[᭖᭔ 64B]
᭖᭔
ᬫ᭄ᬩᬭᬶᬦ᭄᭞ᬤᬤᬶᬓ᭄ᬭᭀᬥᬵᬢᬦ᭄ᬲᬶᬧᬶ᭞ᬢᬸᬫᬸᬮᬶᬦ᭄ᬤᬯᬸᬳᬂᬲᬵᬫ᭄ᬧᬸᬦ᭄᭞ᬦ᭄ᬤᬩ᭄ᬤᬩᬂᬯᬢᭂᬓ᭄ᬬᬸᬤᬵ᭞ᬕᭂᬕᬗ᭄ᬲᬭᬦ᭄ᬮᬸᬢ᭄ᬫᬫᬃᬕ᭄ᬕᬶ᭞ᬧᬘᬂᬗ᭄ᬭᬸᬭᬸᬄᬗᬋᬚᭂᬓ᭄ᬚᬬᬾᬂᬓᬸᬲᬸᬫᬵ᭟ᬧᬫᬃᬕ᭄ᬕᬶᬦᬾᬫᬳᬶᬍᬳᬦ᭄
᭞ᬜ᭄ᬚᬚᬄᬧᬤᬰᬦ᭄ᬦᬵᬕᬭᬶ᭞ᬗ᭄ᬳᬶᬂᬧᬜ᭄ᬚᬶᬚᬬᬾᬂᬓᬸᬲᬸᬫᬵ᭞ᬫᬰᬶᬄᬢ᭄ᬯᬭᬵᬤᬵᬓᬧᬗ᭄ᬕᬶᬄᬢ᭄ᬯᬭᬵᬭᬾᬭᬾᬦᬦ᭄ᬫᬫᬵᬃᬕ᭄ᬕᬶ᭞ᬲᬕᬾᬢ᭄ᬢ᭄ᬓᭂᬤ᭄ᬤᬶᬲᬶᬤ᭄ᬥᬬᬸ᭞ᬤᬶᬢᬸᬮᬯᬸᬢ᭄ᬦᬶᬗᭂᬄᬳᭀᬃᬢ᭄ᬣᬵ᭞ᬭᬚᬵᬲ᭄ᬥᬬᬸ
ᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦᬸᬗ᭄ᬓᬸᬮ᭄᭞ᬭᬶᬂᬧᬜ᭄ᬚᬶᬚᬬᬾᬂᬓᬸᬲᬸᬫᬵ᭟ᬧᬜ᭄ᬚᬓ᭄ᬲᭂᬤ᭄ᬥᬬᬸᬦᬃᬣᬬᬂ᭞ᬚᬬᬾᬂᬓᬸᬲᬸᬫᬵᬦᬾᬫᬗ᭄ᬓᬶᬦ᭄᭞ᬫᬦᬯᬶᬭᬶᬂᬚᬕᬭᬕᬵ᭞ᬲᬂᬧ᭄ᬭᬪᬹᬮᬲᭂᬫ᭄ᬫᬓᬵᬤᬶ᭞ᬧᬸᬤᬓ᭄ᬱᬾ
ᬢ᭄ᬕᬮ᭄ᬫᬗ᭄ᬭᬭᬶᬲ᭄᭞ᬧᬫᬃᬕ᭄ᬕᬶᬦᬾᬲᬤᬵᬦᬯᬸᬲ᭄᭞ᬗ᭄ᬮᬯᬸᬢ᭄ᬓᬚᬕᬭᬕᬵ᭞ᬤᬶᬚᬕᬭᬕᬦᬾᬚᬦᬶ᭞ᬫᬜ᭄ᬘᬫᬦ᭄ᬢ᭄ᬭᬶᬓᬧᬶᬲᬭᬵᬲᬸᬩᬵᬫ᭄ᬭᬾᬦ᭄ᬢᬄ᭟ᬲᬢ᭄ᬓᭂᬤ᭄ᬤᬶᬚᬕᬵᬭᬕᬵ᭞ᬚᬬᬾᬂᬓᬸᬲᬸᬫ
[᭖᭕ 65A]
ᬢᬦ᭄ᬓᬭᬶ᭞ᬫᬮᬶᬗ᭄ᬕᬶᬄᬭᬶᬂᬚᬕᬵᬭᬕᬵ᭞ᬢᬸᬫᬸᬮᬶᬳᬗᬸᬘᬧ᭄ᬳᬭᬶᬲ᭄᭞ᬦᬾᬦᬾᬓᬧᬶᬲᬭᬵᬗᭂᬦ᭄ᬢᬶ᭞ᬲᬯ᭄ᬬᬓ᭄ᬢᬶᬫᬵᬗ᭄ᬓᬶᬦ᭄ᬲᬵᬫ᭄ᬧᬸᬦ᭄᭞ᬚᬕᬢ᭄ᬧᬸᬦᬶᬓᬶᬓᬧ᭄ᬭᬾᬦ᭄ᬢᬄ᭞ᬭᬶᬂᬚᬬᬾᬂᬓᬸᬲᬸᬫᬵᬫᬗ᭄ᬓᬶᬦ᭄᭞ᬲᬂᬧ᭄ᬭ
ᬪᬹᬲᬵᬫ᭄ᬧᬸᬦ᭄ᬭᬸᬲᬓ᭄ᬭᬶᬂᬧᬬᬸᬤᬦ᭄᭟ᬦᬾᬫᬗ᭄ᬓᬶᬦ᭄ᬚᬬᬾᬂᬓᬸᬲᬸᬫᬵ᭞ᬩᬸᬤᬮᬾᬲᬓᬶᬂᬳᬶᬭᬶᬓᬶ᭞ᬓᬶᬚᬵᬓᬧᭀᬫᬗᬸᬫ᭄ᬩᬭᬵ᭞ᬫᬦᬳᬂᬢᬶᬢ᭄ᬬᬂᬢᬦ᭄ᬲᬶᬲᬶᬧ᭄᭞ᬫᬦᬯᬶᬢ᭄ᬣᬫᬗ᭄ᬭᬭᬶᬲ᭄᭞ᬓᬚᬕᬢ᭄ᬕᬕ᭄ᬮᬂ
ᬜᬸᬚᬹᬃ᭞ᬗᭂᬩᬸᬕ᭄ᬦᬵᬕᬭᬵᬧᬸᬦᬶᬓᬵ᭞ᬲᬦᬾᬳᬦ᭄ᬲᬓᬤᬶᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬳᬶᬭᬶᬓᬵᬭᬶᬂᬚᬕᬢ᭄ᬕᬕ᭄ᬮᬂ᭟ᬲᬂᬧ᭄ᬭᬪᬹᬧᬸᬤᬓ᭄ᬲᬢ᭄ᬕᬮ᭄᭞ᬲᬂᬧ᭄ᬭᬪᬹᬮᬲᭂᬫ᭄ᬦᬾᬚᬦᬶ᭞ᬲᬫᬶᬗ᭄ᬭᬭᬶᬲ᭄ᬓᬕ
ᬕ᭄ᬮᬶᬂ᭞ᬲᬭᬯᬸᬳᬾᬭᬶᬂᬧᬦ᭄ᬧᬶ᭞ᬦᬗᬸᬦ᭄ᬧᬲᬗ᭄ᬕ᭄ᬭᬳᬦ᭄ᬕᭂᬮᬶᬲ᭄᭞ᬳᬚᬳᬦ᭄ᬲᬕᬾᬢᬦ᭄ᬧᬸᬧᬸᬢ᭄᭞ᬤᬶᬢᬸᬧᬥᬵᬫᬭᬵᬃᬭ᭄ᬬᬦ᭄᭞ᬫᭀᬦ᭄ᬤᭀᬓ᭄ᬬᬢ᭄ᬦᬵᬲᬋᬂᬲᬫᬶ᭞ᬯᬢᭂᬓ᭄ᬬᬸᬤᬵᬧᬥᬵᬫᬗᬕᭂ
Kaca:Bali-lontar-paparikan-panji-semirang-250ppi.pdf/65
Kaca puniki sampun kauji-wacén
