[᭗᭗ 77B]
᭗᭗
ᬲᭀᬦ᭄ᬢ᭄ᬭᬳᬂ᭞ᬲᬂᬧ᭄ᬭᬪᬹᬳᬦᭀᬫ᭄ᬓᬧᬸᬚᬶ᭟ᬢ᭄ᬯᬦ᭄ᬧᬸᬢ᭄ᬭᬶᬘᬶᬡ᭄ᬤ᭄ᬭᬵᬓᬶᬭᬡᬵ᭞ᬫᬵᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬓᬮᬸᬗ᭄ᬕᬳᬂᬧ᭄ᬭᬫᬶᬰ᭄ᬯᬭᬶ᭞ᬦᬗ᭄ᬳᬶᬂᬧᬸᬢ᭄ᬭᬶᬦᬾᬢᬢ᭄ᬮᬸ᭞ᬢ᭄ᬯᬦ᭄ᬧᬸᬢ᭄ᬭᬶᬦᬯᬂᬘᬶᬡ᭄ᬤ᭄ᬭᬵ᭞ᬫᬓᬤᬶᬜᬧᬸᬢ᭄ᬭᬶᬦᬶᬮᬵᬯᬢᬸ
ᬲᬵᬫ᭄ᬧᬸᬦ᭄᭞ᬫᬶᬯᬄᬧᬸᬢ᭄ᬭᬶᬧᬸᬱ᭄ᬧᬵᬚ᭄ᬯᬶᬢ᭄ᬣᬵ᭞ᬤᬤᭀᬲ᭄ᬫᬳᬵᬤᬾᬯᬶᬫᬗ᭄ᬓᬶᬦ᭄᭞ᬭᬭᬶᬲ᭄ᬲᬂᬧ᭄ᬭᬪᬹᬕᬕ᭄ᬮᬂ᭞ᬫᬧᬶᬦᬸᬦᬲ᭄ᬭᬶᬂᬲᬂᬧ᭄ᬭᬪᬹᬤ᭄ᬳᬵᬫᬗ᭄ᬓᬶᬦ᭄᭞ᬫᬗ᭄ᬤᬾᬦᬾᬯᬾᬦ᭄ᬢᭂᬦ᭄ᬓᬳᬸᬢᬸᬲ᭄᭞ᬓᬤ᭄ᬳᬵᬧᬘᬂᬫᭂᬦ᭄ᬤᬓ᭄᭞
ᬫᬗᬢᬸᬭᬶᬦ᭄ᬕᬮᬸᬄᬳᬚᭂᬂᬫᬳᬵᬮᬶᬓᬸ᭞ᬫᬗ᭄ᬤᬵᬭᬯᬸᬄᬓᬓᬸᬭᬶᬧᬦ᭄᭞ᬩᬩᬯᭀᬲᬾᬲᬫᬶᬋᬤᬶᬦ᭄᭞ᬜᬦ᭄ᬤᬂᬧᬢᬸᬢ᭄ᬧᬚᬗ᭄ᬓᭂᬧᬂ᭞ᬕᬮᬸᬄᬳᬚᭂᬂᬭᬶᬂᬭᬤᬾᬦ᭄ᬲᬶᬗ᭄ᬳᬵᬫᬵᬦ᭄ᬢ᭄ᬭᬶ᭞ᬢᬸᬫᬸᬮᬶᬲᬵᬫ᭄ᬧᬸᬦ᭄ᬓ
ᬤᬯᬸᬄ᭞ᬳᬸᬢᬸᬲᬦᬾᬮᬸᬢ᭄ᬫᬚᬮᬦ᭄᭞ᬕᬕᬾᬲᭀᬦᬦ᭄᭞ᬧᬫᬃᬕ᭄ᬕᬶᬦᬾᬲᬵᬫ᭄ᬧᬸᬦ᭄ᬭᬯᬸᬄ᭞ᬤᬶᬤ᭄ᬳᬵᬮᬸᬢ᭄ᬗᬧᬸᬃᬬᬂ᭞ᬫᬋᬓ᭄ᬫᬳᬵᬮᬶᬓᬸᬕ᭄ᬮᬶᬲ᭄᭟ᬫᬳᬵᬮᬶᬓᬸᬕᬶᬭᬂᬧᬶᬲᬦ᭄᭞ᬕᬮᬸᬄᬳᬚᭂᬂᬕᬶᬭᬂᬕᬶ
[᭗᭘ 78A]
ᬭᬲ᭄ᬤᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬶᬓ᭄᭞ᬓᬾᬦᬾᬧᬫᬶᬦᭂᬄᬭᬶᬂᬓᬬᬸᬦ᭄᭞ᬚᬦᬶᬓᭀᬬᬕᬦ᭄ᬢᬶᬜ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶᬧᬘᬂᬢ᭄ᬧᬸᬓ᭄᭞ᬤᬾᬦᬶᬂᬧᬘᬂᬓᬓᬸᬭᬶᬧᬦ᭄ᬕᬕ᭄ᬮᬶᬲᬦ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭟ᬲᬭᬯᬸᬳᬾ
ᬤᬶᬓᬸᬭᬶᬧᬦ᭄᭞ᬕᬕ᭄ᬮᬶᬲᬦ᭄ᬲᬢ᭄ᬯᬦᬾᬫᬗ᭄ᬓᬶᬦ᭄᭞ᬕᬮᬸᬄᬳᬚᭂᬂᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬧᬬᬲ᭄ᬳᬸᬮᬶᬤ᭄ᬳᬵ᭞ᬩᬦ᭄ᬮ᭄ᬕᬦᬾᬧᬧᬸᬲᬸᬗᬦ᭄ᬗᬦ᭄ᬤᬂᬳᬜ᭄ᬚᬸᬃᬄ᭞ᬧᬸᬢᬦ᭄ᬲᬂᬧ᭄ᬭᬪᬹᬕᬕ᭄ᬮᬂ᭞ᬭᬤᬾᬦ᭄ᬲᬶᬗ᭄ᬳᬵᬫᬵᬦ᭄ᬢ᭄ᬭᬶᬫ
ᬗ᭄ᬓᬶᬦ᭄᭟ᬳᭂᬗ᭄ᬓᭂᬮ᭄ᬳᬶᬘᬵᬓᬓᬓᬓᬓ᭄᭞ᬳᬳᬳᬳᬳᬸᬳᬸᬅ᭄ᬤᬸᬳᬸᬅ᭄ ᬳᬶᬳᬶᬄᬳᬶᬳᬶᬄ᭞ᬮᬾᬤᬂᬓᬬᬸᬦᬾᬓᬤᬸᬭᬸᬲ᭄᭞ᬩᬦᬾᬧᬘᬂᬓᬩᬸᬜ᭄ᬘᬶᬗᬂ᭞ᬦᬾᬦᬾᬚᬦᬶᬮᬯᬸᬢ᭄ᬘᬭᬶᬢᬬᬂᬲᬵᬫ᭄ᬧᬸᬦ᭄᭞ᬧ᭄ᬢᭂᬂ
ᬜᬦ᭄ᬤᬂᬧᬳᬶᬗᬦᬦ᭄᭞ᬓᬧᬫᬺᬫᬦ᭄ᬮᬦᬂᬳᬶᬲ᭄ᬢ᭄ᬭᬶ᭟ᬲᬢ᭄ᬓᭂᬤᬾᬤᬶᬧᬫᬺᬫᬦ᭄᭞ᬕᬮᬸᬄᬳᬚᭂᬂᬢ᭄ᬯᬭᬵᬚᬢᬯᭀᬲ᭄ᬩ᭄ᬯᬶᬦ᭄᭞ᬫᬗᬢᬶᬢᭂᬫ᭄ᬚᬕ᭄ᬫᬗ᭄ᬮᬸᬢ᭄᭞ᬢᬸᬃᬫᬦᬶᬂᬗᬭᬲ᭄ᬳᬭᬲ᭄᭞ᬲᬮᬄᬲᭂᬗ᭄ᬕᬸᬄ᭞ᬫᬦᬶ
Kaca:Bali-lontar-paparikan-panji-semirang-250ppi.pdf/78
Kaca puniki sampun kauji-wacén
