[᭖᭑ 61B]
᭖᭑
ᬫᬵᬦ᭄ᬢ᭄ᬭᬶ᭞ᬫᬩ᭄ᬭᬶᬬᬸᬓ᭄ᬳᬶᬯᬶᬭᬸᬦ᭄ᬓᬮᬂ᭞ᬳᬶᬲ᭄ᬫᬃᬳᬡ᭄ᬥᬵᬓᬫᬵᬮᬶᬄ᭞ᬧᬥᬵᬳᬗᭀᬩ᭄ᬬᬵᬫᬩᬮᬶᬄ᭞ᬮᬯᬸᬢ᭄ᬫᬗᬸᬘᬧ᭄ᬳᬶᬯᬶᬭᬸᬦ᭄᭞ᬚᬮᬦ᭄ᬚᬦᬶᬳᬸᬦᬶᬗᬬᬂ᭞ᬳᬧᬂᬓᬳᬸᬧᬄᬓᬧᬸᬭᬶ᭞ᬫᬳᬶᬕ᭄ᬮᬦ᭄᭞ᬕᬫ᭄ᬩᬸ
ᬳᬾᬫ᭄ᬮᬄ᭞ᬦᬾᬦᬾᬜᬵ᭟ᬫᬚᬮᬦ᭄ᬲᬮᬶᬂᬧᬮᬶᬯᬢ᭄᭞ᬧᬘᬂᬗᬸᬦᬶᬗᬬᬂᬚᬦᬶ᭞ᬚᬬᬾᬂᬓᬸᬲᬸᬫᬵᬲ᭄ᬤᭂᬓᬦ᭄᭞ᬦᬦᭂᬂᬤᬶᬳᬫ᭄ᬩᬾᬦᬾᬫ᭄ᬮᬶᬗ᭄ᬕᬶᬄ᭞ᬲᬋᬂᬧᬸᬢ᭄ᬭᬶᬦᬶᬮᬵᬯᬢᬶ᭞ᬧᬸᬢ᭄ᬭᬶᬦᬯᬂᬘᬶᬡ᭄ᬥ᭄ᬭᬵᬤᬶᬢᬸ᭞ᬦᬗ᭄ᬓᬶᬮᬶᬦ᭄ᬚ
ᬬᬾᬂᬓᬸᬲᬸᬫᬵ᭞ᬚᬬᬾᬂᬓᬸᬲᬸᬫᬵᬢᬦ᭄ᬫᬭᬶ᭞ᬲᬤ᭄ᬥᬵᬢᬶᬢᬶᬃᬧ᭄ᬭᬭᬳᬶᬦᬾᬓᬸᬲᬧᬸᬲᬧ᭄᭟ᬦᬾᬫᬗ᭄ᬕᭀᬢ᭄ᬯᬭᬵᬚᬮᬾᬦᬦ᭄᭞ᬧᬧ᭄ᬓᭂᬓᬾᬰᬸᬢᬺᬓᬸᬦᬶᬂ᭞ᬦᬶᬮᬵᬯᬢᬶᬓᬕᬯᭀᬓᬦ᭄᭞ᬢᬸᬫᬸᬮᬶᬫᬢ
ᬢᬹᬃᬳᬭᬶᬲ᭄᭞ᬳᬗᭀᬩ᭄ᬲᬦ᭄ᬢᬶᬢ᭄ᬬᬂᬯ᭄ᬬᬵᬓ᭄ᬢᬶ᭞ᬦᬶᬸᬗᬦ᭄ᬢᭂᬦᬂᬩ᭄ᬮᬶᬲᬢᬸᬯᬸᬓ᭄᭞ᬢᬦ᭄ᬯᬾᬦ᭄ᬢᭂᬦ᭄ᬦᬳᭂᬦ᭄ᬩᭂᬮᬲ᭄᭞ᬧᬧ᭄ᬓᭂᬓᬾᬰᬸᬢᬺᬓᬸᬦᬶᬂ᭞ᬤᬶᬚᬵᬓ᭄ᬦᬶᬳᬯᬦᬦ᭄ᬜᬩ᭄ᬭᬦ᭄ᬫᬳᬭᬲ᭄᭟ᬚᬬᬾᬂᬓᬸᬲᬸᬫᬵᬗᬦ᭄ᬤᬶ
[᭖᭒ 62A]
ᬓᬵ᭞ᬧᬩᬳᬂᬓᬓᬦ᭄ᬢᬾᬦᬦ᭄ᬩᭂᬮᬶ᭞ᬫᬳᬤᬦ᭄ᬧᬜ᭄ᬚᬶᬲ᭄ᬫᬭᬂ᭞ᬤᬾᬦᬶᬂᬩ᭄ᬮᬶᬲᬦᬾᬭᬶᬳᬶᬦ᭄᭞ᬫᬓᬦ᭄ᬢᬾᬦᬦ᭄ᬮᬶᬦ᭄ᬢᬂᬩ᭄ᬘᬶᬓ᭄᭞ᬳᬗ᭄ᬕᭀᬜᬘᬶᬭᬶᬦᬶᬂᬢᬸᬳᬸ᭞ᬢᬺᬱ᭄ᬡᬲᬢ᭄ᬢᬡ᭄ᬥᬵᬫᬢ᭄ᬣᬵ᭞ᬫᬵᬢᬹᬃᬧᬸᬢ᭄ᬭᬶᬦᬶ
ᬮᬵᬯᬢᬶ᭞ᬩᭀᬬᬦ᭄ᬥᬸᬕᬶᬳᬦᬓ᭄ᬮᬦᬂᬦᬾᬗᬢᬹᬭᬂ᭟ᬳᬯᬦᬦ᭄ᬓᬳᬭᬲ᭄ᬳᬭᬲ᭄᭞ᬫᬦᬯᬶᬢ᭄ᬣᬵᬳᬦᬓ᭄ᬳᬶᬲ᭄ᬢ᭄ᬭᬶ᭞ᬲᬦᬾᬧ᭄ᬘᬓ᭄ᬫᬦ᭄ᬥᬸᬯᬾᬦᬂ᭞ᬬᬦ᭄ᬳᬦᬓ᭄ᬮᬦᬂᬗᬢᬹᬭᬶᬦ᭄᭞ᬩᭀᬬᬦ᭄ᬥᬸᬕᬶᬲᬧᬸᬦᬶᬓᬶ᭞
ᬲ᭄ᬯᬪᬵᬯᬦ᭄ᬩ᭄ᬮᬶᬦᬾᬲᬸᬗ᭄ᬲᬸᬢ᭄᭞ᬚᬬᬾᬂᬓᬸᬲᬸᬫᬵᬦᬶᬫ᭄ᬩᬮ᭄᭞ᬲᬓᬶᬂᬚᬢᬶᬳᬦᬓ᭄ᬫ᭄ᬯᬦᬶ᭟ᬲᬦᬾᬫ᭄ᬩᬳᬂᬩ᭄ᬮᬶᬲᬩᬸᬓᬾᬦᬾᬜ᭟ᬲ᭄ᬤᭂᬓᬦ᭄ᬫᬓᬶᬮᬶᬢ᭄ᬧᬶᬲᬦ᭄᭞ᬩᬩᬯᭀᬲᬾᬮᬸᬢ᭄ᬧ᭄ᬭᬧ᭄ᬢᭂᬂ᭞ᬳᬶᬯᬶ
ᬭᬸᬦ᭄ᬲ᭄ᬫᬃᬳᬶᬓᬮᬂ᭞ᬳᬶᬬᬵᬡ᭄ᬥᬓᬵᬲᬋᬂᬲᬫᬶ᭞ᬳᬗ᭄ᬓ᭄ᬬᬦᬾᬤᬶᬳᬶᬲ᭄ᬤᬶᬳᬶᬲ᭄᭞ᬲ᭄ᬩᭂᬗᬾᬫᬢ᭄ᬭᬸᬄᬢ᭄ᬭᬸᬄ᭞ᬩᬦ᭄ᬳᬗᭀᬩᬾᬳᬶᬢᬸᬦ᭄ᬬᬦ᭄᭞ᬫᬩᬮᬶᬄᬕᬫ᭄ᬩᬸᬳᬾᬩ᭄ᬘᬶᬓ᭄᭞ᬫᬶᬗᬶᬲ᭄ᬫᬶᬗᬶᬲ᭄ᬚᬬᬾᬂᬓᬸᬲᬸᬫᬵ
Kaca:Bali-lontar-paparikan-panji-semirang-250ppi.pdf/62
Kaca puniki sampun kauji-wacén
