[᭕᭘ 58B]
᭕᭘
ᬮᬸᬲ᭄ᬫᬗᬦ᭄ᬤᬶᬓᬵ᭞ᬤᬸᬄᬤᬾᬯ᭄ᬯᬵᬧᬦᬓ᭄ᬫᬾᬫᬾᬦᬾ᭞ᬬᬦ᭄ᬫᬩᬸᬤᬶᬳᬧᬂᬳᬾᬗ᭄ᬕᬮ᭄᭞ᬓᬢᭂᬧᬸᬦ᭄ᬦᬾᬳᬾᬜ᭄ᬘᭂᬧᬂ᭞ᬦᬗ᭄ᬳᬶᬂᬢᬶᬗ᭄ᬓᬳᬾᬫᬜᬭᬸ᭞ᬧᬥᬵᬫᬧᬗᬗ᭄ᬕᭀᬮᬦᬂ᭟ᬧᬂᬤᬵᬲᭂᬗ᭄ᬓᬵᬮᬵᬤᬶᬫᬵᬃ
ᬕ᭄ᬕᬶ᭞ᬫᬕᬸᬦ᭄ᬢᬶᬂᬳᬚᬓ᭄ᬫᬓ᭄ᬚᬂ᭞ᬳᬲᬶᬓᬸᬢ᭄ᬩᬯᭀᬂᬳ᭄ᬩᭀᬓᬾ᭞ᬓᬮᬶᬄᬓᬾᬫᬕᭂᬦ᭄ᬢᬶᬳᬤᬦ᭄᭞ᬩᬋᬂᬢᬸᬢᬶᬂᬳᬶᬭᬶᬗᬦ᭄᭞ᬧᬗᬗ᭄ᬕᭀᬦᬾᬘᬭᬵᬕᬫ᭄ᬩᬸᬄ᭞ᬫᬗᬸᬫ᭄ᬩᬭᬵᬫᬗ᭄ᬮᬮᬯᬂ᭟ᬓᬘᬭᬶᬢ᭄ᬣᬵᬦᬾᬦᬾ
ᬚᬦᬶ᭞ᬧᬥᬵᬓᬲᬮᬶᬦᬶᬦ᭄ᬧᬭᬩ᭄᭞ᬘᬶᬡ᭄ᬤ᭄ᬭᬵᬓᬶᬭᬡᬵᬧᬭᬩᬾ᭞ᬕᬫ᭄ᬩᬸᬄᬯᬃᬕ᭄ᬕᬵᬳᬲ᭄ᬫᬭᬵ᭞ᬫᬶᬯᬄᬫᬸᬱ᭄ᬧᬵᬚ᭄ᬯᬶᬢ᭄ᬣᬵ᭞ᬫᬧᬧᬰᬶᬄᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄᭞ᬕᬫ᭄ᬩᬸᬄᬫ᭄ᬮᬭᬶᬧᬧᬭᬩ᭄᭟ᬢ᭄ᬯᬦ᭄ᬧᬸᬢ᭄ᬭᬶᬧᬸᬱ᭄ᬧᬵ
ᬲᬭᬷ᭞ᬕᬫ᭄ᬩᬸᬄᬳᭂᬜ᭄ᬘᬶᬳᬲ᭄ᬫᬭᬵ᭞ᬓᬾᬢᭀᬚᬦᬶᬧ᭄ᬲᬾᬗᬦᬾ᭞ᬫ᭄ᬓᬤᬶᬜᬦᬶᬓᬾᬦ᭄ᬩᬬᬦ᭄᭞ᬳᬤᬦ᭄ᬜᬦᬾᬓᬳᬸᬘᬧ᭄᭞ᬕᬫ᭄ᬩᬸᬄᬲ᭄ᬓᬃᬲᬭᬶᬳᬦᬸᬢ᭄᭞ᬦᬶᬓᬾᬦ᭄ᬲᬗ᭄ᬕᬶᬢ᭄ᬫᬓᬤᬶᬜ᭟ᬳᬤᬦᬾ
[᭕᭙ 59A]
ᬕᬫ᭄ᬩᬸᬄᬫ᭄ᬮᬗᬶ᭞ᬫᬓᬵᬫᬶᬯᬄᬦᬶᬓᬾᬦ᭄ᬫᭀᬦᭂᬂ᭞ᬲᬵᬫ᭄ᬧᬸᬦ᭄ᬫᬲᬮᬶᬦ᭄ᬯᬱ᭄ᬝᬦᬾ᭞ᬳᬤᬦ᭄ᬜᬦᬾᬧᬢᬸᬢ᭄ᬧᬶᬲᬦ᭄᭞ᬕᬫ᭄ᬩᬸᬄᬚᬶᬗ᭄ᬕᬵᬧᬗ᭄ᬭᬱᬵ᭞ᬦᬶᬓᬾᬦ᭄ᬧᬲᬶᬃᬬᬦ᭄ᬓᬲ᭄ᬩᬸᬢ᭄᭞ᬳᬶᬕᬫ᭄ᬩᬸᬄᬳᬲ᭄ᬫᬭᬵᬤᬦ᭄ᬢᬵ
᭟ᬚᬦᬶᬩᬾᬓᭀᬕᬦ᭄ᬤᬵᬲᬭᬶ᭞ᬮᬯᬸᬢ᭄ᬫᬗᬸᬦ᭄ᬢᬶᬂᬫᬓ᭄ᬚᬂ᭞ᬮᬦ᭄ᬢᬲ᭄ᬓᬶᬘᬾᬦ᭄ᬧᬗᬗ᭄ᬕᭀᬦᬾ᭞ᬲᬫᬶᬲᬵᬫ᭄ᬧᬸᬦ᭄ᬫᬗ᭄ᬭᬗ᭄ᬲᬸᬓᬂ᭟ᬧᬸᬧᬸᬢ᭄ᬧᬤᬵᬫᬧᬬᬲ᭄᭞ᬧᬗᬗ᭄ᬕᭀᬦᬾᬘᬭᬵᬕᬫ᭄ᬩᬸᬄ᭞ᬗ᭄ᬳᬶᬂᬕᬫ᭄ᬩᬸᬄᬯᬃᬕ᭄ᬕᬵ
ᬳᬲ᭄ᬫᬭᬵ᭟ᬓ᭄ᬮᬸᬲ᭄ᬯᬃᬡ᭄ᬦᬲᬫᬶᬩ᭄ᬘᬶᬓ᭄᭞ᬢ᭄ᬓᬵᬳᬦᬸᬢ᭄ᬲᬶᬂᬭᬭᬲᬂ᭞ᬢ᭄ᬯᬄᬳᬩᬵᬳᬩᬬᬦ᭄ᬭᬭᬾ᭞ᬓᬸᬤ᭄ᬬᬂᬧᬘᬂᬫᬭᬶᬘᬾᬤ᭄ᬥᬵ᭞ᬫᬸᬮᬵᬧᬮᬓᬭᬦ᭄ᬫ᭄ᬮᬄ᭞ᬓᬸᬤ᭄ᬬᬂᬫᬰᬶᬄᬬᬦᬸᬮᬸᬳᬂ᭞ᬳᬸᬮᬗᬸᬦ᭄ᬳᬲᬶᬂᬗ
ᬦ᭄ᬢᭂᬦᬂ᭄ᬗᬸᬘᬧ᭄ᬩᬾᬓᭀᬕᬡ᭄ᬥᬵᬲᬭᬷ᭞ᬥᬹᬄᬕᬫ᭄ᬩᬸᬄᬯᬢ᭄ᬕ᭄ᬕᬵᬳᬲ᭄ᬫᬭᬵ᭞ᬳᬶᬤᬾᬯ᭄ᬯᬵᬧᬦᬓ᭄ᬫᬾᬫᬾᬦᬾ᭞ᬓ᭄ᬫᬵᬳᬶᬤᬾᬯ᭄ᬯᬵᬦᬸᬳᬸᬦᬂ᭞ᬳ᭄ᬦᬾᬳᬧᬂᬗᬶᬭᬶᬗᬂ᭞ᬦᬾᬫᬤᬦ᭄ᬳᬶᬳᬸᬫ᭄ᬩᬸᬦ᭄ᬦᬸᬫ᭄ᬩᬸᬦ᭄᭞ᬩᬦ᭄ᬢᭂ
Kaca:Bali-lontar-paparikan-panji-semirang-250ppi.pdf/59
Kaca puniki sampun kauji-wacén
