ᬫᬗ᭄ᬤᬵᬗᬫ᭄ᬧᬸᬭᬬᬂ᭞ᬩᭀᬬᬫᬵᬦ᭄ᬢᬸᬓ᭄ᬭᬶᬂᬓᬬᬸᬦᬾ᭞ᬤ᭄ᬯᬦᬶᬂᬢᬶᬢ᭄ᬬᬂᬯᬳᬸᬫᬸᬭᬸᬓ᭄᭞ᬫᬳᬸᬭᬸ
[᭘᭒ 82A]
ᬓ᭄ᬦᬸᬮᬶᬲ᭄ᬫᬗ᭄ᬕᬸᬭᬶᬢ᭄᭞ᬲᬶᬦᬄᬓᬢᬄᬢᬦ᭄ᬓᬃᬱᬵ᭞ᬧ᭄ᬤᬶᬓ᭄ᬧᬸᬧᬸᬄᬓᬶᬤᬸᬂ᭞ᬧᬲᬂᬰᬲ᭄ᬢ᭄ᬭᬵᬲᬲᬸᬭᬢᬦ᭄᭞ᬲᬫᬶᬢᬸᬦᬵ᭞ᬦᬗ᭄ᬳᬶᬂᬗᭂᬦ᭄ᬤᭂᬮᬦᬕ᭄ᬳᬲᬶᬓᬶ᭞ᬲᬓᬶᬂᬧᬸᬭᬸᬦ᭄ᬓᬕᬸᬬᭀᬦᬦ᭄᭟᭐᭟
ᬧᬸᬧᬸᬢ᭄ᬓᬲᬸᬭᬵᬢ᭄ᬤᬸᬓ᭄ᬭᬶᬂᬭᬳᬶᬦᬵ᭞ᬰᬸ᭞ᬯ᭞ᬉ᭞ᬬᬾ᭞ᬰᬰᬶᬄ᭞ᬓ᭞᭕᭞ᬇᬰᬓᬵ᭞᭑᭙᭐᭗᭟ᬓᬲᬸᬭᬵᬢ᭄ᬳᬦ᭄ᬢᬸᬓ᭄ᬳᬶᬤᬵᬩᬕᬸᬲ᭄ᬓ᭄ᬢᬸᬢ᭄ᬭᬳᬶ᭞ᬕ᭄ᬭᬶᬬᬵᬚᬸᬗᬸᬢᬦ᭄ᬩᬸᬗᬬ᭄ᬬᬵ᭟ᬩᬩᬦ᭄ᬤᭂᬫ᭄
ᬳᬫ᭄ᬮᬵᬧᬸᬭᬵ᭟ᬳᬶᬦᬦ᭄ᬳᬶᬧᬸᬦ᭄ᬓᬤᬺᬯᬾᬤᬾᬲᬂᬳᬦᬸᬭᬵᬢ᭄᭛᭐᭛
Kaca:Bali-lontar-paparikan-panji-semirang-250ppi.pdf/82
Kaca puniki sampun kauji-wacén
