[᭗᭕ 75B]
᭗᭕
ᬲᬕᬾᬢ᭄ᬦᬧᬓ᭄ᬤᬶᬓᬸᬭᬶᬧᬦ᭄ᬫᬗ᭄ᬭᬭᬶᬲ᭄᭞ᬓᬧᬸᬭᬶᬳᬶᬤᬵᬲᬵᬫ᭄ᬧᬸᬦ᭄᭞ᬫᬳᬵᬤᬾᬯᬶᬓᬧᬫᬺᬫᬦ᭄᭞ᬧ᭄ᬭᬫᬶᬰ᭄ᬯᬭᬶᬳᬶᬭᬶᬓᬵᬲᬵᬫ᭄ᬧᬸᬦ᭄ᬫᬮᬸᬗ᭄ᬕᬸᬄ᭞ᬧ᭄ᬭᬫᬶᬰ᭄ᬯᬭᬶᬭᬭᬶᬲ᭄ᬗᬸᬘᬧ᭄᭞ᬗᬦ᭄ᬤᬶᬓᬵᬭᬶᬂᬫᬳᬵ
ᬤᬾᬯᬶ᭟ᬯ᭄ᬬᬓ᭄ᬢᬶᬓᬾᬲᬂᬧ᭄ᬭᬪᬹᬤ᭄ᬳᬵ᭞ᬩᬗᭂᬢ᭄ᬧᬶᬲᬦ᭄ᬫᬦᬸᬳᬸᬢᬂᬳᬦᬓ᭄ᬳᬶᬲ᭄ᬢ᭄ᬭᬶ᭞ᬓᬢᬶᬢᬄᬩᬦ᭄ᬫᬳᬵᬮᬶᬓᬸ᭞ᬲᬧᬸᬦᬶᬓᬵᬦᬾᬓᬳᬸᬘᬧ᭄᭞ᬫᬳᬵᬤᬾᬯᬶᬧᬲᬯᬸᬭᬾᬮᬶᬦ᭄ᬢᬂᬳᬮᬸᬲ᭄᭞ᬯᬦ᭄ᬢᬄ
ᬲᬯ᭄ᬬᬓ᭄ᬢᬶᬧᬶᬲᬦ᭄᭞ᬳᬯᬦᬦ᭄ᬲ᭄ᬓᬤᬶᬫᬗ᭄ᬓᬶᬦ᭄᭟ᬩᬩᬯᭀᬲᬾᬧᬓᬮᬶᬳᬦ᭄᭞ᬫᬳᬵᬤᬾᬯᬶᬫᬗᬶᬭᬶᬂᬧ᭄ᬭᬫᬶᬰ᭄ᬯᬭᬶ᭞ᬫᬗ᭄ᬭᬯᭀᬲᬂᬫᬳᬵᬮᬶᬓᬸ᭞ᬧᬥᬵᬗᭂᬫ᭄ᬩᭂᬂᬢᭀᬬᬜ᭄ᬘᬶᬗᬓ᭄᭞ᬫ
ᬗᬦ᭄ᬤᬶᬓᬵᬦ᭄ᬤᬯᬸᬳᬂᬳᬶᬤᬵᬲᬂᬧ᭄ᬭᬪᬹ᭞ᬗᬸᬢᬸᬲ᭄ᬫᬗ᭄ᬲᬾᬗᬶᬦ᭄ᬧᬸᬢᬺ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶ᭟ᬲᬭᬯᬸᬳᬾᬭᬭᬶᬲ᭄ᬜᭂᬫ᭄ᬩᬄ᭞ᬭᬶᬂᬳᬚᬶᬦ᭄ᬤᬵᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶ᭞ᬲᬋᬂᬳᬶᬤᬵᬢ᭄ᬯᬦ᭄ᬕᬮᬸᬄ
[᭗᭖ 76A]
ᬕᬮᬸᬄᬘᬶᬡ᭄ᬤ᭄ᬭᬵᬓᬶᬭᬡᬵ᭞ᬲᬵᬫ᭄ᬧᬸᬦ᭄ᬦᬗ᭄ᬓᬶᬮ᭄᭞ᬭᬶᬂᬳᬚᬶᬦ᭄ᬤᬵᬲᬫᬶᬗᬸᬦ᭄ᬢᬸᬓ᭄᭞ᬫᬢᬶᬢᬹᬃᬲᬂᬧ᭄ᬭᬪᬹᬤ᭄ᬳᬵ᭞ᬭᬶᬂᬭᬓᬦ᭄ᬤᬵᬲᬳᬵᬪᬓ᭄ᬢᬶ᭟ᬇᬗ᭄ᬕᬶᬄᬩ᭄ᬮᬶᬫᬦᬄᬢᬶᬢ᭄ᬬᬂ᭞ᬬᬦ᭄ᬓᬧᬢᬸᬢ᭄ᬧᬩᬸᬜ᭄ᬘᬶᬗᬂᬲ
ᬦᬾᬫᬗ᭄ᬓᬶᬦ᭄᭞ᬗᬶᬭᬶᬂᬧᬓᬵᬃᬬᬦᬂᬭᬵᬢᬸ᭞ᬕᬮᬸᬄᬘᬶᬡ᭄ᬤ᭄ᬭᬵᬓᬶᬭᬡᬵ᭞ᬭᬶᬂᬭᬳᬤᬾᬳᬶᬦᬸᬓᬃᬢ᭄ᬣᬧᬢᬶᬭᬢᬸ᭞ᬳᬶᬤᬵᬲᬂᬧ᭄ᬭᬪᬹᬓᬸᬭᬶᬧᬦ᭄᭞ᬫᬩ᭄ᬭᬶᬬᬸᬓ᭄ᬫᬢᬸᬢᬂᬲᬫᬶ᭟ᬳᬸᬢᬸᬲᬦ᭄ᬤᬤ᭄ᬯᬵᬫᬚᬮ
ᬦ᭄᭞ᬓᬕᬕ᭄ᬮᬂᬳᬶᬓᬃᬢ᭄ᬢᬮᬵᬳᬶᬚ᭄ᬭᬸᬤᬶ᭞ᬗᬢᬸᬭᬶᬦ᭄ᬳᬶᬤᬵᬲᬂᬧ᭄ᬭᬪᬹ᭞ᬫᬗ᭄ᬤᬵᬭᬯᬸᬄᬓᬓᬸᬭᬶᬧᬦ᭄᭞ᬲᬭᬯᬸᬳᬾᬭᬶᬂᬕᬕ᭄ᬮᬂᬧᬋᬓ᭄ᬱᬵᬫ᭄ᬧᬸᬦ᭄᭞ᬓᬧᬸᬭᬶᬭᬶᬂᬲᬂᬦᬵᬣ᭞ᬲᬵᬫ᭄ᬧᬸᬦ᭄ᬓᬧᬶᬤᬃᬢ᭄ᬢᬵᬲᬫᬶ᭟
ᬮ᭄ᬬᬂᬲᬂᬧ᭄ᬭᬪᬹᬕᬕ᭄ᬮᬂ᭞ᬫᬶᬋᬂᬳᬢᬹᬃᬳᬶᬓᬢ᭄ᬢᬮᬵᬳᬶᬚ᭄ᬭᬸᬤᬶ᭞ᬕ᭄ᬮᬶᬲ᭄ᬫᬦ᭄ᬤᬯᬸᬳᬂᬲᬫ᭄ᬧᬸᬦ᭄᭞ᬯᬢᭂᬓ᭄ᬧᬗᬶᬭᬶᬂᬲᬫ᭄ᬬᬦ᭄᭞ᬲᬲᬵᬫ᭄ᬧᬸᬦᬾᬧᬗᬶᬭᬶᬗᬾᬲᬫᬶᬭᬯᬸᬄ᭞ᬲᬂᬧ᭄ᬭᬪᬹᬭᬭᬶᬲ᭄ᬫᬫᬵᬃᬕ᭄ᬕᬵ᭞ᬫᬲᬋᬗ
Kaca:Bali-lontar-paparikan-panji-semirang-250ppi.pdf/76
Kaca puniki sampun kauji-wacén
