[᭗᭓ 73B]
᭗᭓
ᬕᬸᬫᬦᬵᬧᬘᬂᬳᬮᬶᬄ᭞ᬳᬧᬂᬢ᭄ᬯᬭᬵᬗ᭄ᬮᬾᬦᬶᬦ᭄ᬩ᭄ᬭᬓᬵᬦᬾᬦᬾᬲᬸᬩᬵ᭟ᬭᬭᬶᬲ᭄ᬕᭂᬮᬶᬲ᭄ᬫᬗᬦ᭄ᬤᬶᬓᬵ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬇᬄᬳᬶᬩᬵᬧᬸᬦ᭄ᬢᬵᬓᬃᬢ᭄ᬢᬮᬵ᭚ᬓ᭄ᬫᬵᬳᬶᬩᬵᬗᬫᬮ᭄ᬯᬶᬦ᭄᭞ᬢᬸᬦᬶᬩᬬᬂᬦᬾ
ᬦᬾᬚᬦᬶ᭞ᬓᬓᬸᬭᬶᬧᬦ᭄ᬭᬶᬂᬲᬂᬧ᭄ᬭᬪᬹ᭞ᬳᬶᬧᬸᬦ᭄ᬢᬵᬓᬃᬢ᭄ᬢᬮᬵᬫᬚᬮᬦ᭄᭞ᬕᬕᬾᬲᭀᬦ᭄ᬬᬵᬫᬫᬃᬕ᭄ᬕᬶ᭞ᬧᬚᬮᬦᬾᬓᬸᬘᬸᬧ᭄ᬢ᭄ᬯᬭᬵᬫᬢᭀᬮᬶᬳᬦ᭄᭟ᬳᬶᬧᬸᬦ᭄ᬢᬵᬓᬃᬢ᭄ᬢᬮᬵᬕᬶᬭᬂ᭞ᬢ᭄ᬯᬭᬵᬦᬯᬂᬍᬍᬄ
ᬕᬶᬕᬶᬲ᭄᭞ᬍᬕᬦ᭄ᬜᬦᬾᬢᬦ᭄ᬲᬧᬶᬭᬵ᭞ᬫ᭄ᬚᬮᬦ᭄ᬲᬮᬶᬂᬮᬗ᭄ᬓᬸᬗᬶᬦ᭄᭞ᬳᬚᬳᬦ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬢᬸᬫᬸᬮᬶᬲᬵᬫ᭄ᬧᬸᬦ᭄ᬫᬳᬢᬹᬃ᭞ᬲᬳᬵᬲᭂᬫ᭄ᬩᬄᬭᬶᬂᬲᬂᬦᬵᬣ᭞ᬲᬂᬧ᭄ᬭᬪᬹᬮᬾᬤᬂᬢᬦ᭄ᬲᬶᬧᬶ᭞ᬫᬦᬯᬸᬳᬂᬦᬩ᭄ᬤ
ᬩᬂᬧᬘᬂᬧᬫᭂᬦ᭄ᬤᬓ᭄᭟ᬢᬸᬮᬸᬩᬮᬗᭂᬲᬶᬦᬫ᭄ᬬᬦ᭄᭞ᬫᬜ᭄ᬘᬧᬸᬗ᭄ᬕᬯ᭄ᬯᬵᬧ᭄ᬭᬫᬦ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬓᬸᬫ᭄ᬧᬸᬮ᭄ᬭᬶᬂᬩᬜ᭄ᬘᬶᬗᬄ᭞ᬳᬩ᭄ᬭᬶᬬᬸᬓᬦ᭄ᬮᬸᬢ᭄ᬫᬫᬵᬃᬕ᭄ᬕᬶ᭞ᬫᬧᭂᬦ᭄ᬤᬓ᭄ᬩᬦ᭄ᬤᭀᬂᬩᬾᬭᬶ᭞ᬫᬶᬯᬄᬢᬫ᭄ᬩᬸᬭᬾᬤᬶ
[᭗᭔ 74A]
ᬫᬮᬸ᭞ᬩᬭᬶᬲ᭄ᬫᬧᭂᬗᬗ᭄ᬕᭀᬳ᭄ᬫᬵᬲ᭄᭞ᬓᬳᬢᭂᬃᬩᬦ᭄ᬫᬜ᭄ᬘᬫᬵᬦ᭄ᬢ᭄ᬭᬶ᭞ᬧᬫᭂᬦ᭄ᬤᬓᬾᬲᬸᬩᬵᬫᬘᬸᬦ᭄ᬤᬸᬓ᭄ᬤᬶᬚᬮᬦ᭄᭟ᬲᬭᬯᬸᬳᬾᬭᬶᬂᬓᭀᬭᬶᬧᬦ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶ᭞ᬲᬵᬫ᭄ᬧᬸᬦ᭄ᬭᬭᬶᬲ᭄ᬗᬧᬸᬃᬬᬂ
ᬫᬶᬯᬄᬢ᭄ᬯᬦ᭄ᬧᬸᬢ᭄ᬭᬶᬦᬾᬲᬫᬶ᭞ᬮᬶᬦ᭄ᬢᬂᬧ᭄ᬭᬫᬶᬰ᭄ᬯᬭᬶ᭞ᬫᬶᬯᬄᬳᬶᬤᬵᬲᬂᬧ᭄ᬭᬪᬹ᭞ᬤᬾᬦᬶᬂᬳᭀᬓᬦᬾᬧ᭄ᬭᬧ᭄ᬢᬵ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬫᬳᬶᬭᬶᬗᬦ᭄ᬧᬸᬢ᭄ᬭᬶᬍᬯᬶᬄᬍᬯᬶᬄᬧᬶᬲᬦ᭄᭟ᬫᬗ᭄ᬓᬶᬦ᭄ᬲᬵ
ᬫ᭄ᬧᬸᬦ᭄ᬓᬧᬶᬤᬃᬢ᭄ᬣᬵ᭞ᬲᬓᬡ᭄ᬥᬵᬓᬡ᭄ᬥᬵᬦᬾᬲᬫᬶ᭞ᬲᬓᬶᬂᬓᬯᬶᬢ᭄ᬓᬦ᭄ᬢᭀᬲ᭄ᬳᬸᬲᬦ᭄᭞ᬲᬂᬧ᭄ᬭᬪᬹᬗᬦ᭄ᬤᬶᬓᬵᬳᬭᬶᬲ᭄᭞ᬦᬾᬢ᭄ᬜᬾᬦᬓ᭄ᬫᬸᬦᬶ᭞ᬳᬚᬓ᭄ᬳᬶᬤᬾᬯ᭄ᬯᬵᬢᬹᬃᬩᬕᬸᬲ᭄᭞ᬧᬲᬯᬸᬭᬾᬲᬳᬵᬲᭂᬫ᭄ᬩᬄ
᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬳᭀᬓᬦ᭄ᬳᬶᬤᬵᬲᬂᬧ᭄ᬭᬪᬹᬭᬶᬂᬚᬕᬵᬭᬕᬵ᭟ᬧᬭᬩ᭄ᬭᬤᬾᬦ᭄ᬯᬶᬭᬵᬦ᭄ᬢᬓᬵ᭞ᬦᬗ᭄ᬳᬶᬂᬓᬢᬶᬗ᭄ᬕᬮᬦ᭄ᬳᬚᬶ᭞ᬲᬵᬫ᭄ᬧᬸᬦ᭄ᬭᬸᬲᬓ᭄ᬭᬶᬂᬧᬬᬸᬤᬦ᭄᭞ᬓᬾᬢᭀᬢᬢᬹᬭᬾᬗ
Kaca:Bali-lontar-paparikan-panji-semirang-250ppi.pdf/74
Kaca puniki sampun kauji-wacén
