[᭕᭗ 57B]
᭕᭗
ᬕᬾᬢ᭄ᬭᬤᬾᬦ᭄ᬲᬶᬗ᭄ᬳᬵᬫᬵᬦ᭄ᬢ᭄ᬭᬶᬮᬯᬸᬢ᭄ᬭᬯᬸᬄ᭞ᬦ᭄ᬲᭂᬓ᭄ᬳᬶᬯᬶᬭᬸᬦ᭄ᬳᬶᬲ᭄ᬫᬃ᭞ᬳᬶᬯᬶᬭᬸᬦ᭄ᬮᬯᬸᬢ᭄ᬫᬫᬸᬜᬸ᭞ᬫᬗ᭄ᬭᬯᭀᬲ᭄ᬳᬚᬓ᭄ᬳᬶᬓᬮᬂ᭞ᬲᬚᬵᬧᬶᬲᬦ᭄ᬕᬸᬲ᭄ᬢᬶᬦ᭄ᬕ᭄ᬮᬳᬾᬲᬸᬚᬢᬶ᭞ᬩᬕᬸᬲᬾᬫᬦ᭄ᬭᬸᬲ᭄ᬢᬸᬜ᭄ᬚᬸᬂ᭞ᬢ᭄ᬯᬭᬵᬳᬤᬵ
ᬫᬗᬲᭀᬭᬂ᭞ᬤᬶᬕᬕ᭄ᬮᬂᬢ᭄ᬯᬭᬵᬳᬤᬵᬧᬘᬂᬫᬡ᭄ᬥᬸᬂ᭞ᬭᬤᬾᬦ᭄ᬧᬜ᭄ᬚᬶᬚᬬᬾᬂᬓᬸᬲᬸᬫᬵ᭞ᬓᬾᬢᭀᬫᬗ᭄ᬭᬯᭀᬲ᭄ᬲᬂᬓᬵᬮᬶᬄ᭟ᬭᬯᭀᬲ᭄ᬳᬶᬯᬶᬭᬸᬦ᭄ᬳᬶᬓᬮᬂ᭞ᬓᬧᬶᬋᬗᬦ᭄ᬭᬶᬂᬭᬤᬾᬦ᭄ᬲᬶᬗ᭄ᬳᬵᬫᬵᬦ᭄ᬢ᭄ᬭᬶ᭞ᬮᬯᬸ
ᬢ᭄ᬳᬶᬯᬶᬭᬸᬦ᭄ᬓᬘ᭄ᬫᬸᬓ᭄᭞ᬩᬸᬗᬸᬢ᭄ᬦᬾᬫᬶᬯᬄᬳᬶᬓᬮᬂ᭞ᬯᬶᬭᬾᬄᬲᬸᬩᬵᬢᬳᬸᬳᬶᬓᬮᬂᬳᬶᬯᬶᬭᬸᬦ᭄᭞ᬢ᭄ᬯᬄᬫᬸᬮᬵᬳᬸᬤᭂᬕ᭄ᬳᬸᬤᭂᬕᬦ᭄᭞ᬕᭂᬡ᭄ᬥᭂᬂᬭᬤᬾᬦ᭄ᬲᬶᬗ᭄ᬳᬵᬫᬵᬦ᭄ᬢ᭄ᬭᬶ᭟ᬳᬶᬯᬶᬭᬸᬦ᭄ᬓᬮᬂᬗᬾᬗ᭄ᬕᬮᬂ᭞ᬮᬯᬸᬢ᭄ᬗᬸᬚᬸᬫ᭄ᬯᬃ
ᬡ᭄ᬦᬵᬦᬾᬲᬶᬗ᭄ᬳᬵᬫᬵᬦ᭄ᬢ᭄ᬭᬶ᭞ᬗᬮᭀᬓᬂᬯᬃᬡ᭄ᬦᬦᬾᬩᬕᬸᬲ᭄᭞ᬢᭀᬂᬜᬦ᭄ᬤᬂᬧᬘᬂᬘᬾᬤ᭄ᬥᬵ᭞ᬭᬤᬾᬦ᭄ᬲᬶᬗ᭄ᬳᬵᬫᬵᬦ᭄ᬢ᭄ᬭᬶᬯ᭄ᬬᬓ᭄ᬢᬶᬩᬕᬸᬲ᭄ᬦᬸᬮᬸᬲ᭄᭞ᬓᬾᬢᭀᬫᬸᬜᬶᬦᬾᬗᬚᬸᬫᬂ᭞ᬮᬾᬤᬂᬭᬤᬾᬦ᭄ᬲᬶᬗ᭄ᬳᬵᬫᬵ
[᭕᭘ 58A]
ᬦ᭄ᬢ᭄ᬭᬶ᭟ᬗ᭄ᬮᬸᬲ᭄ᬩᬸᬗ᭄ᬓᬸᬂᬫᬗᬾᬗ᭄ᬕᬮᬂ᭞ᬢ᭄ᬯᬭᬵᬗᬶᬢᬸᬂᬩᬸᬗ᭄ᬓᬸᬂᬫᬳᭂᬮ᭄ᬩ᭄ᬘᬶᬓ᭄ᬩᭂᬘᬶᬓ᭄᭞ᬳᬸᬗ᭄ᬕᭀᬦ᭄ᬗᬸᬧᬳᬶᬤ᭄ᬳᬶᬯᬶᬭᬸᬦ᭄᭞ᬓ᭄ᬭᭀᬥᬵᬦᬾᬫᬓ᭄ᬚᬂᬰᬶᬃᬡ᭄ᬦᬵ᭞ᬲᬳᬶᬲᬳᬶᬢ᭄ᬯᬭᬵᬩ᭄ᬮᬲ᭄ᬓᬾᬦ᭄ᬳᬶᬯᬶᬭᬸᬦ᭄᭞ᬧᬋᬓᬦᬾᬫᬓᬵ
ᬧᬢ᭄ᬧᬢ᭄᭞ᬭᬤᬾᬦ᭄ᬲᬶᬗ᭄ᬳᬵᬫᬵᬦ᭄ᬢ᭄ᬭᬶᬲᬳᬶ᭟ᬫᬕᭂᬦ᭄ᬢᬶᬕᭂᬦ᭄ᬢᬶᬧᬬᬲᬦ᭄᭞ᬤᬾᬦᬶᬂᬜᬩ᭄ᬭᬦ᭄ᬫᬗ᭄ᬕᭀᬦ᭄ᬗᬸᬧᬄᬳᬸᬧᬳᬶᬦ᭄᭞ᬳᬲᬶᬂᬫᬗᬲᬸᬩᬵᬂᬩᬕᬸᬲ᭄᭞ᬳᬶᬯᬶᬭᬸᬦ᭄ᬲᬬᬦ᭄ᬩᬸᬗᬄ᭞ᬭᬤᬾᬦ᭄ᬲᬶᬗ᭄ᬳᬵᬫᬵ
ᬦ᭄ᬢ᭄ᬭᬶᬓᬳᬚᬸᬫ᭄ᬲᬢᬸᬯᬸᬓ᭄᭞ᬳᬗᭀᬩ᭄ᬭᬤᬾᬦ᭄ᬯᬶᬭᬵᬦ᭄ᬢᬓᬵ᭞ᬢᬶᬫ᭄ᬩᬮᬂᬗᬸᬘᬧᬂᬚᬦᬶ᭟ᬐ᭐ᬐᬲ᭄ᬫᬭᬵᬦ᭄ᬤᬦᬵᬐ᭐ᬐᬘᬶᬡ᭄ᬤ᭄ᬭᬵᬓᬶᬭᬡᬵᬦᬾᬚᬦᬶ᭞ᬬᬾᬦ᭄ᬲᬸᬩᬵᬳᬓᬸᬤᬂᬤᬶᬦᬵ
᭞ᬤᬶᬕᬸᬦᬸᬂᬯᬶᬮᬶᬲ᭄ᬫᬫᭀᬦ᭄ᬤᭀᬓ᭄᭞ᬫ᭄ᬤᬮ᭄ᬭᬭᬶᬲ᭄ᬓᬧᬢᬧᬦ᭄᭞ᬤᬾᬦᬶᬂᬧᬘᬂᬫᬗᭂᬦᬄ᭞ᬭᬶᬂᬢᬸᬫᬶᬦᬾᬲᬵᬫ᭄ᬧᬸᬦ᭄ᬭᬯᬸᬄ᭞ᬢᬸᬫᬸᬮᬶᬭᬭᬶᬲ᭄ᬫᬜᭂᬫ᭄ᬩᬄ᭟ᬧᬸᬢ᭄ᬭᬶᬩᬾᬓᭀᬕᬡ᭄ᬥᬵᬲᬭᬷ᭞ᬮᬶᬦ᭄ᬢᬂᬳ
Kaca:Bali-lontar-paparikan-panji-semirang-250ppi.pdf/58
Kaca puniki sampun kauji-wacén
