[᭗᭘ 78B]
᭗᭘
ᬫᬦ᭄ᬫᬗᬶᬧᬸᬄᬢᬶᬧᬸᬄ᭞ᬕᬮᬸᬄᬳᬚᭂᬂᬫᬜᭂᬗ᭄ᬕᬸᬳᬂ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶ᭟ᬮᬯᬸᬢ᭄ᬫᬗ᭄ᬭᬾᬢ᭄ᬫᬦᬶᬫᬦ᭄᭞ᬭᬤᬾᬦ᭄ᬲᬶᬗ᭄ᬳᬵᬫᬦ᭄ᬢ᭄ᬭᬶᬫᬗᬓᭀᬅ᭄ᬧᬶᬧᬶ᭞ᬕᬮᬸᬄᬳᬚᭂᬂᬤᬤᬶᬕ᭄ᬮᬸ᭞ᬓᭂᬲ᭄ᬬᬩᬸ
ᬫᬭᬵᬜᬶᬗᬓ᭄᭞ᬮᬯᬸᬢ᭄ᬜ᭄ᬭᬶᬢ᭄ᬤᬶᬧᬫᬺᬫᬦ᭄ᬳᬸᬮᬸᬦ᭄ᬳᬸᬮᬸᬦ᭄᭞ᬜᬕᬸᬃᬦᬶᬜ᭄ᬚᬓ᭄ᬗᬚᬧ᭄ᬳᬚᬧ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶ᭟ᬲᬫ᭄ᬩᬶᬮ᭄ᬗᬭᭀᬄᬫᬲᬲᬵᬫ᭄ᬩᬢ᭄᭞ᬤᬤᬶᬓᬾᬦᬾᬢ᭄ᬬᬂᬫ᭄ᬩᬳᬦ᭄ᬲᭀᬫᬄᬚ
ᬦᬶ᭞ᬩᬤᭂᬂᬓᭀᬢᭀᬢ᭄ᬕᬶᬕᬶᬕᬶᬗ᭄ᬲᬸᬮ᭄᭞ᬳᬭᬄᬢ᭄ᬬᬂᬢ᭄ᬯᬭᬵᬳ᭄ᬜᬓ᭄᭞ᬢ᭄ᬬᬂᬚ᭄ᬕᬾᬕ᭄ᬧᬚᬗ᭄ᬓᭂᬧᬂᬚᬓ᭄ᬦᬓ᭄ᬕ᭄ᬭᬸᬄ᭞ᬦᬾᬫᬸᬮᬵᬤ᭄ᬫᭂᬦᬶᬦ᭄ᬢ᭄ᬬᬂ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶ᭟ᬭᬤᬾᬦ᭄ᬲᬶᬗ᭄ᬳᬵᬫᬵᬦ᭄ᬢ᭄ᬭᬶᬗᬸᬘ
ᬧ᭄᭞ᬧᬗ᭄ᬭᬸᬫ᭄ᬭᬸᬫᬾᬧᬧᭀᬮᭀᬲᬦ᭄ᬓ᭄ᬜᬶᬂᬓ᭄ᬜᬶᬂ᭞ᬳ᭄ᬤᬦᬗᬶᬲ᭄ᬭᬢᬸᬳᬕᬸᬂ᭞ᬢᬶᬢ᭄ᬬᬂᬧᬮᬶᬂᬩᬕᬸᬲᬵ᭞ᬭᬶᬂᬕᬕ᭄ᬮᬂ᭞ᬢ᭄ᬯᬭᬵᬳᬤᬵᬧᬘᬂᬧᬢᬸᬄ᭞ᬓᬩᬕᬸᬲᬦᬾᬭᬶᬂᬢᬶᬢ᭄ᬬᬂ᭞ᬫ᭄ᬭᬶᬓᬶᬓᬾᬭᬢᬸᬫᬲᬸᬗ᭄ᬕᬶ᭟
[᭗᭙ 79A]
ᬢᬶᬢ᭄ᬬᬂᬲᬬᬗᬗ᭄ᬳᬵᬳᬶᬤᬵ᭞ᬬᬤ᭄ᬬᬧᬶᬦ᭄ᬓᬢᬸᬕ᭄ᬦᬄᬲᬲᬳᬶᬜᬸᬗ᭄ᬕᬶ᭞ᬢᬶᬢ᭄ᬬᬂᬢᬦ᭄ᬧᬶᬯᬮ᭄ᬲᬢᬸᬯᬸᬓ᭄᭞ᬩᭀᬬᬲᬼᬤᬾᬢᬶᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬩᬕᬸᬲ᭄ᬩᬕᬸᬲᬦ᭄ᬓᬾᬦᬾᬦᬾᬩᬕᬸᬲ᭄᭞ᬕᬮᬸᬄᬳᬚᭂᬂᬫᬜ
ᬗᭂᬢᬂ᭞ᬦᬗᬶᬲ᭄ᬫᬓ᭄ᬚᬂᬫᬶᬭᬕᬶ᭟ᬳᬶᬤᬵᬲᬂᬧ᭄ᬭᬪᬹᬕᬕ᭄ᬮᬂ᭞ᬤ᭄ᬯᬦᬶᬂᬳᬶᬤᬵᬲᬵᬫ᭄ᬧᬸᬦ᭄ᬢᬢᬲ᭄ᬧᬶᬲᬦ᭄ᬳᬸᬦᬶᬂ᭞ᬤᬾᬦᬶᬂᬳᬶᬤᬵᬳᬸᬮᬶᬫᬮᬸ᭞ᬧᬸᬢ᭄ᬭᬦᬾᬳᬸᬤᭂᬕ᭄ᬳᬸᬤᭂᬕᬦ᭄᭞ᬫᬦᬶᬲ᭄ᬫᭂᬫᬤᬩ᭄ᬤᬩᬦ᭄ᬧᬘᬂᬫᬵᬦ᭄ᬢᬸᬓ᭄᭞
ᬓᬕᬕ᭄ᬮᬂᬫᬮᬶᬄᬢᬸᬮᬓ᭄᭞ᬢᬹᬃᬧᬸᬢᬺᬫᬵᬦ᭄ᬢᬸᬫ᭄ᬓᬤᬶ᭟ᬧᬲ᭄ᬫᭂᬗᬦ᭄ᬭᬭᬶᬲ᭄ᬫᭂᬤᬮ᭄᭞ᬲᬂᬧ᭄ᬭᬪᬹᬕᬕ᭄ᬮᬂᬮᬦ᭄ᬧ᭄ᬭᬫᬶᬰ᭄ᬯᬭᬶ᭞ᬭᬤᬾᬦ᭄ᬲᬶᬗ᭄ᬳᬵᬫᬦ᭄ᬢ᭄ᬭᬶᬲᬵᬫ᭄ᬧᬸᬦ᭄᭞ᬮᬦ᭄ᬕᬮᬸᬄᬳᬚᭂᬂᬫ᭄ᬤᬮ᭄᭞ᬓ᭄ᬢᬓᬸᬢᬦ᭄ᬓᬾᬦ᭄ᬳᬚᬶ
ᬮᬸᬢ᭄ᬲᬢᬸᬭᬸᬢ᭄᭞ᬧᬘᬂᬫᬦ᭄ᬢᬸᬓ᭄ᬓᬕᬕ᭄ᬮᬂ᭞ᬗᬶᬭᬶᬂᬭᬤᬾᬦ᭄ᬲᬶᬗ᭄ᬳᬵᬫᬦ᭄ᬢ᭄ᬭᬶ᭟ᬫᬳᬵᬮᬶᬓᬸᬫᬗᬾᬗ᭄ᬕᬮᬂ᭞ᬫᬦ᭄ᬲᭂᬓᭂᬦ᭄ᬕᬮᬸᬄᬳᬚᭂᬂᬓᬩᬶᬲᬶᬓᬶᬦ᭄᭞ᬤᬕᬶᬂᬩᬩᬶᬲᬶᬓᬾᬳᬮᬸᬲ᭄᭞ᬧᬗᬸᬘᬧᬾ
Kaca:Bali-lontar-paparikan-panji-semirang-250ppi.pdf/79
Kaca puniki sampun kauji-wacén
