[᭖᭐ 60B]
᭖᭐
ᬓᬵ᭞ᬳᬶᬤᬾᬯ᭄ᬯᬵᬧᬦᬓ᭄ᬩ᭄ᬬᬂ᭞ᬗ᭄ᬭᬶᬫᬶᬓ᭄ᬩᬸᬓᬵᬳᬦᬓ᭄ᬩᬸᬤᬸᬄ᭞ᬳᬶᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭞᭞ᬧᬦᬓ᭄ᬩ᭄ᬬᬗᬾᬳᬶᬫᬡᬶᬓ᭄᭞ᬓᬾᬦᬾᬩ᭄ᬬᬂᬓᬲᬗ᭄ᬲᬭᬵ᭞ᬓᬮᬸᬦ᭄ᬢᬵᬮᬸᬦ᭄ᬢᬵᬮᬫ᭄ᬧᬳᬾ᭞ᬫᬚᬮᬭᬦ᭄ᬩᬦ᭄ᬳᬶ
ᬤᬾᬯ᭄ᬯᬵ᭞ᬓᬩᬢᭂᬓ᭄ᬩᬳᬦ᭄ᬜᬬᬗᬂ᭞ᬭᬕᬦ᭄ᬳᬶᬤᬾᬯ᭄ᬯᬵᬦᬾᬭᬢᬹ᭞ᬳᬚᬶᬦ᭄ᬳᭀᬤᬾᬯ᭄ᬯᬵᬬᬾᬦ᭄ᬤᬶᬚᬵ᭟ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬩᬲ᭄ᬓᬮ᭄ᬮᬶᬄᬧᬶᬲᬦ᭄ᬧᬶᬲᬦ᭄᭞ᬫ᭄ᬮᬄᬲᬚᬵᬓᬾᬓᬬᬸᬦᬾ᭞ᬢ᭄ᬯᬭᬵᬫᬾ
ᬮᬶᬂᬢ᭄ᬓᬾᬦ᭄ᬩ᭄ᬬᬂ᭞ᬓᬾᬦᬾᬲᬗ᭄ᬰᬭᬵᬤᬶᬚᬮᬦ᭄᭞ᬲ᭄ᬤᬶᬄᬫᬦᬦ᭄ᬤᬗᬶᬦ᭄ᬳᬶᬩᬸᬓ᭄᭞ᬮᬘᬹᬃᬧᬲᬚᬵᬳᬶᬤᬾᬯ᭄ᬯᬵ᭟ᬩᬶᬦ᭄ᬧᬶᬤᬦ᭄ᬩ᭄ᬬᬂᬓᬧᬗ᭄ᬕᬶᬄ᭞ᬢ᭄ᬓᬾᬦᬶᬂᬳᬚᬶᬦ᭄ᬳᬶᬤᬾᬯ᭄ᬯᬵ᭞ᬓᬾᬦᬾᬲᬢᬸᬗ᭄ᬕᬸᬦ᭄ᬳᬸᬭᬶᬧᬾ᭞ᬩᬶᬦ᭄ᬧᬶ
ᬤᬦ᭄ᬩ᭄ᬬᬂᬓᬲᬸᬧᬢ᭄᭞ᬲᬸᬳᬸᬤ᭄ᬦ᭄ᬫᬸᬤᬸᬳ᭄ᬓᬶᬢ᭄ᬣ᭞ᬧᬶᬲᬦ᭄ᬫᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬩ᭄ᬬᬂᬗᬶᬭᬶᬂᬦ᭄ᬬᬂ᭟ᬓᬾᬢᭀᬲᬲᬵᬫ᭄ᬩᬢᬾᬲ᭄ᬤᬶᬄ᭞ᬫᬗ᭄ᬭᬸᬫ᭄ᬭᬸᬫ᭄ᬧᬦᬓ᭄ᬧᬦᬓᬦ᭄᭞ᬕᬫ᭄ᬩᬸᬄᬯᬃᬕ᭄ᬕᬵ
[᭖᭑ 61A]
ᬳᬲ᭄ᬫᬭᬦᬾ᭞ᬢ᭄ᬯᬭᬵᬫᬺᬫ᭄ᬳᬚᬺᬧ᭄ᬚᭂᬧᬦ᭄᭞ᬰᬕᬾᬢ᭄ᬲᬸᬩᬵᬤᬲᬼᬫᬄ᭞ᬧᬲ᭄ᬫᭂᬗᬦ᭄ᬲᬫᬶᬲᬵᬫ᭄ᬧᬸᬦ᭄᭞ᬧᬸᬧᬸᬢ᭄ᬫᬗ᭄ᬭᬗ᭄ᬲᬸᬓᬂᬧᬬᬲ᭄ᬐ᭐ᬐᬲᬶᬦᭀᬫ᭄ᬐ᭐ᬐᬦᬾᬦᬾ
ᬚᬦᬶᬓᬘᬭᬶᬢ᭄ᬣᬵ᭞ᬳᬶᬯᬶᬭᬸᬦ᭄ᬲ᭄ᬫᬃᬫ᭄ᬓᬤᬶ᭞ᬳᬶᬓᬮᬂᬫ᭄ᬯᬄᬳᬶᬬᬦ᭄ᬤᬓᬵ᭞ᬧᬲ᭄ᬫᭂᬗᬦ᭄ᬧᬥᬵᬫ᭄ᬮᬮᬶ᭞ᬕ᭄ᬮᬸᬫᬭᬵᬫᬗᬶᬯᬲᬶᬦ᭄᭞ᬕᬫ᭄ᬩᬸᬳᬾᬦᬾᬦᬾᬧᬧᬶᬢᬸ᭞ᬧᬧᬬᬲᬦ᭄ᬮᬶᬦ᭄ᬢᬂᬫᬹᬮ᭄ᬬᬵ᭞ᬢᬹᬃᬕᭀᬩ
ᬦᬾᬲᬫᬶᬩ᭄ᬘᬶᬓ᭄᭞ᬫᬫ᭄ᬤᬲᬂᬬᬵᬳᬶᬯᬭᬸᬦ᭄ᬦᬍᬓ᭄ᬢᭂᬓᬂ᭟ᬕᬫ᭄ᬩᬸᬳᬾᬦᬾᬦᬾᬢᬢᬶᬕᬵ᭞ᬫᬶᬭᬶᬩ᭄ᬢᬳᬾᬦ᭄ᬓᬢ᭄ᬧᬸᬓᬶᬦ᭄᭞ᬳᬶᬯᬶᬭᬸᬦ᭄ᬫᬸᬜᬶᬦᬾᬩᬦ᭄ᬩᬦ᭄᭞ᬦᬓᭀᬦᬶᬦ᭄ᬕᬫ᭄ᬩᬸᬳᬾᬲᬫᬶ᭞ᬦᬶᬓᬶᬳᬶᬮᬾᬦ᭄ᬳᬶ
ᬮᬾᬦᬧᬶ᭞ᬢᬹᬃᬳᬓᬸᬤᬵᬕᬸᬧᬄᬳᬶᬧᬸᬦ᭄᭞ᬕᬫ᭄ᬩᬸᬳᬾᬮᬯᬸᬢ᭄ᬦᬶᬫ᭄ᬩᬮ᭄᭞ᬫ᭄ᬯᬮᬵᬳᬸᬧᬳᬦ᭄ᬤ᭄ᬯᬂᬭᬶᬗ᭄ᬕᬶᬢ᭄᭞ᬳᬶᬮᬾᬦ᭄ᬳᬶᬮᬾᬦ᭄ᬕᬫ᭄ᬩᬸᬄᬧᬸᬦᬶᬓᬶᬧᬲ᭄ᬢᬜᬵ᭟ᬢᬦ᭄ᬥᬸᬫᬤᬾᬫᬯᬶᬕ᭄ᬮᬦ᭄᭞ᬫᬭᬶᬂᬚ᭄ᬭᭀᬦ᭄ᬫᬜ᭄ᬘ
Kaca:Bali-lontar-paparikan-panji-semirang-250ppi.pdf/61
Kaca puniki sampun kauji-wacén
