[᭖᭖ 66B]
᭖᭖
ᬬᬸᬦᬾᬫᬯᬸᬯᬸᬄ᭞ᬫᬶᬯᬄᬧᬸᬢ᭄ᬭᬶᬦᬯᬂᬘᬶᬡ᭄ᬥ᭄ᬭᬵ᭞ᬮᬾᬤᬂᬓᬬᬸᬦᬾᬫᬗᬓ᭄ᬱᬶ᭞ᬲᬵᬫ᭄ᬧᬸᬦ᭄ᬳᬸᬲᬦ᭄ᬕᬫ᭄ᬩᬸᬳᬾᬫᬗ᭄ᬓᬶᬦ᭄ᬫᬲᭀᬮᬄ᭟ᬢ᭄ᬯᬦ᭄ᬧᬸᬢ᭄ᬭᬶᬦᬯᬂᬘᬶᬡ᭄ᬥ᭄ᬭᬵ᭞ᬫᬗᬾᬗ᭄ᬕᬮᬂᬫᬦ᭄ᬲᭂᬓᬶᬦ᭄᭞ᬳᬶᬕᬫ᭄ᬩᬸᬄᬯᬃᬕ᭄ᬕᬵ
ᬳᬲ᭄ᬫᬭᬵ᭞ᬓᬘᬶᬗᬦ᭄ᬩᬦᬶᬮᬵᬯᬢᬶ᭞ᬮᬯᬸᬢ᭄ᬳᬸᬘᬧᬂᬚᬦᬶ᭞ᬧᬲ᭄ᬬᬢᬾᬲᬮᬶᬂᬳᬫᬸᬓ᭄᭞ᬚᬬᬾᬂᬓᬸᬲᬸᬫᬵᬦ᭄ᬭᬚᬂ᭞ᬚᬭᬦ᭄ᬗᬫᬸᬓ᭄ᬗᬸᬩᬲ᭄ᬳᬩᬶᬲ᭄᭞ᬬᬦ᭄ᬳᬓᬸᬤᬵᬮ᭄ᬬᬸᬦ᭄ᬫᬸᬲᬸᬳᬾᬦᬾᬧ᭄ᬚᬄ᭟ᬕ᭄ᬮᬶᬲ᭄ᬧᬢᬶᬄᬕᬗ᭄ᬕᬵᬲᬹᬭᬵ᭞
ᬚᬬᬾᬂᬓᬸᬲᬸᬫᬵᬓᬳᬸᬗ᭄ᬲᬶ᭞ᬫᬤᬤᬕᬬᬦ᭄ᬫᬬᬸᬤᬵ᭞ᬧᬢᬶᬄᬕᬗ᭄ᬕᬵᬲᬹᬭᬵᬓ᭄ᬦᬶ᭞ᬮᬫ᭄ᬩᬸᬗᬾᬓᬧᬦᬳᬶᬦ᭄᭞ᬕ᭄ᬢᬶᬳᬾᬧ᭄ᬲᬸᬦᬍᬩᬸᬢ᭄᭞ᬮᬯᬸᬢ᭄ᬫᬗ᭄ᬫᬲᬶᬦ᭄ᬭᬸᬲᬓ᭄᭞ᬢᬦ᭄ᬥᬸᬫᬤᬾᬜᬕ᭄ᬚᬕ᭄᭞ᬦᬾᬫᬧ
ᬭᬩ᭄ᬲᬶᬭᬵᬧᬢᬶᬄᬕᬚᬄᬫᬾᬢ᭄ᬣᬵ᭟ᬚᬬᬾᬂᬓᬸᬲᬸᬫᬵᬓᬲᭂᬫ᭄ᬧᬮ᭄᭞ᬦᬗ᭄ᬳᬶᬂᬢ᭄ᬯᬭᬵᬦᬦ᭄ᬤᬂᬓᬦᬶᬦ᭄᭞ᬫᬗ᭄ᬯᬍᬲ᭄ᬦ᭄ᬯᭂᬓ᭄ᬜᭂᬓᭂᬦᬂ᭞ᬓ᭄ᬦᬶᬢᬗ᭄ᬓᬄᬗᭂᬫ᭄ᬩᬸᬢ᭄ᬕ᭄ᬢᬶᬄ᭞ᬳᬶᬕᬚᬄᬫᬾᬢ᭄ᬣᬵᬜᬸᬗ᭄ᬓᬶᬮᬶᬂ᭞ᬮᬯᬸ
[᭖᭗ 67A]
ᬢ᭄ᬲᬾᬤᬵᬜᬋᬗ᭄ᬓᬸᬦᬸᬓ᭄᭞ᬫᬓᭀᬧ᭄ᬮᭀᬓ᭄ᬧᬥᬵᬫᬲᬹᬃᬬ᭄ᬬᬓ᭄᭞ᬳᬶᬯᬶᬭᬸᬦ᭄ᬳᬶᬓᬮᬂᬦᬶᬗ᭄ᬓ᭄ᬭᬶᬓ᭄᭞ᬫᬗᬶᬕ᭄ᬮᬶᬦ᭄ᬧᬜ᭄ᬚᬓ᭄ᬮᬲᭂᬫᬾᬓᬧ᭄ᬲᬦ᭄᭟ᬤ᭄ᬯᬦᬶᬂᬫᬗ᭄ᬭᬱᬵᬓᬲᭀᬭᬦ᭄᭞ᬲᬂᬧ᭄ᬭᬪᬹᬮᬲᭂᬫ᭄ᬦᬾᬫᬗ᭄ᬓᬶᬦ᭄
᭞ᬲᬂᬧ᭄ᬭᬪᬹᬧᬸᬤᬓ᭄ᬲᬢ᭄ᬕᬮ᭄᭞ᬭᬭᬶᬲ᭄ᬗᬬᬸᬄᬧᬭᬵᬫᬗ᭄ᬓᬶᬦ᭄᭞ᬭᬭᬶᬲ᭄ᬢᬸᬮᬓ᭄ᬧᬭᬵᬚᬦᬶ᭞ᬚᬬᬾᬂᬓᬸᬲᬸᬫᬵᬯᬸᬲ᭄ᬫᬦ᭄ᬢᬸᬓ᭄᭞ᬜ᭄ᬚᬬᬾᬂᬰᬢ᭄ᬭᬸᬭᬶᬂᬧᬬᬸᬤᬦ᭄᭞ᬲᬵᬫ᭄ᬧᬸᬦ᭄ᬓᬢᬹᬃᬲᬦᬾᬫᬗ᭄ᬓᬶᬦ᭄᭞ᬬᬫᬯᬸᬯᬸᬄ
ᬲᬬᬗᬾᬚᬬᬾᬂᬓᬸᬲᬸᬫᬵ᭟ᬲᬂᬧ᭄ᬭᬪᬹᬧᬸᬤᬓ᭄ᬲᬢ᭄ᬕᬮ᭄᭞ᬲᬂᬧ᭄ᬭᬪᬹᬮᬲᭂᬫ᭄ᬦᬾᬫᬗ᭄ᬓᬶᬦ᭄᭞ᬜ᭄ᬚᬕ᭄ᬚᬕ᭄ᬩᬸᬫᬭᬵᬫᬜᬶᬗᬓ᭄᭞ᬳᬶᬯᬶᬭᬵᬦ᭄ᬢᬓᬵᬫᬧᬗ᭄ᬕᬶᬄ᭞ᬲᬮᬶᬂᬧ᭄ᬮᬸᬓ᭄ᬲᬤᬵᬦᬗᬶᬲ᭄᭞ᬓᬧᭀᬦᬓ
ᬦᬾᬓᬢ᭄ᬧᬸᬓ᭄᭞ᬲᬂᬧ᭄ᬭᬪᬹᬧᬸᬤᬓ᭄ᬲᬢ᭄ᬕᬮ᭄᭞ᬫᬧᬸᬢᬺᬳᬶᬲ᭄ᬢ᭄ᬭᬶᬳᬲᬶᬓᬶ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬵᬯᬢᬶᬧᬧᬭᬩ᭄᭟ᬲᬂᬧ᭄ᬭᬪᬹᬳᬲᭂᬫ᭄ᬫᬧᬸᬢᬺᬢ᭄ᬯᬦ᭄ᬧᬸᬢ᭄ᬭᬶᬳᬶᬲ᭄ᬢ᭄ᬭᬶᬳᬲᬶᬓᬶ᭞ᬯᬃᬡ᭄ᬦᬵᬳᬬᬸᬗᬬᬂᬨᬮ᭞ᬢ᭄ᬯ
Kaca:Bali-lontar-paparikan-panji-semirang-250ppi.pdf/67
Kaca puniki sampun kauji-wacén
