[᭕᭙ 59B]
᭕᭙
ᬲ᭄ᬢᭂᬓᭂᬤ᭄ᬤᬶᬩ᭄ᬢᬾᬦᬦ᭄᭟ᬳᬶᬤᬾᬯ᭄ᬯᬵᬗ᭄ᬮᬯᬸᬢ᭄ᬫᬫᬃᬕ᭄ᬕᬶ᭞ᬫᬗᬸᬗ᭄ᬲᬶᬚᬕᬢ᭄ᬕᬕ᭄ᬮᬂ᭞ᬭᬭᬶᬲ᭄ᬧᬫᬶᬢ᭄ᬭᬶᬂᬩ᭄ᬬᬗᬾ᭞ᬢᬸᬫᬸᬮᬶᬮᬯᬸᬢ᭄ᬦᬸᬳᬸᬦᬂ᭞ᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭞ᬩᬾᬓᭀᬕᬡ᭄ᬥᬵᬲᬭᬶᬗ᭄ᬮᬯᬸᬢ᭄᭞ᬗ᭄ᬭᬖᬵ
ᬰᬶᬓᬵᬗᬺᬤ᭄ᬥᬦᬬᬂ᭟ᬦᬸᬦᬲᬂᬭᬶᬂᬲᬂᬳ᭄ᬬᬂᬯᬶᬤ᭄ᬥᬶ᭞ᬫᬂᬤᬾᬳᭀᬓᬦᬾᬓᬲᬶᬤᬦ᭄᭞ᬫᬤᬕᬶᬂᬓᬤᬶᬓᬬᬸᬦᬾ᭞ᬓᬢ᭄ᬧᬸᬓ᭄ᬦᬾᬕᬸᬫᬦᬬᬂ᭞ᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭞ᬦᬾᬚᬦᬶᬲᬕᬾᬢᬦ᭄ᬲᬵᬫ᭄ᬧᬸ
ᬦ᭄᭞ᬤᬶᬩᭀᬗ᭄ᬓᭀᬮ᭄ᬕᬸᬦᬸᬗᬾᬧ᭄ᬭᬧ᭄ᬢᬶ᭟ᬦᬶᬳᬸᬫ᭄ᬩᬸᬦ᭄ᬳᬸᬫ᭄ᬩᬸᬦ᭄ᬫᬧᬫᬶᬢ᭄᭞ᬢᬸᬮᬓ᭄ᬩ᭄ᬯᬶᬦ᭄ᬗᬫ᭄ᬦᬾᬓᬂᬗᬸᬗ᭄ᬲᬶᬕ᭄ᬦᬄᬧᬢᬧᬦᬾ᭞ᬲᬸᬩᬵᬦᬧᬓ᭄ᬤᬶᬧᬢᬧᬦ᭄᭞ᬚᬦᬶᬮᬯᬸᬢ᭄ᬳᬸᬘᬧᬂ᭞ᬫᬫᬃᬕ᭄ᬕᬶᬲᬋᬂᬧᬧᬶᬢᬸ᭞ᬕ
ᬫ᭄ᬩᬸᬄᬯᬢ᭄ᬕ᭄ᬕᬵᬳᬲ᭄ᬫᬭᬵ᭟ᬫᬳᬶᬭᬶᬗᬦ᭄ᬕᬫ᭄ᬩᬸᬄᬫ᭄ᬮᬭᬶ᭞ᬕᬫ᭄ᬩᬸᬄᬳᭂᬜ᭄ᬘᬶᬢᬲ᭄ᬫᬵᬭ᭞ᬫ᭄ᬯᬄᬕᬫ᭄ᬩᬸᬄᬲ᭄ᬓᬃᬲᬭᬷᬦᬾ᭞ᬕᬫ᭄ᬩᬸᬄᬫ᭄ᬮᬗᬶᬫ᭄ᬓᬤᬶᬜ᭞ᬕᬫ᭄ᬩᬸᬄᬚᬶᬗ᭄ᬕᬵᬧᬗ᭄ᬭᬱᬵ᭞ᬫᭂᬓᬤᬶᬜᬦᬾᬓᬲ᭄ᬩᬸᬢ᭄᭞
[᭖᭐ 60A]
ᬳᬶᬕᬫ᭄ᬩᬸᬄᬳᬲ᭄ᬫᬭᬵᬥᬡ᭄ᬝᬵ᭟ᬧᬫᬃᬕ᭄ᬕᬶᬦᬾᬲᬤ᭄ᬥᬵᬕ᭄ᬮᬶᬲ᭄᭞ᬫᬗ᭄ᬮᬶᬯᬢᬶᬦ᭄ᬩᬸᬓᬶᬢ᭄ᬳᬮᬲ᭄᭞ᬲᬬᬦ᭄ᬳᭂᬚᭀᬄᬧᬚᬮᬦᬾ᭞ᬮᬸᬢ᭄ᬢ᭄ᬓᭂᬤ᭄ᬤᬶᬤᬾᬰᬤᬾᬰᬵ᭞ᬤᬾᬦᬶᬂᬕᬫ᭄ᬩᬸᬄᬫᬗᬼᬮᬯᬂ᭞ᬬᬦ᭄ᬧᬶᬂ
ᬓᬸᬤᬵᬗᬶᬕᭂᬮ᭄ᬲᬵᬫ᭄ᬧᬸᬦ᭄᭞ᬤᬤᬶᬮ᭄ᬬᬸᬫᬳᬦ᭄ᬳᬸᬧᬄ᭟ᬩᬶᬮᬂᬧᬤᬰᬦ᭄ᬦᬵᬕᬭᬶ᭞ᬮ᭄ᬬᬸᬳᬦᬓ᭄ᬧᬥᬵᬗᬸᬧᬄ᭞ᬩᬳᬦ᭄ᬓᬫ᭄ᬮᬳᬦ᭄ᬳᬶᬕᭂᬮᬾ᭞ᬳᬶᬦᬸᬢ᭄ᬢ᭄ᬓᬾᬜ᭄ᬚᬚ᭄ᬦᭂᬗᬦ᭄᭞ᬩᬸᬤᬸᬄᬳᬲᬶᬂ
ᬗᬦ᭄ᬢᭂᬦᬂ᭞ᬳᬤᬵᬫᬩᬸᬤᬶᬫᬦᬸᬢᬸᬕ᭄᭞ᬩᬜ᭄ᬘᬬᬦᬾᬮᬶᬯᬢ᭄ᬫᬸᬦ᭄ᬢᬩ᭄᭟ᬢᬜ᭄ᬘᬭᬶᬢᬵᬲᬸᬩᬵᬯ᭄ᬗᬶ᭞ᬢ᭄ᬓᭂᬤ᭄ᬤᬶᬧᬲᬃᬕᬕ᭄ᬮᬂ᭞ᬤᬶᬢᬸᬤᬶᬧᭂᬗ᭄ᬕᬓ᭄ᬧᭂᬗ᭄ᬕᬓᬾ᭞ᬲ᭄ᬓᬵᬦ᭄ᬕᬫ᭄ᬩᬸᬄᬫᬤᬸᬦᬸᬗᬦ᭄᭞ᬦᬾᬚᬦᬶᬓ
ᬘᬭᬶᬢ᭄ᬣᬵ᭞ᬮᬶᬯᬢ᭄ᬢ᭄ᬗᬄᬮ᭄ᬫᭂᬂᬲᬵᬫ᭄ᬧᬸᬦ᭄᭞ᬳᬶᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭟ᬫᬢᬗᬶᬓᬵᬮᬦᬶᬂᬲ᭄ᬧᬶ᭞ᬢᭀᬕᭀᬕᬾᬦᬾᬩᬳᬦ᭄ᬳᭂᬫᬵᬲ᭄᭞ᬓᬢᭂᬫ᭄ᬩᬦ᭄ᬤᬶᬧᬩᬶᬦᬦᬾ᭞ᬓᬳᬭᬲ᭄ᬮᬯᬸᬢ᭄ᬗᬦ᭄ᬤᬶ
Kaca:Bali-lontar-paparikan-panji-semirang-250ppi.pdf/60
Kaca puniki sampun kauji-wacén
