[᭖᭓ 63B]
᭖᭓
ᬫ᭄ᬩᬸᬄᬯᬃᬕ᭄ᬕᬲ᭄ᬫᬭᬵᬢᬶᬢ᭄ᬬᬂ᭞ᬢᬦ᭄ᬯᬾᬦ᭄ᬢᭂᬦ᭄ᬤᬵᬢᬶᬢ᭄ᬬᬂᬳᬸᬦᬶᬂ᭞ᬦᬾᬓᬯᬸᬯᬸᬲ᭄ᬫᬧᬭᬩ᭄ᬧᬜ᭄ᬚᬶᬲ᭄ᬫᬶᬭᬂ᭟ᬦᬾᬚᬦᬶᬩ᭄ᬯᬶᬦ᭄ᬘᬭᬶᬢᬬᬂ᭞ᬕᬫ᭄ᬩᬸᬳᬾᬦᬾᬫᬓᬵᬲᬫᬶ᭞ᬫᬢᬶᬗ᭄ᬓᬄᬘᬭᬵᬫᬋᬓᬦ᭄᭞ᬭᬶᬂᬚᬬᬾᬂᬓᬸᬲᬸ
ᬫᬵᬯ᭄ᬬᬓ᭄ᬢᬶ᭞ᬕᬫ᭄ᬩᬸᬳᬾᬦᬾᬦᬾᬳᬩ᭄ᬲᬶᬓ᭄᭞ᬢ᭄ᬯᬭᬵᬮᬾᬦᬦ᭄ᬦᬾᬓᬯᬸᬯᬸᬲ᭄᭞ᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭞ᬚᬬᬾᬂᬓᬸᬲᬸᬫᬵᬗᬗ᭄ᬓᬗᬶᬦ᭄᭞ᬧᬶᬦᬲᬶᬳᬦ᭄ᬬᬦᬶᬂᬲᬂᬧ᭄ᬭᬪᬹᬦᬓᬾᬦᬂ᭟ᬬᬦ᭄ᬧᬜ᭄ᬚᬶᬚ
ᬬᬾᬂᬓᬸᬲᬸᬫᬵ᭞ᬭᬶᬓᬮᬦᬶᬂᬧᬋᬓ᭄ᬦᬗ᭄ᬓᬶᬮ᭄᭞ᬭᬶᬂᬲᬂᬧ᭄ᬭᬪᬹᬕᬕ᭄ᬮᬂ᭞ᬢ᭄ᬯᬭᬵᬩ᭄ᬮᬲ᭄ᬫᬶᬮᬸᬗᬶᬭᬶᬂ᭞ᬫᬓ᭄ᬚᬂᬧᬥᬵᬜᬸᬮᬶᬗ᭄ᬮᬶᬂ᭞ᬩᬦ᭄ᬯᬃᬡ᭄ᬦᬦᬾᬮᬶᬯᬢ᭄ᬩᬕᬸᬲ᭄᭞ᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭞ᬫᬲᬶᬩᬓᬦ᭄ᬲᬯ᭄ᬬᬓ᭄ᬢᬶ
᭞ᬯᬃᬡ᭄ᬦᬵᬩᬕᬸᬲ᭄᭞ᬢ᭄ᬓᬾᬦᬶᬂᬚᬬᬾᬂᬓᬸᬲᬸᬫᬵ᭟ᬢ᭄ᬯᬦ᭄ᬧᬸᬢ᭄ᬭᬶᬦᬯᬂᬘᬶᬡ᭄ᬥ᭄ᬭᬵ᭞ᬫᬶᬯᬄᬧᬸᬢ᭄ᬭᬶᬦᬶᬮᬵᬯᬢᬶ᭞ᬤᬤᬶᬩᬸᬤᬸᬄᬓᬸᬮᬗᬸᬦᬦ᭄᭞ᬩᬳᬸᬫᬭᬵᬫᬜᬶᬗᬓᬶᬦ᭄᭞ᬕᬫ᭄ᬩᬸᬳᬾᬦᬾᬦᬾ
[᭖᭔ 64A]
ᬳᬩ᭄ᬲᬶᬓ᭄᭞ᬲᬗᭂᬢ᭄ᬫᬗ᭄ᬭᬦᬬᬂᬮᬶᬗ᭄ᬮᬸᬂ᭞ᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭞ᬩᬕᬸᬲ᭄ᬳᬍᬧ᭄ᬢᬦ᭄ᬲᬶᬦᬶᬧᬶ᭞ᬓ᭄ᬭᬡᬳᬶᬗᬸᬄᬢ᭄ᬯᬦ᭄ᬧᬸᬢ᭄ᬭᬶᬫᬗᬦ᭄ᬢᭂᬦᬂ᭟ᬤᬶᬓᬭᬂᬧ᭄ᬲᬢ᭄ᬭᬶᬬᬦ᭄᭞ᬧ᭄ᬢᭂᬂᬮ᭄ᬫᬄᬭᬵᬫ᭄ᬬᬲᬳᬶ᭞ᬲᬲᬸᬓᬢᬾ
ᬳᬤᬵᬢ᭄ᬓᬵ᭞ᬕᬫ᭄ᬩᬸᬳᬾᬦᬾᬧᬶᬢᬸᬂᬤᬶᬭᬶ᭞ᬚᬬᬾᬂᬓᬸᬲᬸᬫᬵᬫᬓᬶᬮᬶᬢ᭄᭞ᬧᬶᬢᬺᬱ᭄ᬡᬵᬓᬬᬸᬦᬾᬫᬸᬧᬸᬢ᭄᭞ᬭᬶᬂᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭞ᬳᬶᬤᬵᬤᬦᬾᬫᬓᬲᬫᬶ᭞ᬧᬥᬜᬸᬫ᭄ᬩᬸᬂᬳᬶᬕᬫ᭄ᬩᬸᬄᬯᬃ
ᬕ᭄ᬤᬵᬳᬲ᭄ᬫᬭᬵ᭟ᬩ᭄ᬯᬶᬦ᭄ᬳᬤᬵᬓᬘᬭᬶᬢ᭄ᬣᬵ᭞ᬲᬂᬧ᭄ᬭᬪᬹᬮᬲᭂᬫ᭄ᬦᬾᬚᬦᬶ᭞ᬲᬂᬧ᭄ᬭᬪᬹᬧᬸᬤᬓ᭄ᬲᬢ᭄ᬕᬮ᭄᭞ᬩᬕᬸᬲ᭄ᬚᬂᬚᬂᬫᬓᬓᬵᬮᬶᬄ᭞ᬘᬘᬶᬗᬓ᭄ᬕᬮᬓ᭄ᬫᬦᬶᬲ᭄᭞ᬧᬧ᭄ᬲᭀᬦᬾᬲᬫᬶᬋᬫ᭄ᬧᬸᬄ᭞ᬫᬦᬶᬲ᭄ᬲᬲ᭄ᬩᬶᬢᬾ
ᬓ᭄ᬭᬸᬭᬵ᭞ᬫᬲᬫ᭄ᬢᭀᬦ᭄ᬫᬓᬓᬵᬮᬶᬄ᭞ᬭᬶᬂᬤᬾᬯᬢ᭄ᬣᬵᬲᬂᬧ᭄ᬭᬪᬹᬭᬶᬂᬚᬕᬵᬭᬕᬵ᭟ᬚᬦᬶᬲᬸᬩᬵᬫᬶᬋᬂᬳᭀᬃᬢ᭄ᬣᬵ᭞ᬲᬫ᭄ᬢᭀᬦᬾᬫᬗ᭄ᬫᬲᬶᬦ᭄᭞ᬭᬸᬲᬵᬓ᭄ᬳᬶᬤᬵᬭᬶᬂᬧᬬᬸᬤᬦ᭄᭞ᬚᬬᬾᬂᬓᬸᬲᬸᬫᬵᬗᭂ
Kaca:Bali-lontar-paparikan-panji-semirang-250ppi.pdf/64
Kaca puniki sampun kauji-wacén
