[᭖᭕ 65B]
᭖᭕
ᬫ᭄ᬧᬸᬜ᭄ᬚᬢᬵ᭟ᬮᬯᬸᬢ᭄ᬜᬮᬦᬂᬳᬸᬢᬸᬲᬦ᭄᭞ᬯᬢᭂᬓ᭄ᬩᬩᭂᬦ᭄ᬢᭂᬂᬓᬓᬵᬮᬶᬄ᭞ᬧᬢᬶᬄᬕᬗ᭄ᬕᬵᬲᬹᬭᬵᬫᬶᬯᬄ᭞ᬧᬢᬶᬄᬕᬚᬄᬫᬾᬢ᭄ᬣᬵᬕ᭄ᬮᬶᬲ᭄᭞ᬦ᭄ᬭᬵᬓᬳᬸᬢᬸᬲ᭄ᬲᬕᬾᬢ᭄ᬧ᭄ᬭᬧ᭄ᬢᬶ᭞ᬭᬶᬂᬩᬜ᭄ᬘᬶᬗᬄᬕ᭄ᬮᬶ
ᬲ᭄ᬭᬯᬸᬄ᭞ᬭᬶᬂᬳᬬᬸᬦ᭄ᬳᬶᬤᬵᬲᬂᬦᬵᬣᬵ᭞ᬲᬂᬧ᭄ᬭᬪᬹᬲ᭄ᬤᭂᬓ᭄ᬓᬢᬗ᭄ᬓᬶᬮ᭄᭞ᬭᬶᬂᬩᬜ᭄ᬘᬶᬗᬄᬚᬬᬾᬂᬓᬸᬲᬸᬫᬵᬳᬶᬭᬶᬓᬵ᭟ᬳᬸᬢᬸᬲᬦᬾᬫᬗᬢᬹᬭᬂ᭞ᬚᬬᬾᬂᬓᬸᬲᬸᬫᬵᬫᬦᬫ᭄ᬧᬶ᭞ᬲᬸᬭᬵᬢᬾᬲᬵᬫ᭄ᬧᬸᬦ᭄ᬓᬧᬘ᭄ᬙ
᭞ᬲᬂᬧ᭄ᬭᬪᬹᬗᬦ᭄ᬤᬶᬓᬵᬳᬭᬶᬲ᭄᭞ᬓᬾᬦ᭄ᬓᬾᬦ᭄ᬩᬦ᭄ᬫᬓ᭄ᬦᭂᬄᬚᬦᬶ᭞ᬚᬬᬾᬂᬓᬸᬲᬸᬫᬵᬫᬳᬢᬹᬃ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬚᬕᬵᬫᬧᬕ᭄᭞ᬰᬢ᭄ᬭᬸᬦᬾᬭᬯᬸᬄᬧᬸᬦᬶᬓᬶ᭞ᬮᬶᬦ᭄ᬢᬂᬓ᭄ᬭᭀᬥᬵᬚᬬᬾᬂᬓᬸᬲᬸᬫᬵᬫᬫᬃᬕ᭄ᬕᬵ᭟
ᬢᬸᬫᬸᬮᬶᬫᬗ᭄ᬮᬜ᭄ᬘᬢ᭄ᬚᬭᬦ᭄᭞ᬦᬾᬫᬤᬦ᭄ᬳᬶᬭᬗ᭄ᬕᬵᬭᬗ᭄ᬕᬶᬢ᭄᭞ᬫᬶᬭᬶᬗᬦ᭄ᬳᬶᬯᬶᬭᬸᬦ᭄ᬲ᭄ᬫᬃ᭞ᬳᬶᬓᬮᬂᬳᬦ᭄ᬤᬓᬵᬩ᭄ᬯᬶᬦ᭄᭞ᬢᬸᬮᬸᬩᬮᬗᬾᬲᬫᬶ᭞ᬫᬲᬹᬃᬬ᭄ᬬᬓ᭄ᬫᬗᬚᬧ᭄ᬫᬸᬲᬸᬄ᭞ᬢᬸᬢᬸᬲᬦᬾᬲᬵᬫ᭄ᬧᬸᬦ᭄ᬢᬸᬮ
[᭖᭖ 66A]
ᬓ᭄᭞ᬳᬚᬳᬦ᭄ᬫᬋᬧ᭄ᬦᬾᬚᬦᬶ᭞ᬧᬲ᭄ᬬᬢᬾᬭᬫᬾᬲᬮᬶᬂᬕᬤᬾᬩᬾᬕᬂ᭟ᬲᬶᬭᬵᬧᬢᬶᬄᬕᬗ᭄ᬕᬵᬲᬹᬭᬵ᭞ᬬᬵᬳᬶᬯᬶᬭᬸᬦ᭄ᬫᬗᬋᬧᬶᬦ᭄᭞ᬫᬶᬯᬄᬧᬢᬶᬄᬕᬚᬄᬫᬾᬢ᭄ᬣᬵ᭞ᬳᬶᬓᬮᬂᬲᬸᬩᬵᬗᬋᬧᬶᬦ᭄
᭞ᬫᬲ᭄ᬬᬢ᭄ᬲᬮᬶᬂᬢᬶᬕ᭄ᬢᬶᬕ᭄᭞ᬲᬮᬶᬂᬳᬶᬗ᭄ᬲᬓ᭄ᬲᬮᬶᬂᬘ᭄ᬓᬸᬓ᭄᭞ᬢ᭄ᬯᬭᬵᬳᬤᬵᬓᬲᭀᬭᬦ᭄᭞ᬯᬢᭂᬓ᭄ᬬᬸᬤᬵᬲᬮᬶᬂᬩ᭄ᬤᬶᬮ᭄᭞ᬫᬕᬸᬮᬸᬗᬦ᭄ᬧᬲ᭄ᬬᬢᬾᬢ᭄ᬯᬄᬭᬫᭂᬲ᭄ᬧᬶᬲᬦ᭄᭟ᬲᬲᬵᬫ᭄ᬧᬸᬦᬾᬓᬧᬬᬸᬤᬦ᭄᭞
ᬚᬬᬾᬂᬓᬸᬲᬸᬫᬵᬦᬾᬫᬗ᭄ᬓᬶᬦ᭄᭞ᬦᬾᬤᬶᬧ᭄ᬲᬗ᭄ᬕ᭄ᬭᬦ᭄ᬳᬸᬘᬧᬂ᭞ᬢ᭄ᬯᬦ᭄ᬧᬸᬢ᭄ᬭᬶᬦᬶᬮᬵᬯᬢᬶ᭞ᬧᬸᬢᬶᬦᬯᬂᬘᬶᬡ᭄ᬥ᭄ᬭᬵᬩ᭄ᬯᬶᬦ᭄᭞ᬩᬸᬤᬸᬄᬓᬬᬸᬦᬾᬓᬤᬸᬭᬸᬲ᭄᭞ᬭᬶᬂᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭞ᬢ᭄ᬯᬦ᭄ᬧᬸᬢ᭄ᬭᬶᬦᬶᬮᬵᬯᬢᬶ
᭞ᬗᬦ᭄ᬤᬶᬓᬬᬂᬳᬧᬂᬤᬶᬓᬭᬂᬧ᭄ᬲᬢ᭄ᬭ᭄ᬬᬵᬦ᭄᭞ᬤᬶᬢᬸᬕᬫ᭄ᬩᬸᬳᬾᬫᬲᭀᬮᬄ᭞ᬮ᭄ᬬᬸᬳᬦᬓᬾᬫᬩᬮᬶᬄ᭞ᬫᬗ᭄ᬮᬫ᭄ᬧᬳᬂᬧᬜ᭄ᬚᬶᬲ᭄ᬫᬶᬭᬕ᭄᭞ᬗᬬᬸᬦ᭄ᬳ᭄ᬬᬸᬦᬶᬦ᭄ᬳᬢᬶᬲᬳᬶ᭞ᬢ᭄ᬯᬦ᭄ᬧᬸᬢ᭄ᬭᬶᬦᬶᬮᬵᬯᬢᬶ᭞ᬩᬸᬤᬸᬄᬓ
Kaca:Bali-lontar-paparikan-panji-semirang-250ppi.pdf/66
Kaca puniki sampun kauji-wacén
