[᭖᭗ 67B]
᭖᭗
ᬦ᭄ᬧᬸᬢ᭄ᬭᬶᬓᬸᬲᬸᬫᬵᬲᬭᬷ᭞ᬓᬾᬢᭀᬧᬭᬩᬾᬓᬧᬸᬚᬶ᭞ᬫᬓᬵᬤᬤ᭄ᬯᬵᬲᬸᬩᬵᬓᬢᬹᬃ᭞ᬭᬶᬂᬧᬜ᭄ᬚᬶᬚᬬᬾᬂᬓᬸᬲᬸᬫᬵ᭞ᬘᬭᬶᬢᬬᬂᬦᬾᬦᬾᬚᬦᬶ᭞ᬭᬤᬾᬦ᭄ᬧᬜ᭄ᬚᬶᬚᬬᬾᬂᬓᬸᬲᬸᬫᬵ᭞ᬫᬦ᭄ᬢᬸᬓᬦ᭄᭟ᬫ
ᬗᬜ᭄ᬚᬶᬂᬤᬶᬧᬫᬺᬫᬦ᭄᭞ᬧᬫᬺᬫᬦᬾᬦᬶᬮᬵᬯᬢᬶ᭞ᬧᬸᬢ᭄ᬭᬶᬦᬶᬮᬵᬯᬢᬶᬜᭂᬫ᭄ᬩᬄ᭞ᬫᬵᬢᬹᬃᬫᬶᬤᬃᬢᬬᬂᬫᬗ᭄ᬓᬶᬦ᭄᭞ᬲ᭄ᬓᬤᬶᬓᬦ᭄ᬤᬦᬾᬲᬫᬶ᭞ᬫᬗ᭄ᬤᬵᬩ᭄ᬮᬶᬯᬶᬓᬦ᭄ᬭᬢᬸ᭞ᬢ᭄ᬯᬦ᭄ᬧᬸᬢ᭄ᬭᬶᬦᬯᬂᬘᬶᬡ᭄ᬥ᭄ᬭ᭞ᬲᬦᬾᬳᬶᬦᬸ
ᬦᬶᬦ᭄ᬲᭂᬓᬶᬦ᭄᭞ᬦᬾᬫᬯᬱ᭄ᬝᬵᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭟ᬦᬯᬶᬧᬸᬢ᭄ᬭᬶᬦᬯᬂᬘᬶᬡ᭄ᬥ᭄ᬭᬵ᭞ᬓᬸᬮᬗᬸᬦᬦ᭄ᬩᬸᬤᬸᬄᬧᬮᬶᬂ᭞ᬭᬶᬂᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭞ᬚᬬᬾᬂᬓᬸᬲᬸᬫᬵᬦᬾᬫᬗ᭄ᬓᬶᬦ᭄᭞ᬧᬫᭂᬗ᭄ᬕᬳᬾᬢᬦ᭄ᬲᬶ
ᬦᬶᬧᬶ᭞ᬫᬤᭀᬳᭀᬲᬦ᭄ᬕ᭄ᬮᬶᬲ᭄ᬜᬸᬚᬹᬃ᭞ᬓᬧᬫᬺᬫᬦ᭄ᬦᬯᬂᬘᬶᬡ᭄ᬥ᭄ᬭᬵ᭞ᬦᬓᬾᬦᬶᬦ᭄ᬳᬶᬤᬵᬢ᭄ᬯᬦ᭄ᬧᬸᬢ᭄ᬭᬶ᭞ᬰ᭄ᬯᬪᬯᬦᬾᬲ᭄ᬩᬸᬄᬤᬾᬦᬶᬂᬮᬶᬦ᭄ᬢᬂᬫᬗ᭄ᬕᭂᬄ᭟ᬢ᭄ᬯᬦ᭄ᬧᬸᬢ᭄ᬭᬶᬦᬯᬂᬘᬶᬡ᭄ᬥ᭄ᬭ᭞ᬫᬜᬸᬫ᭄ᬩᬄᬳᬢᬹ
[᭖᭘ 68A]
ᬭᬾᬫᬦᬶᬲ᭄᭞ᬤᬶᬚᬵᬯᬾᬦ᭄ᬢᭂᬦ᭄ᬫᬃᬕ᭄ᬕᬶᬦ᭄ᬢᬶᬢ᭄ᬬᬂ᭞ᬓᬸᬮᬗᬸᬦᬦ᭄ᬩᬸᬤᬸᬄᬧᬮᬶᬂ᭞ᬭᬶᬂᬕᬫ᭄ᬩᬸᬄᬧᬸᬦᬶᬓᬵᬩ᭄ᬮᬶ᭞ᬢᬶᬢ᭄ᬬᬂᬩᬦ᭄ᬢᬲ᭄ᬓᬾᬦ᭄ᬓᬾᬦ᭄ᬭᬢᬸ᭞ᬫᬲᭀᬮᬄᬗ᭄ᬮᬫ᭄ᬧᬳᬂ᭞ᬧᬜ᭄ᬚᬶᬲ᭄ᬫᬶᬭᬂᬲᬯ᭄ᬬᬓ᭄ᬢᬶ᭞ᬢᬶᬢ᭄ᬬᬂᬤ᭄ᬫᭂ
ᬦ᭄ᬭᬶᬂᬮᬮᬫ᭄ᬧᬳᬦ᭄ᬧᬸᬦᬶᬓᬵ᭟ᬓ᭄ᬭᭀᬥᬦᬾᬚᬬᬾᬂᬓᬸᬲᬸᬫᬵ᭞ᬳᬮᬄᬤᬫ᭄ᬧᭂᬄᬧᬭᬵᬚᬦᬶ᭞ᬢᬸᬫᬸᬮᬶᬫᬵᬮᬶᬄᬫᬢᬸᬮᬓ᭄᭞ᬓᬧᬫᬺᬫᬦ᭄ᬦᬶᬮᬵᬯᬢᬶ᭞ᬢ᭄ᬯᬦ᭄ᬧᬸᬢ᭄ᬭᬶᬦᬶᬮᬵᬯᬢᬶ᭞ᬫᬜᬸᬫ᭄ᬩᬄᬭᬭᬶ
ᬲ᭄ᬫᬳᬢᬹᬃ᭞ᬬᬦ᭄ᬢᬶᬢ᭄ᬬᬂᬗᬫᬦᬳᬂ᭞ᬢᬢᬶᬗ᭄ᬓᬳᬦᬾᬲᬳᬶᬭᬶᬩ᭄᭞ᬳᬦᬓ᭄ᬳ᭄ᬮᬸᬄᬳᬶᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭟ᬫᬦᬯᬶᬧᬜ᭄ᬚᬶᬲ᭄ᬫᬶᬭᬂ᭞ᬢᬍᬃᬢᬾᬲᬼᬄᬲᬼᬳᬶᬦ᭄᭞ᬚᬬᬾᬂᬓᬸᬲᬸᬫᬵᬳᬗᬸᬘᬧ᭄᭞ᬩ᭄ᬮᬶ
ᬢᬦ᭄ᬧᬜ᭄ᬚᬂᬫᬗᬶᬭᬶᬂ᭞ᬲ᭄ᬓᬤᬶᬓᬬᬸᬦ᭄ᬳᬤᬶ᭞ᬓᬾᬢᭀᬧᬗ᭄ᬭᬯᭀᬲᬾᬧᬸᬧᬸᬢ᭄᭞ᬚᬦᬶᬲᬸᬩᬵᬦᬫ᭄ᬧᬶᬲᬜ᭄ᬚᬵ᭞ᬢᬸᬫᬸᬮᬶᬲᬵᬫ᭄ᬧᬸᬦ᭄ᬫᬗ᭄ᬭᬜ᭄ᬚᬶᬂ᭞ᬫᬓᬵᬧᬶᬢᬸᬕᬫ᭄ᬩᬸᬳᬾᬤᬤᬶᬳᬓᬫᬃ᭟ᬗ᭄ᬳᬶᬂᬚᬬᬾᬂ
Kaca:Bali-lontar-paparikan-panji-semirang-250ppi.pdf/68
Kaca puniki sampun kauji-wacén
