[᭗᭔ 74B]
᭗᭔
ᬪᬓ᭄ᬢᬶ᭞ᬭᬤᬾᬦᬸᬓᭂᬃᬢ᭄ᬢᬵᬧᬢᬶ᭞ᬦᬾᬫᬗ᭄ᬓᬶᬦ᭄ᬫᬧᬫᬶᬢ᭄ᬲᬵᬫ᭄ᬧᬸᬦ᭄᭞ᬫᬶᬯᬄᬭᬤᬾᬦ᭄ᬯᬶᬭᬦ᭄ᬢᬵᬓᬵ᭞ᬓᬧᬫᬺᬫᬦᬾᬫᬗ᭄ᬭᬭᬶᬲ᭄᭞ᬤᬾᬦᬶᬂᬍᬲᬸᬳᬦ᭄ᬢᬸᬓ᭄ᬯᬳᬸᬭᬯᬸᬄᬧᬶᬲᬦ᭄᭟ᬧᬸᬢ᭄ᬭᬶᬦᬾᬫ
ᬲ᭄ᬯᬂᬲ᭄ᬯᬂ᭞ᬓᬶᬘᬾᬦ᭄ᬕᭂᬦᬄᬫᬓᬵᬲᬫᬶ᭞ᬫᬗ᭄ᬓᬶᬦ᭄ᬭᬶᬂᬳᬶᬤᬵᬲᬂᬦᬵᬣ᭞ᬤᬶᬢᬫᬦ᭄ᬩᬜ᭄ᬚᬭᬦ᭄ᬲᬵᬭᬷᬳᬤᬵᬤᬶᬓᬭᬂᬲᬭᬷ᭞ᬧᬥᬵᬫᬧᬼᬩᬭᬦ᭄ᬮᬸᬳᬸᬂ᭞ᬳᬤᬵᬤᬶᬓᬭᬂᬤᬸᬓᬵ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶ᭞ᬲ
ᬋᬂᬘᬶᬡ᭄ᬤ᭄ᬭᬵᬓᬶᬭᬡᬵᬚ᭄ᬭᭀᬦᬶᬂᬧᬦᬭᬗᬦ᭄᭟ᬢ᭄ᬯᬦ᭄ᬧᬸᬢ᭄ᬭᬶᬘᬶᬡ᭄ᬤ᭄ᬭᬵᬓᬶᬭᬡᬵ᭞ᬫᬵᬢᬹᬃᬫᬦᬶᬲ᭄ᬲᬳᬵᬪᬓ᭄ᬢᬶ᭞ᬫᬗ᭄ᬓᬶᬦ᭄ᬦᬧᬶᬳᬗ᭄ᬕᬾᬦ᭄ᬢᬶᬢ᭄ᬬᬂ᭞ᬫᬍᬲ᭄ᬲ᭄ᬯᬾᬘ᭄ᬘᬵᬦ᭄ᬮᬶᬗ᭄ᬕᬶᬄᬩ᭄ᬮᬶ᭞ᬳᬦ᭄ᬢᬸᬓ᭄ᬩ᭄ᬮᬶᬫᬗᬶᬘᬦᬶ
ᬦ᭄᭞ᬢᬶᬢ᭄ᬬᬂᬢᭀᬕᭀᬕ᭄ᬳ᭄ᬫᬵᬲ᭄ᬭᬢᬸ᭞ᬫᬲᭀᬯᬵᬳᬶᬦ᭄ᬤᭂᬦ᭄ᬩᭂᬃᬮ᭄ᬬᬦ᭄᭞ᬧᬸᬦᬶᬓᬵᬯᬾᬦ᭄ᬢᭂᬦ᭄ᬓᬓᬵᬮᬶᬄ᭞ᬢᭀᬕᭀᬕ᭄ᬮᬸᬳᬸᬂ᭞ᬲᬓᬶᬂᬦᬵᬕᬭᬵᬫᭂᬦ᭄ᬢᬯᬵᬦ᭄᭟ᬧᬸᬢ᭄ᬭᬶᬳᬬᬸᬗᬬᬂᬗᬬᬂ
[᭗᭕ 75A]
ᬢ᭄ᬯᬦ᭄ᬧᬸᬢ᭄ᬭᬶᬧᬸᬱ᭄ᬧᬵᬲᬭᬷ᭞ᬫ᭄ᬓᬤᬶᬧᬸᬱ᭄ᬧᬵᬚ᭄ᬯᬶᬢ᭄ᬣᬵ᭞ᬩ᭄ᬮᬶᬗᬫ᭄ᬩᬶᬮ᭄ᬫᬓᬓᬵᬮᬶᬄ᭞ᬩ᭄ᬮᬶᬦ᭄ᬭᬸᬯᬾᬬᬂᬫᬗ᭄ᬓᬶᬦ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬍᬲ᭄ᬭᬢᬸ᭞ᬲ᭄ᬯᬾᬘᬦ᭄ᬩ᭄ᬮᬶᬦᬾᬭᬶᬂᬢᬶᬢ᭄ᬬᬂ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵ
ᬧᬢᬶ᭞ᬢᬦ᭄ᬧᬲᬯᬹᬃᬧ᭄ᬭᬕᬢ᭄ᬫᬶᬗᬶᬲ᭄ᬤᬶᬲ᭄ᬯᬪᬯ᭄ᬯᬵ᭟ᬐᬧᬦ᭄ᬓᬸᬃᬐᬳᬶᬤᬵᬲᬂᬧ᭄ᬭᬪᬹᬤᬶᬤ᭄ᬳᬵ᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬫᬶᬋᬂᬳᭀᬃᬢ᭄ᬣᬵᬲᬸᬚᬢᬶ᭞ᬧᬸᬢ᭄ᬭᬦᬾᬳᬶᬤᬵᬢ᭄ᬯᬦ᭄ᬕᬮᬸᬄ᭞ᬧᬸᬢ᭄ᬭᬶᬘᬡ᭄ᬤ᭄ᬭᬵᬓᬶᬭᬡᬵ
᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬭᬶᬂᬓᬸᬭᬶᬧᬦ᭄ᬢ᭄ᬯᬦ᭄ᬕᬮᬸᬄ᭞ᬲᬭᬯᬸᬳᬾᬫᬲᬋᬗᬦ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭟ᬳᬶᬤᬵᬲᬗ᭄ᬧ᭄ᬭᬪᬹᬦ᭄ᬤᬯᬸᬳᬂ᭞ᬭᬶᬂᬧᬸᬗ᭄ᬕᬯ᭄ᬯᬵᬦᬩ᭄ᬤᬩ᭄ᬧᬘᬂᬫᬗᬶᬭᬶᬂ᭞ᬧᬗᬶᬭᬶᬗᬾᬲᬵ
ᬫ᭄ᬧᬸᬦ᭄ᬓᬸᬫ᭄ᬧᬸᬮ᭄᭞ᬲᬂᬧ᭄ᬭᬪᬹᬭᬭᬶᬲ᭄ᬫᬫᬃᬕ᭄ᬕᬵ᭞ᬓᬓᬸᬭᬶᬧᬦ᭄ᬮᬾᬤᬂᬓᬬᬸᬦᬾᬫᬫᬸᬧᬸᬢ᭄᭞ᬧᬮᬸᬗᬦᬾᬫᬲᬋᬗᬦ᭄᭞ᬦᬾᬫᬧᬭᬩ᭄ᬫᬳᬵᬤᬾᬯᬶ᭟ᬢ᭄ᬯᬭᬵᬳᬸᬘᬧᬂᬤᬶᬚᬮᬦ᭄᭞
Kaca:Bali-lontar-paparikan-panji-semirang-250ppi.pdf/75
Kaca puniki sampun kauji-wacén
