[᭗᭙ 79B]
᭗᭙
ᬳᬤᬾᬂᬧᬶᬲᬦ᭄᭞ᬧᬦᬓ᭄ᬢᬶᬢ᭄ᬬᬂᬕᬮᬸᬄᬳᬚᭂᬂᬫ᭄ᬭᬶᬓᬵᬲᬫ᭄ᬧᬸᬦ᭄᭞ᬗ᭄ᬭᬭᬶᬲ᭄ᬤᬾᬯ᭄ᬯᬵᬓᬕᬕ᭄ᬮᬂ᭞ᬓᬾᬯᬮᬵᬳᬾᬮᬶᬗᬂᬕᬢᬶ᭟ᬧᬩ᭄ᬲᭂᬦ᭄ᬢᬶᬢ᭄ᬬᬂᬳᬶᬗᭂᬢᬂ᭞ᬲᬺᬧ᭄ᬲᬺᬧᬂᬤᬶᬕᬕ᭄ᬮᬂᬢᬸᬦ᭄ᬤᬾᬦ᭄ᬗᬮᬶᬄ᭞ᬲᭀ
ᬭᭀᬄᬕᬸᬡᬵᬕᬸᬡᬵᬭᬢᬸ᭞ᬳᬧᬂᬳᬶᬤᬾᬯ᭄ᬯᬵᬤᬺᬫᬦ᭄᭞ᬫᬓᬤᬶᬜᬭᬓᬦ᭄ᬳᬶᬤᬾᬯ᭄ᬯᬵᬧᬂᬢᬓᬸᬢ᭄᭞ᬦᬗ᭄ᬳᬶᬂᬳᬧᬂᬲᬶᬮᬶᬩ᭄ᬧᬶᬲᬦ᭄᭞ᬓᬾᬢᭀᬧ᭄ᬲᬦ᭄ᬤᬵᬗᭂᬗ᭄ᬲᬧᬶᬦ᭄᭟ᬧᬗᬶᬭᬶᬗᬾ
ᬲᬵᬫ᭄ᬧᬸᬦ᭄ᬳᬢᬧ᭄᭞ᬤᬶᬩᬜ᭄ᬘᬶᬗᬄᬲᬂᬧ᭄ᬭᬪᬹᬯᬸᬲ᭄ᬫᬫᬃᬕ᭄ᬕᬶ᭞ᬧᬫᬃᬕ᭄ᬕᬶᬦᬾᬲᬕᬾᬢ᭄ᬭᬯᬸᬄ᭞ᬫᬗ᭄ᬓᬶᬦ᭄ᬭᬶᬂᬧᬸᬭᬶᬕᬕ᭄ᬮᬂ᭞ᬲᬫᬶᬮ᭄ᬬᬂᬫᬾᬓᬾᬦᬓᬾᬦᬓ᭄ᬲᬢᬸᬯᬸᬓ᭄᭞ᬕᬮᬸᬄᬳᬚᭂᬂᬢ᭄ᬯᬭᬵᬳᭂᬗ᭄ᬲᬧ᭄
᭞ᬢ᭄ᬓᬾᬦ᭄ᬧᬩ᭄ᬲᭂᬦ᭄ᬳᬶᬩᬶᬩᬶ᭟ᬚᬦᬶᬭᬤᬾᬦ᭄ᬯᬶᬭᬵᬦ᭄ᬢᬓᬵ᭞ᬲᬸᬩᬵᬢᬸᬮᬓ᭄ᬓᬚᬕᬭᬕᬩ᭄ᬯᬶᬦ᭄᭞ᬓᬶᬘᬾᬦ᭄ᬢᬢ᭄ᬭᬶᬫᬾᬦᬦ᭄ᬳᬬᬸ᭞ᬢ᭄ᬓᬾᬦ᭄ᬦᬵᬣᬵᬓᬸᬭᬶᬧᬦ᭄᭞ᬦᬾᬫᬧᬭᬩ᭄ᬧᬸᬢ᭄ᬭᬶᬧᬸ
[᭘᭐ 80A]
ᬱ᭄ᬧᬵᬲᬭᬶᬲᬵᬫ᭄ᬧᬸᬦ᭄᭞ᬫᬫᬃᬕ᭄ᬕᬶᬢᬹᬃᬫᬳᬶᬭᬶᬗᬦ᭄᭞ᬳᬶᬓᬃᬢ᭄ᬢᬮᬵᬮᬦ᭄ᬳᬶᬚ᭄ᬭᬸᬤᬶ᭟ᬤᬾᬦᬶᬂᬩ᭄ᬯᬓᬵᬳᬸᬢᬸᬲᬂ᭞ᬫᬶᬲ᭄ᬓᭂᬦᬂᬭᬤᬾᬦ᭄ᬯᬶᬭᬵᬦ᭄ᬢᬓᬵᬚᬦᬶ᭞ᬤᬶᬢᬸᬧᬘᬂᬜ᭄ᬦᭂᬂᬳᬕᬸᬂ᭞ᬗᭂᬦ᭄ᬢᬶᬦᬶᬦ᭄ᬲᬂᬯᬸᬲ᭄ᬮᬶᬡᬵ
᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬚᬕᬵᬭᬕᬦᬾᬮᬯᬸᬢ᭄᭞ᬳᬶᬚ᭄ᬭᬸᬤᬶᬳᬶᬓᬵᬃᬢ᭄ᬢᬮᬵ᭞ᬫᬜᭀᬦ᭄ᬢ᭄ᬭᬳᬂᬭᬶᬂᬦᬵᬕᬭᬶ᭟ᬫᬦ᭄ᬢ᭄ᬭᬶᬤᬾᬦ᭄ᬯᬶᬭᬵᬦ᭄ᬢᬓᬵ᭞ᬓᬢᬸᬕ᭄ᬦᬄᬭᬶᬂᬚᬕᬵᬗᬕᬸᬗᬶᬦ᭄᭞ᬚᬸᬫ᭄ᬦᭂᬂᬤᬤᬶᬲᬂᬧ᭄ᬭᬪᬹ᭞ᬤᬶ
ᬚᬕᬢ᭄ᬚᬕᬵᬭᬕᬵ᭞ᬲᬲᬵᬫ᭄ᬧᬸᬦᬾᬧᬸᬧᬸᬢ᭄ᬫᬜᭀᬦ᭄ᬢ᭄ᬭᬳᬂᬮᬯᬸᬢ᭄᭞ᬩ᭄ᬯᬶᬦ᭄ᬢᬸᬮᬓ᭄ᬓᬦᬸᬭᬶᬧᬦ᭄᭞ᬕᬕᬗ᭄ᬲᬭᬦ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭟ᬳᬶᬚ᭄ᬭᬸᬤᬶᬓᬳᬶᬘᬾᬦ᭄ᬧᬗ᭄ᬓᬢ᭄᭞ᬤᬤᬶᬤ᭄ᬫᬂᬤᬶᬓᬭᬂᬩᭂᬦ᭄ᬤᬓᬵ
ᬚᬦᬶ᭞ᬫᬶᬯᬄᬓᬶᬘᬾᬦ᭄ᬲᭀᬫᬄᬳᬬᬸ᭞ᬦᬾᬫᬤᬦ᭄ᬳᬶᬓᬾᬦ᭄ᬩᬬᬦ᭄᭞ᬳᬶᬓᬵᬃᬢ᭄ᬢᬮᬵᬫᬦ᭄ᬤᬤᬶᬧᬺᬩ᭄ᬓᭂᬮ᭄ᬲᬵᬫ᭄ᬧᬸᬦ᭄᭞ᬲᬳᬵᬓᬶᬘᬾᬦ᭄ᬢᬢ᭄ᬭᬶᬫᬾᬦᬦ᭄᭞ᬦᬾᬦᬾᬫᬤᬦ᭄ᬦᬶᬓᬾᬦ᭄ᬲᬗ᭄ᬕᬶᬢ᭄᭟ᬫᬓ
Kaca:Bali-lontar-paparikan-panji-semirang-250ppi.pdf/80
Kaca puniki sampun kauji-wacén
