[᭖᭘ 68B]
ᬓᬸᬲᬸᬫᬵᬳᭀᬲᬄ᭞ᬢ᭄ᬯᬭᬵᬲᬸᬳᬸᬤ᭄ᬫᬜᬼᬳᬶᬦ᭄᭞ᬚᬦᬶᬲᬸᬩᬵᬧ᭄ᬢᭂᬂᬧᬶᬲᬦ᭄᭞ᬮᬶᬯᬢ᭄ᬢᭂᬓᬾᬦ᭄ᬢ᭄ᬗᬄᬯ᭄ᬗᬶ᭞ᬲ᭄ᬬᭂᬧ᭄ᬲᭂᬧᬶᬫᬶᬫᬶᬢ᭄ᬕᬢᬶ᭞ᬦᬾᬚᬦᬶᬘ᭄ᬭᬶᬢᬬᬂᬗ᭄ᬮᬯᬸᬢ᭄᭞ᬕᬫ᭄ᬩᬸᬄᬯᬃᬕ᭄ᬕᬳᬲ᭄ᬫᬭᬵ᭞ᬧᬦ
ᬓ᭄ᬧᬤᬓᬦᬾᬳᬫ᭄ᬩᬶᬮ᭄᭞ᬤᬶᬧᬫᬺᬫᬦ᭄ᬲᬗ᭄ᬓᬮ᭄ᬢᬸᬃᬫᬲᭂᬲᬫ᭄ᬩᬢᬦ᭄᭟ᬥᬹᬄᬳᬶᬤᬾᬯ᭄ᬯᬵᬲᬬᬂᬧᬶᬲᬦ᭄᭞ᬧᬦᬓ᭄ᬩ᭄ᬬᬂᬧᬶᬦᬶᬂᬓ᭄ᬮᬶᬄ᭞ᬦᬾᬚᬦᬶᬳᬚᬶᬦ᭄ᬳᬶᬤᬾᬯ᭄ᬯᬵ᭞ᬤᬶᬚ᭄ᬭᭀᬦᬶᬂᬦ᭄ᬕᬭᬵᬤᬶᬦᬶ᭞ᬩᬶ
ᬦ᭄ᬧᬶᬤᬦ᭄ᬤᭀᬂᬓᬧᬗ᭄ᬕᬶᬄ᭞ᬚᬦᬶᬳᬶᬤᬾᬯ᭄ᬯᬵᬦᬸᬮᬘᬹᬃ᭞ᬫᬦᬦ᭄ᬤᬗᬶᬦ᭄ᬳᬚᬓ᭄ᬩ᭄ᬬᬂ᭞ᬳᬶᬩᬧᬵᬩᬲ᭄ᬤᬤᬶᬳᬢᬶ᭞ᬫᬗᬸᬮᬸᬭᬶᬦ᭄ᬓᬬᬸᬦ᭄ᬳᭂᬗ᭄ᬲᬧ᭄ᬢ᭄ᬓᬾᬦ᭄ᬩ᭄ᬬᬂ᭟ᬚᬬᬾᬂᬓᬸᬲᬸᬫᬵᬫ᭄ᬤᬲᬂ᭞ᬤᬶᬲᬗ᭄ᬮᬤᬾ
ᬲᬵᬫ᭄ᬧᬸᬦ᭄ᬗᬶᬦ᭄ᬢᬶᬧ᭄᭞ᬲᬧᬭᬶᬧᭀᬮᬄᬓᬘᬶᬗᬓ᭄᭞ᬢ᭄ᬮᬲ᭄ᬓᬧᬶᬋᬗᬦ᭄ᬲᬫᬶ᭞ᬢᬶᬗ᭄ᬓᬳᬾᬫᬧᬰᬶᬳᬶᬦ᭄᭞ᬢᭀᬕᭀᬕᬾᬚᬸᬫᬳᬦ᭄ᬓ᭄ᬮᬫ᭄ᬩᬸ᭞ᬚᬬᬾᬂᬓᬸᬲᬸᬫᬵᬗᬤᬸᬄ᭞ᬢᭀᬂᬫᬫ᭄ᬧᬸᬄ
[᭖᭙ 69A]
ᬩᬳᬦ᭄ᬗᬫ᭄ᬧᭂᬢᬶᬦ᭄᭞ᬫᬗᬤᬾᬦᬂᬰᬶᬰᬶᬦ᭄ᬓ᭄ᬮᬫ᭄ᬩᬸᬦᬾᬫᬸᬮᬶᬤᬦ᭄᭟ᬕᬫ᭄ᬩᬸᬳᬾᬦᬾᬦᬾᬳ᭄ᬮᬾᬦᬦ᭄᭞ᬧᬸᬍᬲ᭄ᬫᬓᬵᬳ᭄ᬦᭂᬫ᭄ᬤᬶᬭᬶ᭞ᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭞ᬜᬸᬫᬶᬗ᭄ᬓᬶᬦᬂᬗᬰᬶᬄᬳᬰᬶᬄ
ᬲᬶᬦᬄᬓᬘᬶᬗᬓ᭄ᬫᬗ᭄ᬓᬶᬦ᭄᭞ᬢᭀᬕᭀᬕ᭄ᬧᬓᬶᬭᬶᬫᬾᬫᬮᬸ᭞ᬓ᭄ᬮᬫ᭄ᬩᬸᬦᬾᬮᬯᬸᬢ᭄ᬳᬸᬗ᭄ᬓᬩᬂ᭞ᬢᬗᬦᬾᬭᬭᬶᬲ᭄ᬓᬳᬫ᭄ᬩᬶᬮ᭄᭞ᬩᬩᬂᬕ᭄ᬮᬸᬳᬶᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭟ᬗᬢᬾᬧᬾᬲᬂᬢᭀᬂᬜᬶᬤᬬᬂ
᭞ᬢᬗᬦᬾᬲᬸᬩᬵᬓᬕᬶᬲᬶ᭞ᬚᬬᬾᬂᬓᬸᬲᬸᬫᬵᬦ᭄ᬓᭂᬓᬂ᭞ᬳᭂᬦ᭄ᬢᭂᬦ᭄ᬕᬫ᭄ᬩᬸᬳᬾᬦᭂᬫ᭄ᬤᬶᬭᬶ᭞ᬫᬓ᭄ᬚᬂᬧᬥᬫ᭄ᬮᬳᬶᬩ᭄᭞ᬫᭂᬗ᭄ᬓᭂᬩ᭄ᬫᬓ᭄ᬚᬂᬜᬮᬸᬓ᭄ᬲᬸᬓ᭄᭞ᬜᬮᬸᬩ᭄ᬲᬸᬩ᭄ᬚᭂᬚᭂᬄᬧᬶᬲᬦ᭄᭞ᬓᬾᬦᬾᬧᬫᬃᬡ᭄ᬦᬦᬾᬲᬫᬶ᭞
ᬚᬦᬶᬕᬦ᭄ᬢᬶᬭᬳᬲ᭄ᬬᬦᬾᬓᬮ᭄ᬓᬢᬭᬵ᭟ᬳᬶᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭞ᬢᭀᬕᭀᬕ᭄ᬢᭀᬕᭀᬕᬦᬾᬭᬭᬶᬲ᭄᭞ᬕ᭄ᬮᬶᬲ᭄ᬲᬵᬫ᭄ᬧᬸᬦ᭄ᬓᬳᭂᬦ᭄ᬢᬸᬗᬂ᭞ᬚᬬᬾᬂᬓᬸᬲᬸᬫᬵᬦᬾᬫᬗ᭄ᬓᬶᬦ᭄᭞ᬗᬦ᭄ᬤᬶᬓᬵᬩᬦ᭄ᬩᬦ᭄ᬫᬦᬶ
Kaca:Bali-lontar-paparikan-panji-semirang-250ppi.pdf/69
Kaca puniki sampun kauji-wacén
